Mar 31, 2008

တတိယမြောက် ဖွဲ့ဆိုတီးခတ်မှု



သူငယ်ချင်း Lai ရဲ့ တတိယမြောက်ဖွဲ့ဆိုတီးခတ်မှုပါ။ ဟစ်ပ်ဟော့ပ်ဘိ(တ်) အပေါ်မှာ ဂစ်တာမျိုးစုံကို သူတီးခတ်သွားတာ နားဆင်ကြည့်ကြပါဦး။

Mar 23, 2008

လွတ်လပ်ရေးဟစ်ကြွေးသံ



ကျနော့် သူငယ်ချင်း (သူ့ကို လိုင်းလို့ ကျနော်က ခေါ်တယ်) လိုင်းရဲ့ လွတ်လပ်ရေး ဟစ်ကြွေးသံပါ။ ခံစားကြည့်ကြပါဦး၊

ငိုကြွေးနေသော ကမ္ဘာမြေ



ဒီသီချင်း (အမှန်ကတော့ Instrumental ခေါ်တဲ့ တီးလုံးပါ) ကတော့ YouTube ပေါ်က ကျနော့် သူငယ်ချင်းတယောက်ရဲ့ လက်ရာပါ။ သူက Lao ကပါ။ Lai Youttitham လို့ ခေါ်ပါတယ်။ ကမ္ဘာ မြေကြီးမီးလောင်နေပုံကို သူ့ ဂစ်တာနဲ့ သရုပ်ဖော်ထားတာပါ။ သူ့ကို ကျနော် အရမ်းအားကျတယ်။ သူ့နှလုံးသားကို ခံစားကြည့်ကြပါဦး၊

ခဏနားဦးမယ်

လာလည်သူ အားလုံး မင်္ဂလာပါ။ လာလည်တဲ့အတွက် ကျေးဇူး အများကြီးပါ။ ပြီးခဲ့တဲ့ ၁၅ ရက် ကတည်းက ဆီပုံးမှာ အော်ထားပါတယ် - ခဏ နားမယ်- လို့။

အလုပ်-၂-ခုလုပ်ရလို့ အချိန်အားက နည်းပါတယ်။ တပတ်မှာ တရက်ပဲ နားချိန် ရပါတယ်။ မိသားစုအတွက်လည်း အချိန်ပေးရသေးတယ်။ ဒီကြားထဲက ပို့စ်တွေ တင်ခဲ့တာပါ၊

အခုတော့ လူကိုယ်တိုင်လည်း နည်းနည်း ညောင်းညာနေတယ်။ စိတ်ရော ကိုယ်ရောပေါ့။ ဒါကြောင့်မို့ ခဏ နားခွင့်ပေးကြပါ။

ကိုယ်တိုင် မရေးနိုင်သေးတဲ့ အချိန်မှာ ဘလော့ဂါ မောင်နှမတွေအတွက် အပန်းပြေနိုင်တာလေးတွေ တင်ပေးပါ့မယ်။

အားလုံးပဲ ရွှင်လန်းချမ်းမြေ့ကြပါစေ။

(အောင်သာငယ်)

Mar 10, 2008

ကမ်းဝေးလှေ




















ဒီလိုနဲ့ ...
အမေ့ ချစ်ခြင်းများက
ရေချပေးခဲ့တဲ့
ဟောဒီ လှေကလေးဟာ
သမုဒ္ဒရာ တောနက်နက်တွေထဲ
တိုးရှဲ ဖြတ်သန်းခဲ့တယ်
ရဲ..ရဲ...။

ဒီလိုနဲ့ ...
အစောင့်အကြပ် မထူထပ်ခဲ့တဲ့
ပစ္စလက္ခတ် ရာသီတံခါးများ
တချပ်ပြီးတချပ်
အဆုံးသပ်သွား...။

ဒီလိုနဲ့ ...
တခုခု အမြဲလိုနေတဲ့
ကိန်းဂဏန်း နံပတ်များကို
ချပ်ဝတ်မိန်ညိုအဖြစ်
ချုပ်လုပ်ဝတ်ဆင်ရင်း
လူဆင်းရဲ ဖြစ်ခဲ့...။

ဒီလိုနဲ့ ...
သင်္ချာပုဒ်စာ အဟောင်းအမြင်းများသာ
ငါ့အိမ်ရှေ့မြက်ခင်းမှာ
သူတော်အချင်းချင်း
သတင်းလွေ့လွေ့ပျော်ပါးကြ...။

ဒီလိုနဲ့ ...
ကစဥ့်ကလျားတွေ ပေါများတဲ့
ပြသာဒါးနေ့တွေနဲ့
နေလို့ ထိုင်လို့ မထိတဲ့အထိ
ရောက်ရက်ခတ်အောင် စိတ်ပိန်နေမိတဲ့
အလုပ်လက်မဲ့ ပြက္ခဒိန်တွေက
လေးဆယ့်လေးကြိမ်တိတိ်
ပြည့်စုံပြီးမြောက်ခဲ့လေတယ်။

ဒီလိုနဲ့ ...
ကုန်သွယ်မှုလိုငွေ
နှစ်တိုင်းလို ပြနေနေခဲ့တဲ့ ဘ၀ကတော့
အကြိမ်တသိန်းတိုင်
ပြီးမြောက်နိုင်မယ် မထင်လေဘူး။

ဒီလိုနဲ့...
ဘ၀ရဲ့ စာစီစာကုံးထဲ
ဝါကျတကြောင်းစီရဲ့ အဆုံးသတ်ကို
သုံးသပ်ကြည့်နေရတုန်းပါပဲ.....၊

ဒီလိုနဲ့...
အမေ့ ချစ်ခြင်းများက
ရေချခဲ့တဲ့လှေကလေး
လေးဆယ့်လေးကြိမ်တိုင်သည်အထိ
ကမ်းနဲ့ဝေးနေမိသေးတယ်။

ATN

(မွေးနေ့သို့)

သီချင်းသည်တယောက် ကျနော်တို့ စွန့်လွှတ်ခဲ့ရပြီ



ကျနော်တို့ ချစ်ခဲ့တဲ့ သီချင်းသည်တယောက်ကို ကျနော်တို့ စွန့်လွှတ်ခဲ့ရပြီ။ အတိုင်းအဆမဲ့ ကြေကွဲခဲ့ပါတယ်။ ``ခြင်္သေ့လည်ပြန်``ကို နှစ်ခါပြန် ကျနော်တို့ မကြားနိုင်တော့ဘူး။

Mar 5, 2008

မြန်မာပြည်မှာကွယ် ကဗျာဆရာတွေကများ-၂ (တတိယပိုင်း) နဲ့ နိဂုံး



ပြီးခဲ့တဲ့ ပို့စ်နှစ်ခုမှာ (၁) လူတဦးချင်းစီရဲ့ အနုပညာခံစားမှုနဲ့ (၂) ဖန်တီးရှင် -၃-မျိုးကို ကျနော် ဆွေးနွေးခဲ့ပြီးပါပြီ၊

