Apr 28, 2011

ကံကြမ္မာကောင်းဘွိုင်...















စီးဆင်းကျလာရပြီဆိုရုံနဲ့တင်...
ဇာတ်က နာနေပြီး
ငါဟာ အသက်ငင်နေပြီပေါ့...

ကိုယ်တွေက--
ငွေ့ရည် ဖွဲ့ချင်နေသူကိုး...
အုံ့ဆိုင်း ပြာလဲ့နေချင်သူကိုး...
ဝင်းလက် ဖြူလွနေချင်သူကိုး...
တောက်ပ လင်းစိုနေချင်သူကိုး...
နှင်းမှုန် ဝေ့၀ဲနေချင်သူကိုး...

ကိုယ်တွေက--
ဓါးတချောင်းလို အေးစက်နေချင်သူကိုး...
သေနတ်မောင်းလို ဖြောင့်တန်းနေချင်သူကိုး...
ဗုံးတလုံးလို ပေါက်ကွဲနေချင်သူကိုး...
မိုင်းတတွဲလို အုန်းဒိုင်းကျဲချင်နေသူကိုး...

စကားလုံးတွေ သိပ်မသုံးပါနဲ့လေ...
အရှုံးအနိုင်ဆိုတာ တကယ့်တကယ်မှာ မရှိဘူးဆိုတာ...
အခက်ဒမစ်တွေ...
ပသက်တစ်တွေ...
ဝါ့ဒ်ဂျပ်ဂလာတွေ...
နင်တို့တွေ သိပါတယ်...

အချစ်နဲ့ သီကုံးထားတဲ့အရာမှန်သမျှ ပြာလွင်လို့...
အမုန်းနဲ့ ဖြိုချထားတဲ့အရာမှန်သမျှ လဲပြိုလို့...
အရှုံးနဲ့ ငိုပြထားတဲ့အရာမှန်သမျှ ရွှဲစိုလို့...
အပြုံးနဲ့ အလိုကျသွားတဲ့အရာမှန်သမျှ အကဲပိုလို့...

မိုးပြိုဖူးတဲ့ ငှက်ဟာ
တောင်ပြိုမှာလောက်ကို စာမဖွဲ့တော့ဘူး...
သူ့မှာ ပျံသန်း ပြေးလွှားဖို့ရာ ကောင်းကင် ကျန်နေသေးတယ်...ဆိုတာ...
သူ ကောင်းကောင်း သိတာပေါ့...

ငါကတော့ ကဗျာဆရာပါ...
တောင်ပြိုမှာလည်း စိုးရွံ့ရ...
မိုးပြိုမှာလည်း စိုးရွံ့ရ...
ပင်လယ်ပြိုမှာလည်း စိုးရွံ့ရ...

ငါ့မှာက-
ပြေးလွှားစရာ -
မြေမှ မရှိတော့တာ...
ပျံသန်းစရာ -
လေမှ မရှိတော့တာ...
ကူးခပ်စရာ -
ရေ မှ မရှိတော့တာ...

ငှက်တကောင် မဟုတ်တော့...
အတောင် နှစ်ဖက် မရှိဘူး...
ကမ်းကုန်...
လမ်းကုန်...
စခန်းကုန်ပါပဲ...

သို့သော်လည်း
နှစ်ဖက်ပဲရှိတဲ့ လက်နှစ်ချောင်းမှာ
ကံကြမ္မာရဲ့ မောင်းတင်ထားတဲ့ သေနတ် နှစ်လက်ကို
ငါဖွက်ထားတာ ဘယ်သူသိမလဲ...

တလက်က သေမင်းကို ငါ ပစ်ဖို့...
တလက်က သေမင်းက ငါ့ကို ပစ်ဖို့...

ATN

လွဲမှား တိမ်တိုက်များ...













ငါတို့ဟာ
ဘ၀ရဲ့ အဓိပ္ပါယ် မရှိမှုတွေ ကြားထဲမှာ
လွဲမှားမှုတွေရဲ့ အဓိပ္ပါယ်ကို အဓိပ္ပါယ် ရှိရှိ ရှာခဲ့ရ...

နင်ရော ငါရော...
လွှင့်ချင်ရာကို လွှင့်ရင်း... က...
လွင့်ချင်ရာကို လွင့်ခဲ့ရတဲ့... ကြိုးပြတ် စွန် နှစ်ကောင်...

ဒဏ်ရာ တထောင်ကို ထမ်းပိုးထားတဲ့ စာမျက်နှာ တခုစီသာ...
မရီမောနီုင်သော စိုထိုင်းဆတွေ အကြီးကြီးနဲ့...
ငါတို့ ရင်မှာ သိပ်သည်းနေတော့တယ်...

နာကျင်ခြင်းများ နှင်းလို ခုန်ချလာကြတဲ့အခါ....
ပျော်ရွှင်ခြင်းများစွာ ရင်ခွဲ အသည်းထုတ် နေလှန်းရ...

