မှတ်စု (၁)

တလောကလုံးမှာ ခရမ်းနုရောင်ကလေးတွေ မှိုင်းမှိုင်းဝေနေ...
နှင်းဝတ်မှုန်တွေရဲ့ အတားအဆီးမဲ့ နယ်ကျွံမှုတွေ...
ရင်ခွင်မှာ တွယ်ငြိလာတဲ့ အတိတ်ဆိုတဲ့ ကမ္ဘာ...

“နှင်း”ရေ ကိုယ့်ဘ၀ထဲမှာတော့ မြူတွေက ကျနေဆဲပဲ။
ဘာတခုမှ သဲသဲကွဲကွဲ မမြင်ရသေးဘူး။
ညဥ့်နက်လာသည့်တိုင် အိပ်စက်ချင်စိတ်က
ကိုယ့်ခန္ဓာကိုယ်ထဲကို ရောက်မလာခဲ့သေးဘူး။
သောကတွေ လောင်မြိုက် ပူလောင်နေတာလည်း ဖြစ်ကောင်းဖြစ်မပေါ့လေ။
ဒါမှ မဟုတ်၊ မင့်ကို သတိရ တမ်းတနေမိတာလည်း ဖြစ်ချင်ဖြစ်မယ်။

အိပ်မရတဲ့ညမှာ “ခင်ဝမ်း”ရဲ့ “ပြည်မှာဆောင်း”ကို ဖွင့်ပြီး
Repeat လုပ်ပြီး အခေါက်ခေါက် အခါခါ နားထောင်နေမိတယ်။
သည်သီချင်းကို “နှင်း”လည်း ကြိုက်တယ် မဟုတ်လား။
သီချင်းနားထောင်ရင်း မင့်ကို ပိုသတိရတယ် “နှင်း”ရေ့။
သီချင်းစာသားတလုံးချင်းရဲ့ အဓိပ္ပါယ်ကို ခံစားနေမိသလို
“ခင်ဝမ်း”ရဲ့ ထူးခြားအေးဆေးတဲ့ ပင်ကိုယ်အသံကိုလည်း
နှစ်သက် သဘောကျနေမိတယ်။

တလောကလုံးမှာ ခရမ်းနုရောင်လေးတွေ မှိုင်းမှိုင်းဝေနေ-သတဲ့။
ခရမ်းရောင်ဆိုတာ အနီနဲ့ အပြာ ပေါင်းထားတာလေ။
အနီက ပူလောင်ခြင်း၊ အပြာက အေးချမ်းခြင်း။
သည်နှစ်ရောင်ကို ပေါင်းလိုက်တော့ ခရမ်းရောင်။
မျှတတဲ့သဘော။ ငြိမ်းချမ်းတဲ့သဘော။
မှိုင်းမှိုင်းဝေနေတဲ့ ခရမ်းနုရောင်လေးတွေဆိုတာ တကယ်တော့ “နှင်း”တွေပေါ့။
သူ့သီချင်းထဲမှာ တလောကလုံးမှာ ခရမ်းနုရောင်လေးတွေ မှိုင်းမှိုင်းဝေနေ-သတဲ့။

ကိုယ့်တလောကလုံးမှာလည်း ငြိမ်းချမ်းမှုကိုပေးတဲ့ ခရမ်းနုရောင်လေးတွေ
မှိုင်းမှိုင်းဝေစေချင်ပါဘိတော့တယ် “နှင်း”ရယ်။