အခု -
တတိယအချက်အနေနဲ့ ဆွေးနွေးမှာကတော့ အနုပညာတွေကို ဖန်တီးတဲ့ နေရာ၊ အချိန်ကာလနဲ့ အခွင့်အရေးပါ။
ကျနော်တို့မျိုးဆက် အနုပညာတွေကို ဖန်တီး နေကြရတဲ့နေရာဟာ စစ်အာဏာရှင်တွေရဲ့ စစ်ဖိနပ် သံခွာအောက် ရောက်နေရတဲ့ ဗမာပြည်ပါ။ ဆိုတော့ အားလုံးသိပြီး ဖြစ်ကြတဲ့အတိုင်းပါပဲ ဖန်တီးခဲ့ရသမျှ အနုပညာတွေ အားလုံးဟာ လွတ်လွတ်လပ်လပ် ဖန်တီးခွင့် ရခဲ့ကြတာမဟုတ်ပါဘူး။ အကန့်အသတ် အခက်အခဲတွေ ကြားထဲက ဖန်တီးနေခဲ့ကြရတာပါ။


- စာပေနယ်မှာဆိုလည်း စာပေစီစစ်ရေးရဲ့ ဆင်ဆာကတ်ကျေးနဲ့ ဖြတ်ညှပ် အသတ်ခံခဲ့ရတဲ့ စာတွေ-ကဗျာတွေ အများကြီး ရှိခဲ့ပါတယ်။ ဒီအကြောင်းတွေကိုလည်း စာရေးစရာတွေ။ ကဗျာဆရာတွေက ပြန်လည် ရင်ဖွင့် ပြောပြတာတွေကို အများကြီး ဖတ်ခဲ့ကြရဖူးမှာပါ။
- ဂီတနယ်မှာဆိုလည်း သီချင်းတခွေ ထုတ်ရင် အနည်းဆုံး အကျိုးပြု (၃) ပုဒ်ပါရမယ်-ဆိုတဲ့ စီစစ်ရေးရဲ့ ဥပဒေနဲ့ ကိုယ်ကြိုက်ကြိုက် မကြိုက်ကြိုက် စစ်အာဏာရှင်တွေအကြိုက် (၃) ပုဒ် ထည့်ဆိုပေးရပါတယ်။ အဲဒီလို သီချင်းမျိုးကို တကမ္ဘာလုံးမှာ ဘယ်နေရာမှာမှ တွေ့ကြရမယ်မထင်ပါ၊ ကျနော်တို့ နိုင်ငံမှာပဲ ရှိပါလိမ့်မယ်။ နောက် ဂီတသမားတွေမှာလည်း Concert (ကျနော်တို့ဆီမှာတော့ Stage Show လို့ခေါ်ကြတယ်) တခုလုပ်ချင်ရင် ခွင့်ပြုချက်တင်ရသေးတယ်။ ဘာအ၀တ်အစားမ၀တ်ရ။ ဆံပင်ရှည် မထားရ။ ဘောင်းဘီရှည် မ၀တ်ရ- အစရှိသည်ဖြင့် ပညတ်တော် ဆယ်ပါးကိုလည်း လိုက်နာကြရပါသေးတယ်၊
- ရုပ်ရှင်နယ်မှာဆိုရင်လည်း ဆင်ဆာဖြတ်ခံခဲ့ရတဲ့ ကားတွေ အများကြီးပါပဲ။ ဥပမာ- ဆရာမြသန်းတင့်ရဲ့ `ဓါးတောင်ကိုကျော်၍ မီးပင်လယ်ကို ဖြတ်မည်` ၀တ္ထုကို ကျော်ဟိန်းပြန်ရိုက်တဲ့ကား ဆင်ဆာဖြတ်လိုက် ပြန်ရိုက်လိုက်နဲ့ ခဏခဏ ပြန်ပြင်ရိုက်နေရတော့ မူရင်းဝတ္ထုနဲ့ တခြားစီဖြစ်ပြီး ထွက်လာပါသတဲ့။
တခြားအနုပညာနယ်ပယ်တွေမှာလည်း ထိုနည်းလည်းကောင်းပါပဲ၊

နောက်တခုကတော့ ကျနော်တို့မျိုးဆက် ရှင်သန်ကြီးပျင်းပြီး အနုပညာတွေကို ဖန်တီးနေရတဲ့ အချိန်ကာလက စစ်အာဏာရှင်စနစ်က အားကောင်းနေပြီး နိုင်ငံသားအားလုံးရဲ့ အခြေခံအခွင့်အရေးအားလုံးကို ငြင်းပယ်ခြင်းခံနေရတဲ့ အချိန်ကာလပါပဲ၊ ဒီလိုကာလမျိုးမှာ အနုပညာသည် စစ်စစ်တွေ။ အနုပညာ စစ်စစ်တွေ မဖူးပွင့်နိုင်ပါဘူး။ အငုံအဖူးဘ၀မှာပဲ ကျေနပ်နေကြရတာပါ။ သိပ်ဖူးပွင့်ချင်သူများအဖို့တော့ စစ်အာဏာရှင်တွေက ဖူးပွင့်ခွင့်ပေးတဲ့ နေရာမှာ အစွမ်းကုန်ဖူးပွင့်နိုင်ပါတယ်၊ အဲဒီနေရာတွေကိုတော့ အကျဉ်းထောင်လို့ ခေါ်ကြလေရဲ့။ အနီးဆုံး ဥပမာလေးတခုပါ- ဖေဖော်ဝါရီဆယ့်လေး-ကဗျာရေးခဲ့တဲ့ ကဗျာဆရာ-ကိုစောဝေကိုပဲကြည့်ပါ။
- ဒီလို အချိန်ကာလမျိုးမှာ အနုပညာဖန်တီးသူတွေအတွက် အခက်အခဲတွေ မျိုးစုံကြုံကြရပါတယ်။ အခက်အခဲတွေမျိုးစုံမှာ ပထမဆုံး ကြုံကြရတာက စားဝတ်နေရေးဆိုတဲ့ လူတိုင်းအတွက် နေ့စဉ်ဖြေရှင်းနေရတဲ့ အခြေခံ လိုအပ်ချက်ပါ။ စားဝတ်နေရေး လိုအပ်ချက်အတွက်တောင် လွတ်လွတ်လပ်လပ် စီးပွားရှာဖွေခွင့် မရတဲ့ အချိန်ကာလမျိုးမှာ အနုပညာကိစ္စဆိုတာ ဒုတိယနေရာကို ရောက်လာတာပါပဲ၊ ဥပမာဗျာ- ကျနော် ဖတ်ဖူးခဲ့တာလေးတခုပေါ့ - အသေးစိတ်အတိအကျတော့ မမှတ်မိတော့ဘူး- `စစ်တပ်တတပ်ဟာ ၀မ်းပိုက်နဲ့ စစ်တိုက်ရတယ်`-ဆိုတဲ့ စကားလိုပါပဲ အနုပညာရှင် တယောက်ဟာလည်း သူ့ဝမ်းပိုက်ကို အရင်ဖြည့်ရမှာပေါ့။ နောက်တခုက အဲဒီအနုပညာရှင်ဟာ အိမ်ထောင်ဦးစီးတယောက်ဆိုရင် သူ့ ဇနီးသားသမီးတွေရဲ့ ၀မ်းပိုက်တွေကို အရင်ဖြည့်ရမှာ အသေအချာပါပဲ၊ အဲဒီဝမ်းပိုက်တွေကို ဖြည့်ပြီးမှ သူ့ အနုပညာတွေကို ဖန်တီးနိုင်တော့မှာပေါ့။ ကျနော်တို့တိုင်းပြည်မှာ အများစုက လက်လုပ်လက်စားတွေပါ။ အများစုက အောက်ခြေလူတန်းစားတွေပါ။ အနုပညာရှင်တွေဆိုတာကလည်း အများစုက ဒီလူတန်းစားထဲက ထွက်လာတာပါ။ ဆိုတော့ ၀မ်းမပြည့်နိုင်သေးတဲ့အခါ အနုပညာတွေလည်း သိပ်မထွက်လာနိုင်ဘူးလို့ ကျနော်ကတော့ ယူဆပါတယ်။ လူချမ်းသာမိသားစုကထွက်လာတဲ့ အနုပညာရှင်တွေလည်း ရှိမှာပါ။ ဒါပေမယ့် ကျနော် လေ့လာ ဖတ်ရှု ကြားသိမိရသလောက်ထဲမှာ အနည်းအကျဉ်းပဲရှိပါတယ်၊ ကျနော် ပြောတာ မှားသွားခဲ့ရင်လည်း ခွင့်လွှတ်ပါ။