ကြေကွဲခြင်းများ မိုးလို ပြိုကျလာကြတဲ့အခါ...
စိုပြည်ခြင်းများကို အကြေးလှန် အရေဆုတ် မီးနဲ့ ဖုတ်ရ...

ဟုတ်-ဟုတ် မဟုတ်-ဟုတ်...
ဟုတ်တော့ ဟုတ်နေခဲ့ပါပြီ-ဟု အမည်ရသော ဘ၀...
ငါ့ လက်ထဲမှာ...
နင့်လက်ထဲမှာ...

နင့် ကော်ဖီ သောက်ချိန်က..
ငါ့ ဘီယာ သောက်ချိန်...

နင် ၀ိုင်တခွက် သောက်နေစဉ်မှာ...
ငါက အင်နာဂျီဒရင့်တလုံး သောက်နေ...

နင် မနက်စာ စားတော့...
ငါက ညနေစာကို ဘီယာများနဲ့ မျှောချ...

ငါ နိုးထ ချိန်မှာ...
နင်က အိပ်ပျော်နေ...

ငါ အလုပ်သွားချိန်မှာ...
နင်က အိမ်ပြန်ပြီ...

ငါ့နေ့က နင့်ညတွေထဲမှာ လှပပြီး
ငါ့ညတွေက နင့်နေ့ရက်ထဲမှာပဲ ပျော်ဝင်နေ...

တို့နှစ်ယောက်အကြားမှာ
ဘယ်အခါများမှ
ညီမျှခြင်း တခုက ပြုတ်ကျလာပါ့...

ATN

Apr 11, 2011

ကောင်းရာ သုဂတိမှာ ခုထိ အမေ ပြုံးနေဆဲ...

တကယ်တော့
သည်နေ့တနေ့ခင်းလုံးလုံး
ကျနော့် နှလုံးသားကို
မျက်ရည်များ ဖုံးအုပ်ထားတာပါမေမေ...

ကျနော် မငိုချင်ဘူး...
အမေ့လို သံမဏိချောင်းတချောင်း
ကျနော် ကောင်းကောင်း ဖြစ်ချင်ခဲ့တာပေါ့...

ဒါပေမယ့်...
အမေရယ်...
အမှန်တရားကို ချစ်တဲ့ အမေ့ အခါးတွေ
သား စဉ်းစားမိတိုင်း....
ရင်မှာလှိုင်းထ...

ချိုတဲ့ ရက်လေး ရောက်ချင်တဲ့ ကျနော့်အမေ...
ချိုတဲ့ရက်ကလေး မရောက်ခင်...
အသက်ပျောက်သွားခဲ့...

နောက်ဘ၀များမှာတော့...
အခါးတွေကြားထဲ မလာမိပါစေနဲ့ အမေ... ရယ်...
ကျနော်လေ
သည်နေ့ တနေ့လုံးလုံး ဆုတောင်းနေမိပေါ့...

အမြဲ ပြုံးနေတတ်တဲ့ ကျနော့်အမေ...
ရေကြည်အိုင်ထဲက
ငရဲ နေ့ ညတွေ
ကျနော့်ကို တကြိမ် တခါမှ မပြောပြခဲ့လေဘူး...
သူ့ သားကလေး ရူးသွားမှာ စိုးလို့လား အမေ...

သူတပါး ပြောပြမှ
ကျနော် သိရတဲ့ အမေ့ညတွေ
ကျနော့် သားလေးတွေကိုလည်း
ကျနော် မပြောပြရဲဘူးအမေ...
သူတို့တွေ နာကျင်ကြေကွဲသွားမှာ
ကျနော်လည်း မလိုလားဘူးလေ...

ချိုတဲ့ရက်ကလေး မရောက်ခင်
အမေ လက်မြှောက်သွားတာ မဟုတ်ဘူး...
အောင်မြင်မှုဆီ အမေ ရောက်ရှိသွားတာ...

ခါးသည်းနေ့ရက်များကို
အမေ ကျောခိုင်းသွားတာ မဟုတ်ဘူး...
ချိုမြသော မနက်ခင်းများဆီ
အမေ ပျော်ရွှင်ချီတက်သွားတာ...

အမေ... ငြိမ်းချမ်းသွားတာ...
အမေ... လွတ်မြောက်သွားတာ...
အမေ... ငြိမ်သက်သွားတာ...
ဒါကိုပဲ ကျနော် အကြိမ်ကြိမ်.... ပျော်ရွှင်နေမိပါရဲ့... မေမေ...

ကောင်းရာ သုဂတိမှာ
ခုထိ အမေ ပြုံးနေဆဲ...
ဒါကိုပဲ ကျနော် အကြိမ်ကြိမ်.... ပျော်ရွှင်နေမိပါရဲ့... မေမေ...

ATN