နောက်တခု ဆက်ပြောချင်တာကတော့ အခွင့်အရေးပါ၊ အထက်က ဆွေးနွေးခဲ့တဲ့ အချက် နှစ်ချက်အပြင် အနုပညာနဲ့ပတ်သက်တဲ့အခါ ဆက်စပ်နေတာက အခွင့်အရေးပါ။ ဥပမာ တခုအနေနဲ့ လူတယောက်အကြောင်း ပြောပြချင်ပါတယ်။ ကျနော်က ဂစ်တာတီးသူ တယောက်လည်းဖြစ်နေတော့ ဂစ်တာသမားတယောက် အကြောင်းကိုပဲ ဥပမာ ပေးပါရစေ။ ၈၈ နောက်ပိုင်းမှာ ဗမာပြည်မှာ နံမည်ကြီးလာတဲ့ Band တခု ရှိပါတယ်။ လူတိုင်းလည်း သိကြမှာပါ Iron Cross ဆိုတဲ့ အမည်ကို။ IC လို့လည်း အတိုကောက် ခေါ်ကြပါတယ်၊ IC ရဲ့ Lead Guitarist ချစ်စမ်းမောင် ကိုလည်း လူတိုင်းလိုလိုပဲ သိကြမှာပါ၊ သူကတော့ ပါရမီရှင်ပါ။ သူကိုယ်တိုင် ပြောထားတဲ့ အင်တာဗျူးတွေမှာကိုက အဲဒီအချက်ကို သိနိုင်ပါတယ်၊ ချစ်စမ်းမောင်ဟာ Stringed Instrument တော်တော်များများကို ကျင်ကျင်လည်လည် တီးခတ်နိုင်တာ တွေ့ရပါတယ်၊ Violin အုပ်စုတော့ မပါပါဘူး။ ဒါပေမယ့် Guitar အုပ်စုမှာတော့ Steel Guitar လိုမျိုး တူရိယာတွေကိုပါ တီးခတ်နိုင်တာ တွေ့ရပါတယ်။
ကျနော် အဓိကပြောပြချင်တာကတော့ အခွင့်အရေးပါ၊ ချစ်စမ်းမောင်ဟာ ဘယ်လောက်ကြီး ပါရမီရှိရှိ။ သူ့ အမက သူ့ကို ဟင်္သာတကနေ ရန်ကုန် ဂီတလောကကို ရောက်အောင် မပို့ခဲ့ရင်၊ ဆရာ စောဘွဲ့မှူးလို ဆရာသမားကောင်း တယောက်ဆီမှာ သူ မဆည်းပူးခဲ့ရရင် ချစ်စမ်းမောင်ကို အခုလိုအခြေအနေမျိုး ကျနော်တို့ တွေ့ရလိမ့်မယ်လို့ မထင်ပါဘူး။ နယ်မြို့ကလေးမှာပဲ ဂစ်တာသမားလေး ချစ်စမ်းမောင်ဖြစ်နေမှာ အသေအချာပါပဲ၊
ဒါကို ဘာလို့ ကျနော် ပြောနိုင်တာလည်းဆိုတော့ လွန်ခဲ့တဲ့ နှစ်နှစ်ဆယ်ကျော်မှာ ကျနော်လည်း Lead Guitarist တယောက်အဖြစ် ရူးသွပ်ခဲ့ဖူးလို့ပါပဲ။ ကျနော့်အကို ဖြစ်သူက St. Paul (ဗိုလ်တထောင် အ-ထ-က-၆)မှာ ကျောင်းတက်ပါတယ်။ သူနဲ့ တတန်းထဲတက်တဲ့ သူ့သူငယ်ချင်းက သီချင်းတွေ ကိုယ်တိုင်ရေး ကိုယ်တိုင်ဆိုတဲ့ အဆိုတော် သားထွေးပါ။ ကိုသားထွေးနဲ့ ဆက်စပ်ပြီး ရန်ကုန်က Studio တွေ တော်တော် များများက အဆိုတော်တွေရဲ့ Recording Session တွေကို ကျနော် သွားရောက် လေ့လာခွင့်တွေ ရခဲ့ဖူးပါတယ်။ အထူးသဖြင့် Lynn Studio, May Studio တွေဆို ကျနော် ခဏခဏ ရောက်ဖြစ်ပါတယ်။ Studio တွေကိုရောက်တော့ Lead Guitar သမားတယောက်အတွက် မရှိမဖြစ် သိသင့်သိအပ်တဲ့ အရာတွေ အများကြီး ရှိနေတာကို သတိပြုမိပါတယ်။ Music Theory တွေကတော့ အဓိကပါပဲ၊ ဒါပေမယ့် တခြားအဓိကကျတဲ့ အချက်တွေထဲမှာ Technology ကလည်း ပါပါသေးတယ်။ Guitar Effects & Sound Processors တွေ။ Amplifiers တွေ။ Mixers တွေ။ ဒါတွေ နားလည်ဖို့ဆိုတာ ကိုယ့်ဘာသာကိုယ် အိမ်မှာ ထိုင်နေလို့ မရပါဘူး။ လက်တွေ့ ကိုင်တွယ် တီးခတ် စမ်းသပ်နိုင်တဲ့ အခွင့်အရေး ရမှ ဖြစ်မှာပါ။ Studio တွေမှာ ကျနော် သွားလေ့လာရင်းနဲ့ ပညာလျှိုတဲ့ ဂစ်တာသမားကြီးတွေကိုလည်း တွေ့ခဲ့ဖူးပါတယ်၊ သူတီးတာ- သူသုံးတဲ့ Effects တွေကို သူများသိမှာစိုးလို့ Studio နံရံကို မျက်နှာချင်းဆိုင်ပြီး ဂစ်တာတီးနေခဲ့တာကိုလည်း တွေ့ဖူးခဲ့ပါတယ်၊ လိုရင်းပြောရရင် ဂစ်တာပညာရှင်တယောက်အဖြစ် ကျနော် လိုအပ်တဲ့ အချက်အလက်တွေကို လေ့လာ သင်ယူဖို့ အခွင့်အရေး မရခဲ့ပါဘူး။ သင်ကြားပေးမယ့် ဆရာလည်း မကြုံတွေ့ခဲ့ရဘူး။ ဒီလိုနဲ့ ကျနော်လည်း စိတ်ဓါတ်ကျသွားခဲ့ပြီး ဂစ်တာ သိပ်မတီးဖြစ်တော့ပါဘူး။
ချုပ်ပြောရရင် အနုပညာသမားတယောက်ဖြစ်ဖို့ဆိုတာကလည်း မြေတောင်မြှောက်ပေးမယ့် ဆရာသမား ကောင်းတွေနဲ့တွေ့ကြုံရတဲ့ အခွင့်အရေးမျိုး လိုပါသေးတယ်။ ပါရမီရှင်တွေအတွက်တော့ လိုချင်မှ လိုမှာပေါ့လေ။ အဲဒီတော့ အခွင့်အရေးတွေ နည်းလာတဲ့အခါ အနုပညာသည်တွေလည်း နည်းလာတယ်လို့ ကျနော်ထင်ပါတယ်။

နိဂုံး

နိဂုံးချုပ်ပြောရရင်တော့ ပြီးခဲ့တဲ့ ပို့စ် နှစ်ခုနဲ့ အထက်က ကျနော်ဆွေးနွေးခဲ့တဲ့ အချက်တွေအပေါ်မှာ အကြောင်းပြုပြီး ကျနော်တို့မျိုးဆက် လူငယ်တွေမှာ ကဗျာဆရာနဲ့ ဂစ်တာသမားတွေ ပေါလာတယ်လို့ ကျနော်ယုံကြည်ပါတယ်။ အတိအကျ ပြောရရင်တော့ ကဗျာဆရာနဲ့ ဂစ်တာသမားဆိုတဲ့ ဝေါဟာရထက် ကဗျာရေးသူတွေနဲ့ ဂစ်တာတီးသူတွေ ပိုများလာတယ်လို့ပဲ ပြောပါရစေ။

အဲဒီအထဲက တယောက်ဟာ ကျနော်ပါပဲ။
ကျနော်က ကဗျာတွေရေးတယ်၊ ဂစ်တာတီးတယ်။ ပါရမီရှင်လည်း မဟုတ်ဘူး။ ပညာရှင်လည်း မဟုတ်ပါဘူး။
ဒါပေမယ့် ၀ါသနာအရ ကဗျာတွေ ဆက်ရေးနေဦးမယ်။ ဂစ်တာလည်း ဆက်တီးနေဦးမယ်ဗျာ။

အားလုံးပဲ ရွှင်လန်းချမ်းမြေ့ကြပါစေ။

(အောင်သာငယ်)


Mar 3, 2008

မြန်မာပြည်မှာကွယ် ကဗျာဆရာတွေကများ-၂ (ဒုတိယပိုင်း)


မနေ့က ကျနော်ဆွေးနွေးခဲ့တဲ့ ဒုတိယအချက်ကိုပဲ ဆက်ပြောပါဦးမယ်။

ပါရမီရှင် (Genius)၊ ပညာရှင် (Professional) နဲ့ ၀ါသနာရှင် (Amateur) ဆိုတဲ့ အနုပညာဖန်တီးသူ သုံးမျိုး ရှိတယ်ဆိုတဲ့ အချက်ပါ။

ကျနော်က ဂီတကို ချစ်တယ်။ သီချင်းတွေ၊ တီးလုံးတွေကို နှစ်သက်တယ်။ အရွယ်ရောက်လာတော့ တူရိယာ တခုခုကို ကိုယ်တိုင် တီးဆိုချင်စိတ်က အတော်ပြင်းပြ လာခဲ့တယ်။ ကျနော့် သူငယ်ချင်း အတော်များများကတော့ ဂစ်တာတွေ တီးနေကြပြီ။ ကျနော်ကတော့ ဂစ်တာကို ကိုင်တောင် မကြည့်မိသေးပါဘူး။ ကျနော့် စိတ်ထဲမှာ တီးခတ်ချင်တဲ့ တူရိယာက စန္ဒယားပါ။ ဒါနဲ့ ပီယာနို သင်တန်းတွေ၊ ဆရာတွေကို လိုက်စုံစမ်း ကြည့်မိတယ်။ အလိုလေး- ဈေးက ကြီးလှပါဘိ။ တနာရီကို (၅၀)ကျပ်တဲ့။ အဲဒီခေတ်က ကျနော် မုန့်ဖိုးရတာကမှ တနေ့ကို ငါးမတ် (၁ ကျပ်နဲ့ ၂၅ ပြား)။ ဘုရား-ဘုရား-ဈေးကြီးလှချည်လား-ဘယ်လိုလူတွေကများ ဒီသင်တန်းကို တက်နိုင်သလဲ။

ကဲ-- ဆရာယောရေ့ အဲသလိုနဲ့ အောင်သာငယ်လည်း ဂစ်တာဖက်ကို ခြေဦးလှည့်ခဲ့ရကြောင်း ပါဗျာ။



ဒါပေမယ့် ဂစ်တာကိုလည်း ကိုယ့်ဘာသာ မ၀ယ်နိုင်ပါဘူး၊ စာရေးဆရာ ဗန်းမော်တင်အောင်ရဲ့သား အငယ်ဆုံး ကိုကျော်ဇောအောင် ဆီက ခဏခဏ ငှားတီးရတယ်။

ဒီလိုနဲ့ ဆယ်တန်းအောင်တဲ့နေ့မှာ အဖေက ကျနော့်ကို မေးတယ် - မင်း ဘာလိုချင်လဲ -တဲ့။ ကျနော်က- သား ဂစ်တာလိုချင်တယ် -ဆိုတော့။ အဖေက ထပ်မေးတယ် - ဘာဂစ်တာလဲ ၊ ဗမာဂစ်တာလား -တဲ့။

အဖေပြောတဲ့ ဗမာဂစ်တာဆိုတာ Hawaiian Guitar ပါပဲ။ ကျနော်တို့ ဆီမှာ ဘိ လို့ ခေါ်တဲ့ Metal Bar -များသောအားဖြင့် Steel Bar-တခုနဲ့ ဂစ်တာကြိုးကို ဖိပြီး တီးရတယ်။ ဒါပေမယ့် ဟာဝေယံဂစ်တာနဲ့ ဗမာ ဂစ်တာက ကြိုးညှိတာချင်း မတူပါဘူး။ ပြီးတော့ ကျနော် တီးချင်တာက ဗမာဂစ်တာမှ မဟုတ်တာ။ ဗမာ သံစဉ်တွေ၊ ဗမာ သီချင်းတွေကို ကျနော်လည်း နှစ်သက်ပါတယ်။ ဒါပေမယ့် ကျနော် လိုချင်တာက လူငယ်တွေ အားလုံး တီးနေကြတဲ့- Spanish Guitar ပ၊ါ။ ဒါနဲ့အဖေ့ အမေးကို Spanish Guitar ပါ -လို့ဖြေခဲ့တော့ ဗမာ ဂစ်တာမဟုတ်လို့ အဖေက ၀ယ် မပေးခဲ့ပါဘူး။

ဒီလိုနဲ့ ကျနော် ဒေသကောလိပ် တက်တယ်။ ပထမနှစ်မှာပဲ အဖေ မကြိုက်ပေမယ့် ကျနော် ကြိုက်တဲ့ဂစ်တာကို မုန့်ဖိုးထဲက စုထားတဲ့ငွေနဲ့ အဖေ မသိအောင် ၀ယ်ပြီး အိမ်မှာ တိတ်တိတ် ဂစ်တာခိုးတီးခဲ့ပါတယ်။ တနေ့သားတော့ ကျနော့် ဂစ်တာကို အဖေတွေ့သွားပါတော့တယ်။ ကျနော်နေတဲ့ အိမ်အပေါ်ထပ် အခန်းကနေ ကျနော့် ဂစ်တာကို လည်ပင်းက ကိုင်ပြီး အဖေ ဆွဲချသွားပါတယ်။ လှေကားထစ်တွေအတိုင်း ဂစ်တာကို အဖေ တရွတ်တိုက် ဆွဲချသွားတဲ့ အသံက ကျနော့ခေါင်းကို တူတလက်နဲ့ တချက်ဆီ တချက်ဆီ ထုချလိုက်သလိုပါပဲ၊ ကျနော်သိတယ် ဂစ်တာကို အဖေ ရိုက်ခွဲတော့မယ်။ အဲဒီမှာ ကျနော့် ဂစ်တာကို ကယ်တင်ခဲ့တာက အမေပါပဲ။ -အကို မလုပ်နဲ့ အဲဒါ ကျော်ဇော ဂစ်တာ သားဟာ မဟုတ်ဘူး - ဆိုတဲ့ အမေ့စကားနဲ့ ပဲ ကျနော့် ဂစ်တာလေး အသက်မထွက်ခဲ့တာ။ အမေ့ကို ကျနော် အရမ်းချစ်ခဲ့ရတာတွေထဲမှာ အဲလိုမျိုး အဖြစ်အပျက် ကလေးတွေလည်း ပါပါတယ်။

အဲလိုမျိုး ကျနော့်ဘ၀မှာ ကြုံခဲ့ရတော့ - တခါတခါလည်း ကျနော် စဉ်းစားကြည့်မိတယ်။ မိဘတွေက အဲလိုမျိုး အကြမ်းဖက်ခဲ့လို့ ကျနော်တို့ မျိုးဆက်မှာ ဂစ်တာဘယ်နှစ်လက် အသက်ထွက်ခဲ့ရသလဲပေါ့။ (ဆိုလိုတာ မိဘရဲ့ အားပေးမှုကို မခံခဲ့ရတဲ့) ဂစ်တာသမားတွေ ဘယ်နှစ်ယောက် ရှိခဲ့သလဲပေါ့။

အမေရိကလို နိုင်ငံမျိုးမှာတော့ ကိုယ့်သားသမီးရဲ့ ကျွမ်းကျင် အားကောင်းမှု တခုခုကို မိဘတွေ ကိုယ်တိုင်က ၀မ်းမြောက်ဂုဏ်ယူစွာ ဖော်ပြကြတာတွေ့ရတယ်၊ မိဘတွေ ကြိုက်နှစ်သက်တာ မကြိုက်တာထက် ဒီ ကလေးတယောက်ရဲ့ ထူးချွန်မှုကို အားကောင်းအောင် ၀ိုင်းဝန်းပံ့ပိုးပေးတာကို တွေ့ရတယ်၊ ဒါမှလည်း ပါရမီရှင်တွေ၊ ပညာရှင်တွေ ပေါ်လာတော့မှာပေါ့။

အဲဒီတော့ လိုရင်းကို ပြန်ကောက်ရရင် ပါရမီရှင် မဟုတ်ရင် ပညာရှင်တယောက် ဖြစ်ဖို့ဆိုတာကလည်း မိဘတွေက ပံ့ပိုးပေးမှ၊ လိုအပ်တဲ့ သင်ယူမှုတွေအတွက် ငွေကြေးတတ်နိုင်မှလည်း ဖြစ်မှာပါ။

ဆရာမြို့မငြိမ်းလို ပါရမီရှင်တွေက တခေတ်မှာ တယောက်ပဲ ပေါ်နိုင်တာ ဘယ်သူမှ အငြင်းပွားမယ် မထင်ပါဘူး။ ပညာရှင်တွေ ကတော့ လက်ချိုးရေတွက်လို့ ရမှာပါ။ ၀ါသနာရှင်တွေကတော့ ရေတွက်၍ မကုန်နိုင်အောင်ပါပဲ၊ အဲလို ၀ါသနာရှင်တွေထဲမှာ ကျနော်လည်းပါပါတယ်။

ဒီလိုနဲ့ ကျနော်တို့ မြန်မာပြည်မှာ ပါရမီရှင်တွေက ရှားရတဲ့ကြားထဲ လူတဦးချင်းစီ ကြုံရတဲ့ အခက်အခဲ အကန့်အသတ်တွေအပေါ်မှာ ပညာရှင်တွေလည်း နည်းခဲ့တယ်လို့ ကျနော် ပြောချင်ပါတယ်၊ အဲဒီတော့ ပေါပေါများများ ရနိုင်နေတာကတော့ ကျနော်တို့လို ၀ါသနာရှင်တွေပဲ ဖြစ်ပါတော့တယ်။

ဆက်လက်ဖော်ပြပါမည်။

မြန်မာပြည်မှာကွယ် ကဗျာဆရာတွေကများ-၂


ဒီစာကတော့ ဆရာယောဟန်အောင်ရဲ့ မြန်မာပြည်မှာကွယ် ကဗျာဆရာတွေကများကို ဖတ်မိကတည်းက ရေးချင်စိတ် ရှိနေခဲ့တာပါ။ အချိန် သိပ်မရတာရယ် တခြားတင်ချင်တာလေးတွေလည်း လျှောက်တင်နေတာနဲ့ အချိန်ကြာသွားခဲ့တာပါ။

ကျနော် ဆွေးနွေးချင်တာကတော့ အချက် (၃)ချက်ပါ။
(၁) လူတဦးချင်းစီရဲ့ အနုပညာ ခံစားမှု။
(၂) အနုပညာတခုကို ဖန်တီးရာမှာ ပါရမီရှင်နဲ့ ပညာရှင် မတူတာ။
(၃) အနုပညာတွေကို ဖန်တီးရတဲ့ နေရာ၊အချိန်ကာလနဲ့ အခွင့်အရေးပါ။



ပထမဆုံး ကျနော် ဖော်ပြချင်တာကတော့ လူတဦးချင်းရဲ့ အနုပညာခံစားမှုပါ။

ကျနော် ယုံကြည်ကတော့ လူတိုင်းဟာ အနုပညာကို ခံစားတတ်ကြပါတယ်။ ဒါပေမယ့် ကြီးပျင်းလာကြပုံချင်း၊ ကြီးပျင်းလာရတဲ့ ပတ်ဝန်းကျင်ချင်း မတူကြပါဘူး။ ဒီအပေါ်မှာ အခြေခံပြီး တယောက်နဲ့ တယောက်ရဲ့ အနုပညာကို ခံစားပုံချင်း၊ ခံစားတဲ့ အနုပညာအမျိုးအစားချင်း တူနိုင်ကြမယ် ကျနော်မထင်ပါ။

ဥပမာ- ကျနော့် သူငယ်ချင်းတယောက်ရှိတယ်။ သူက ပန်းချီဆရာ။ မိုးကျော်သူလို့ ခေါ်ပါတယ်။ တချို့လည်း သူ့ပန်းချီကားတွေ။ သူ့ သရုပ်ဖော်ပုံတွေ တွေ့ဖူးကြလိမ့်မယ် ထင်ပါတယ်။ သူနဲ့ ကျနော်က အထက်တန်း ကျောင်းတုန်းက ကျောင်းနေဖက်တွေပါ။ အနုပညာ ချစ်ကြတာချင်းလည်း တူတယ်။ ကျနော်တို့ နှစ်ယောက်လုံး သီချင်းတွေ၊ ကဗျာတွေ၊ ပန်းချီတွေချစ်တယ်။ ဒါနဲ့ပဲ ကျနော်တို့ နှစ်ယောက် လည်ပင်းဖက်မိကြတယ် ဆိုပါတော့။ ဒေသကောလိပ် တက်တော့လည်း ကဗျာစာအုပ်လေးတွေ တခြားသူငယ်ချင်းတွေနဲ့ပေါင်းပြီး သူနဲ့ကျနော် ထုတ်ခဲ့သေးတယ်။

သူနဲ့ကျနော် ကဗျာရေးတာချင်း တူပေမယ့် သူက ပန်းချီတွေ ကိုယ်တိုင်ဆွဲတယ်၊ ကျနော်က ပန်းချီကားတွေကို ခံစားတာပဲ ရှိတယ်။ ပန်းချီ မဆွဲခဲ့ဘူး။ ပန်းချီအကြောင်းတော့ သူနဲ့ပေါင်းခဲ့တော့ ကောင်းကောင်းသိတာပေါ့။ ကမ္ဘာကျော် ပန်းချီဆရာကြီးတွေ အကြောင်း။ သူတို့ရဲ့ ပန်းချီကားတွေ အကြောင်း။ ပန်းချီ နည်းစနစ်တွေ အကြောင်း။ ပန်းချီခေတ်တွေ အကြောင်း။ ပန်းချီကားတွေရဲ့နောက်က သမိုင်းတွေအကြောင်း။

သူ ပန်းချီတွေဆွဲသလို ကျနော်ကလည်း ဂစ်တာတီးတယ်။ ကျနော်နဲ့ပေါင်းပြီး မိုးကျော်သူလည်း ဂစ်တာ သူရဲကောင်းတွေ အကြောင်း ကောင်းကောင်း သိတာပေါ့။ ဂီတ ပုံသဏ္ဍာန်တွေ အကြောင်း။ ဂီတ ခေတ်တွေ အကြောင်း။ မိုးကျော်သူက သီချင်းတွေကို ချစ်ပေမယ့် ဂစ်တာမတီးဘူး။ ကျနော်က သူ့ကို ဂစ်တာတီး သင်ပေး တာတောင် သူ မတီးခဲ့ဘူး။

ဒါပေမယ့် ကျနော်နဲ့ မိုးကျော်သူကြားထဲမှာ မတူတာတခု ရှိနေတယ်။ မိုးကျော်သူက ပန်းချီတွေကို ခံစားချစ်မက် ရုံတင်မက ကိုယ်တိုင်ပါ ပန်းချီကားတွေ ရေးခဲ့တာပါ။ ကျနော်က မိုးကျော်သူလိုမျိုး ကိုယ်တိုင် ဖန်တီးနိုင်တာ မဟုတ်ဘူး။ ဂစ်တာနဲ့ သူများ သီချင်းတွေပဲ တီးနေခဲ့တာ။ ဒီနေရာမှာ သူနဲ့ ကျနော် ကွာသွားပြီ။

ဆိုလိုတာက ခံစားတဲ့ အနုပညာအမျိုးအစားချင်းတူခဲ့ရင်တောင်မှ ခံစားကြတဲ့ ဒီဂရီတွေက မတူနိုင်ပါဘူး။ ကျနော်တို့ သူငယ်ချင်းနှစ်ယောက်မှာပဲကြည့်။ ကဗျာတွေ- သီချင်းတွေ- ပန်းချီတွေ- ချစ်တာချင်းတူတယ်၊ ဒါပေမယ့် ခံစားကြတဲ့ ဒီဂရီတွေက မတူဘူး။ ပန်းချီတွေနဲ့ပတ်သက်ရင် သူက ကျနော့်ထက်ပိုပြီး အမြင့်မားဆုံး ခံစားခဲ့သူ။ ကျနော်ကတော့ ဂစ်တာနဲ့ပတ်သက်ရင် သူ့ထက်ပိုပြီး ခံစားခဲ့သူ။

ခံစားပုံချင်း မတူကြတာ တနေ့ကျတော့ အသေအချာ ပိုသိခဲ့ရတယ်၊ အဲဒီနေ့က ရာဇူးထဲသွားပြီး ဦးချစ်ဆိုင်မှာ ကျနော်တို့ အတူ ထိုင်ဖြစ်ကြတယ်။ ဦးချစ်ဆိုင်ရဲ့ အတွင်းနံရံမှာ ခိုင်ထူးရဲ့ `သီချင်းတပုဒ် ပန်းတဆုပ်`အခွေရဲ့ ပိုစတာ အကြီးကြီးတခု ကပ်ထားတယ်။ ကျနော်က မိုးကျော်သူကို ခိုင်ထူးသီချင်းတွေထဲက Lead parts တွေ အကြောင်း ပြောနေတယ်။ သူက ကျနော့်ကို အဲဒီ ပိုစတာရဲ့ သရုပ်ဖော်ပုံကို ဆွဲတဲ့ ကိုဝသုန်ရဲ့ ပန်းချီ ကောက်ကြောင်းတွေ အကြောင်း ပြောနေခဲ့တယ်။ နှစ်ယောက် အတူ စားပွဲတခုထည်း ထိုင်ပြီး ကျနော်တို့ နှစ်ယောက် ကွဲလွဲနေကြပုံများ သတိပြုမိကြပါရဲ့လား။

အဲဒီတော့ ချုပ်ပြောရရင် လူတဦးချင်းကိုလိုက်ပြီး နှစ်ခြိုက်တဲ့ အနုပညာအမျိုးအစား ကွာခြားမယ်။ တခါ အနုပညာ အမျိုးအစားချင်း တူရင်တောင် ခံစားတဲ့ ဒီဂရီတွေက တူမှာ မဟုတ်ဘူး။ ဥပမာ- ကျနော်က ကဗျာတွေကို ချစ်တယ်။ ခံစားတယ်။ ကျနော့် ခံစားချက်တွေက ဒီဂရီမြင့်လာတဲ့အခါ ကိုယ်တိုင် အဲဒီ ခံစားချက်တွေကို ကဗျာတပုဒ်အဖြစ် ရေးခြစ်မိတယ်။ ဆိုလိုတာက ခံစားမှု ဒီဂရီက အနုပညာတခုကို ဖန်တီးတဲ့အထိ သက်ရောက်တယ်လို့ ကျနော်ဆိုလိုတာပါ။ ဒီနေရာမှာ အဲဒီ အနုပညာကို ဖန်တီးဖို့ လိုအပ်တဲ့ အတတ်ပညာကို ချန်ထားခဲ့တာမဟုတ်ပါဘူး။ ဒုတိယအဆင့်မှာ ဆွေးနွေးပါ့မယ်။

ဒုတိယအနေနဲ့ ဆွေးနွေးချင်တာကတော့ ပါရမီရှင်နဲ့ပညာရှင်ပါ။

အနုပညာတခုကို ဖန်တီးတဲ့အခါ အတတ်ပညာဆိုတာ လိုပါတယ်။ ဗမာ့အသံက လာနေတဲ့ သီချင်းတွေ ထဲမှာလည်း ပါခဲ့ပါတယ် - လူတိုင်းမတတ်တဲ့ ဒီပညာ ပါရမီရှိမှသာ- ဆိုတာ ကြားဖူးကြမှာပါ။ ပါရမီရှင် (Genius) တွေ အတွက်ကတော့ ဘာမှ မလိုပါဘူး။ ဒါကို အငြင်းပွားလိုသူများအတွက် ပါရမီရှင် တယောက်ကို ဥပမာ တခု အနေနဲ့ကျနော် လက်ဆောင်ပေးပါ့မယ်။ ပါရမီရှင်တယောက် အတွက် ဘာမှ မလိုပါဘူး။ ဥပမာ- ဂျပန်နိုင်ငံက Keyboardist တယောက်အကြောင်းကို ကျနော် ပြောချင်ပါတယ်။ ဂျပန်ဆိုတာ Keyboard, Synthesizer, Digital Piano စတဲ့ ဂီတတူရိယာတွေ အောလပုံ ထွက်ရှိနေတဲ့ နိုင်ငံပါ။ အဲဒီမှာ အဲဒီ တူရိယာတွေကို တခါမှ မသုံးခဲ့ဘူးတဲ့ လူတယောက်ဟာ တနေ့ကျတော့ Keyboard တလုံးကို Super Market ထဲမှာ တွေ့ပြီးဝယ်သွားပါသတဲ့၊ အိမ်ရောက်တော့ အဲဒီ Keyboard ကို ဘယ်လိုတီးရမယ်ဆိုတဲ့ Manual က English လို ဖြစ်နေလို့ လွှင့်ပစ်လိုက်ပါသတဲ့။ ဒါနဲ့ပဲ သူ့ဘာသာသူ လျှောက်စမ်း တီးရင်းနဲ့ ကမ္ဘာကျော် Keyboardist ဖြစ်လာတယ်။ သူ့တီးလုံးတွေဟာ အချပ်ရေ သန်းနဲ့ချီပြီး ရောင်းခဲ့ရတယ်၊ အဲဒီလူနံမည်က Kitaro ပါ။ အဲဒီတော့ အနုပညာတခုကို ဖန်တီးတဲ့အခါ လူ(၂) မျိုး (၂)စားရှိတယ်လို့ ပြောရမှာပေါ့။ တမျိုးက ပါရမီရှင်။ နောက်တမျိုးကတော့ ပညာရှင်ပေါ့။ အဲ မဟုတ်သေးဘူး။ (၃) မျိုး၊ ၀ါသနာရှင်ဆိုတာလည်းရှိနေသေးတယ်။

ကဲ... ပြင်ပြောမယ်ဗျာ။ အနုပညာတခုကို ဖန်တီးတဲ့သူ (၃)မျိုး ရှိပါတယ်။ ပါရမီရှင်။ ပညာရှင်။ ၀ါသနာရှင်။

ပါရမီရှင်ဆိုတာကတော့ မွေးရာပါဖြစ်တဲ့အတွက် ဘာမှ ပြောစရာ မရှိပါဘူး။ ပညာရှင်အတွက် ကတော့ ပြောစရာတွေ အများကြီးပါပဲ၊ ဆိုလိုတာကတော့ ဥပမာ- ကဗျာဆရာ တယောက် အတွက် ကဗျာဆိုင်ရာ အတတ်ပညာတွေ လိုတာပေါ့။ အနိမ့်ဆုံး အဆင့်မှာ ကာရန်တွေကို သိရမယ်။ ကာရန်တွေကို ထားခဲ့ဦး။ နိမိတ်ပုံ။ သင်္ကေတ။ အစရှိသည်ဖြင့်။ ကဗျာတပုဒ်မှာ ရှိအပ်တဲ့- အတတ်ပညာအရ သိအပ်တဲ့- အချက်အလက်တွေ။ ကိုယ် သုံးသည် မသုံးသည် ဖြစ်စေ။ ကဗျာဖွဲ့ဆိုသူတယောက်အဖြစ် ရှိအပ်တဲ့ အတတ်ပညာတွေ မရှိခဲ့ရင်တော့ ကျနော် ဖတ်ခဲ့ဖူးတဲ့ ကဗျာတပုဒ်လို ဖြစ်နေမယ်ထင်တယ်။

မဲ-မဲ-မဲ-မဲ နဲ့
ထရံမှာ နား
လေးခွ နင် မကြောက်သလား
ပျံ ဟဲ့-ကျီးကန်း

ဒါဟာ ကဗျာ တပုဒ်ဆိုရင် အတတ်ပညာစကား ကျနော် ပြောနေစရာ မလိုတော့ပါဘူး။ ဆိုတော့ ပါရမီရှင် မဟုတ်ရင် အတတ်ပညာနောက်ကို မလိုက်ဘဲနဲ့ အနုပညာတခုကို ဖန်တီးဖို့ မလွယ်ပါဘူး။
အဲတော့ ပါရမီရှင်။ အတတ်ပညာရှင်။ ၀ါသနာရှင်။ ဒီ(၃)မျိုးကို ကျနော်တို့ အသိအမှတ်ပြုရမှာဖြစ်ပါတယ်။

ကျနော် ဂစ်တာတီးခဲ့တယ်၊ ဂစ်တာပဲကွာ လူတိုင်းတီးနေကြတာပဲ-အဲလိုပြောလည်းရပါတယ်၊ ဒါပေမယ့် ဂစ်တာသမားတယောက်ဖြစ်ဖို့ မရှိမဖြစ် တတ်သိ နားလည်ထားရမယ့် အရာတွေက များပြားလွန်းလှတယ်၊ အဲဒီဂစ်တာကိုတီးဖို့အတွက် ကျနော် လိုအပ်နေတဲ့ အတတ်ပညာတွေက များလွန်းလှတယ်၊ ကျနော်က ပါရမီရှင် မဟုတ်ခဲ့တော့ ပညာရှင် ဖြစ်ချင်ခဲ့တာကိုး။

ဆရာယောပြောသလိ်ု ဂစ်တာတီးတဲ့လူငယ်တွေ ဘာလို့ ပေါတာလဲ-ဆိုတဲ့မေးခွန်းကို ကျနော်တဦးထဲ အနေနဲ့ ဖြေကြည့်ပါ့မယ်။ ဂစ်တာက သယ်ရပိုးရတာလွယ်တယ်။ ဗြတ်စောင်း မဟုတ်ဘူး။ ပတ္တလားမဟုတ်ဘူး။ ဈေးပေါတယ်။ သင်ဖို့လွယ်တယ်။ ၀ါသနာရှင်တွေအတွက် အကောင်းဆုံး ဆေးတလက်ပါ့။ ဒါ့ကြောင့်ပဲ ကျနော်တို့ ခေတ်ထဲက လူငယ်တွေအားလုံးလိုလိုက ဂစ်တာကို တီးခဲ့ကြတာပေါ့။ ပြီးတော့ ကျနော်တို့ခေတ်မှာ ဂစ်တာဆိုတာ ကျနော်တို့ အသည်းနှလုံး။ ဂစ်တာတလုံးနဲ့ အရာအားလုံးကို မေ့နိုင်ခဲ့တယ်၊

ဒါပေမယ့် ဂစ်တာ အတီးသမား အားလုံးလိုလိုပါပဲ ၀ါသနာရှင် ဖြစ်နေခဲ့ကြတယ်။ ဒါကြောင့်လည်း ဂစ်တာသမား ကောင်းကောင်းက မတွေ့ခဲ့ရတာပေါ့။ ဘာလို့လဲဆိုတော့ ကျနော်တို့ လိုအပ်တဲ့ အတတ်ပညာက အလွယ်တကူမှ မရနိုင်ခဲ့တာကိုး။

ဆက်လက်ဖော်ပြပါမည်။

Mar 2, 2008

လေးမြားတလက်နဲ့ သီချင်းသည် -၂


ဂျာမနီရောက်နေတဲ့ ကျနော့် သူငယ်ချင်း ကိုဘစောထွန်းနဲ့ ဟိုး လွန်ခဲ့တဲ့ ၂ ပတ်ကျော်ကျော်လောက်က ဖုန်းပြောဖြစ်ပါတယ်။ သူကတော့ ဆရာယော တခါက ဖော်ပြခဲ့ဖူးတဲ့`ဒါသီချင်းပဲလား`ပို့စ်မှာ ဖော်ပြခဲ့တဲ့ ဆံရှည်ကိုယ်တော်၊ ဂစ်တာသမား ဖြစ်ပါတယ်။ သူက ကျနော်တို့ ဂစ်တာ စကားနဲ့ပြောရရင် Acoustic လို့ ခေါ်တဲ့ လျှပ်စစ်မပါတဲ့ ဂစ်တာကိုတီးတဲ့ ဂစ်တာသမားဖြစ်ပါတယ်။

ကိုဘစောက မာနယ်ပလောတိုက်ပွဲမှာ ထိခိုက် ဒဏ်ရာရခဲ့တဲ့သူပါ။ ကျနော့် ပို့စ်တခုဖြစ်တဲ့ လေးမြားတလက်နဲ့သီချင်းသည်-ဟာ ကိုဘစောထွန်းတို့လို ရဲဘော်တွေကို ကိုယ်စားပြုတာပါ။ သေနတ်ကိုင်ပြီး ဂစ်တာတီးခဲ့တဲ့ ကျနော်တို့ ဘ၀တွေကို ဒီသီချင်းက ထင်ဟပ်နိုင်တယ်လို့ ကျနော်က ယူဆပါတယ်။



အခြေအနေတခုမှာ ကျနော် သေနတ် ကိုင်ခဲ့တယ်၊ (ကိုင်ချင်လို့မဟုတ်)။ အခြေအနေက တွန်းပို့လို့။ ကျနော့် နှလုံးသား ထဲမတော့ - အခုအချိန်မှာ ငါ သေနတ် ကိုင်ရမယ်။ ဒါဟာ ငါ့ ပြည်သူတွေအတွက်၊ ငါ့ မောင်နှမတွေအအတွက်၊ ငါ့ မိဘတွေအတွက်။ ငါ့ ညီအကိုတွေ အတွက်။ ငါ့ သားသမီးတွေ အတွက်။ ငါ ကိုယ်တိုင်အတွက်။ နောက်ဆုံးမှာ အားလုံးအတွက်။

ဒါပေမယ့် ကျနော် တကယ် ကိုင်ချင်ခဲ့တာက ဂစ်တာပါ။

သံစဉ် ချိုမြတွေ
ပြိုကျ စေနိုင်တဲ့
အဲဒီ ဂစ်တာကိုပဲ
ငါက ပွေ့ဖက်လိုတယ်

ကျနော်က ဂစ်တာသမား။ ဂစ်တာတီးနေရရင် ပျော်တယ်။ တုန်ခါနေတဲ့ ဂစ်တာကြိုးခြောက်ချောင်းထဲမှာ ကျနော့် ဘ၀တခုလုံး ခုတ်မောင်း ဖျော်ချထားခဲ့ချင်တယ်။

ဒီလိုနဲ့ သေနတ်မကိုင်ရတော့တဲ့ အချိန်ကာလတွေကလည်း ဘ၀ထဲ ရောက်လာခဲ့တယ်၊ အဲဒီအခါ ဂစ်တာသမားတယောက်အဖြစ် မက်ခဲ့တဲ့ အိပ်မက်တွေက တံခါး လာလာ ခေါက်ပါတယ်။

ဟိုးလွန်ခဲ့တဲ့ ဆယ်နှစ်ကျော်ကျော် ဘန်ကောက်မှာ ကျနော်ရှိနေစဉ်တုန်းက Eric Clapton ရဲ့ Unplugged Album ထွက်ခါစ။ ကိုဘစော ဘယ်ကရလာတယ်မသိ Note-to-Note စာအုပ်တခု သယ်လာပါတယ်။ ကျနော့်ကိုလည်း ကော်ပီတစုံပေးခဲ့တယ်၊ - ဟေ့-လူ လုပ်ဗျာ။ အတူတူ တီးရအောင်-တဲ့၊ သူ့ရဲ့ တက်ကြွနေပုံတွေ။ အဲလိုနဲ့ Clapton ရဲ့ Tears in Heaven ကို ကျနော် ကောင်းကောင်း တီးတတ်သွားခဲ့တယ်။ ဒါပေမယ့် ကိုဘစောနဲ့တော့ အတူတူ မတီးဖြစ်ခဲ့ပါဘူး။

ဒီလိုနဲ့ ဘ၀တွေ စီးမျောသွားလေ့ရှိတဲ့အတိုင်းပဲ သူနဲ့ကျနော် ကာလ၊ ဒေသ ကွဲပြားသွားခဲ့ကြတယ်။ တနေ့သားတော့ ဆရာယောဆီကတဆင့် ကျနော် ကိုဘစော ဖုန်းနဲ့ အီးမေးလ် ရလိုက်တယ်၊ ဒီလိုနဲ့ ကိုဘစောနဲ့ ကျနော် ဖုန်းထဲမှာ စကားပြောဖြစ်ခဲ့တယ်။ ထုံးစံအတိုင်း အလ္လာပ သလ္လာပ ပြောကြ။ ဘယ်သူက ဘယ်မှာ။ အဲဒီမှာ ကိုဘစောထွန်းက သူ့ အိပ်မက်တွေ အကြောင်း ကျနော့်ကို အားကောင်းမောင်းသန် ပြောပြတယ်။ Tommy Emmanuel ကို သူဘယ်လောက် ကြွေကျခဲ့တဲ့အကြောင်း။ ဒီလူက သူ့ သူရဲကောင်း။ အဲဒီပုဂ္ဂိလ်က ကမ္ဘာပေါ်မှာ The Best Acoustic Guitar Player အဖြစ် အားလုံးက အသိအမှတ်ပြုထားရတဲ့သူ။ ကိုဘစောက Tommy Emmanuel သုံးတဲ့ ဂစ်တာနောက်ကိုပါ လိုက်ခဲ့တယ်။ သူသုံးခဲ့တဲ့ ဂစ်တာကိုပါ လိုက် ရှာဝယ်ခဲ့တယ်၊ အလွန်တရာ ဈေးကြီးတဲ့ ဂစ်တာပါပဲ၊ ကျနော် နားလည်မိသွားတာကတော့ အိပ်မက်တွေ တူခဲ့ ကြပေမယ့် ကိုဘစောကတော့ သူ့ အိပ်မက်တွေနောက်ကို ကောက်ကောက် ပါအောင် လိုက်သွားခဲ့ပြီ။ ဘယ်လိုမှ ဖြောင်းဖျ မရတော့။ ဒီတော့ သူ့ယုံကြည်ချက်ကို ကျနော်က အလေးပြုရုံပါပဲ၊

အောင်မြင်ပါစေ ရဲဘော်ကြီး၊