Apr 27, 2014

အောင်သာငယ်နှင့် သူ၏အပိုင်းအစများ-၁၁

April 27, 2014 at 4:02am

ကျုပ်ကလည်း ဘာကြောင့်မှန်း မသိ... အငြိမ့်တွေ သိပ်ကြိုက်သဗျ... ငယ်ငယ်တုန်းက အငြိမ့်တွေ ကြည့်လာရလို့လားတော့ မသိဘူး... ကျုပ် မှတ်မိတာကတော့... တရုပ် နှစ်သစ်ကူးဆို... ကျုပ်တို့ရဲ့ ၁၆ ရပ်ကွက်ရှိတဲ့ မျက်နှာချင်းဆိုင် ဟိုဖက် ၁၁ ရပ်ကွက်မယ် ရှိတဲ့ တရုပ်ဘုံကျောင်းက အငြိမ့်တခုကို ငှားထားသဗျ... ကျုပ်တို့ ကလေးတွေ အတင်းတိုးဝှေ့ကြည့်ကြတာပေါ့ဗျာ... အဲ့ဒါနဲ့ပဲ ကျုပ် အငြိမ့်ကို ကြိုက်သွားတာဖြစ်နိုင်တယ်... ခုထိ မှတ်မှတ်ရရ ကျုယ်မယ် ရှိနေတာ... အရိုင်းသဘင်သယ်လေး မိမော်လွင်ဆိုတာ.... ကျုပ်အရမ်းကြိုက်တဲ့ သီချင်းပေါ့... ဒါပေသည့် အဲ့တုန်းက အဲ့သီချင်းဆိုကတဲ့ အငြိမ့်သမတွေက နံမည်ကြီးတွေတော့ မဟုတ်ဘူးဗျ...  နံမည်တွေလည်း ကျုပ် မမှတ်မိဘူး.... ကျုပ်မှတ်မိတာကတော့... ကျုပ်အိမ်ကနေ စနေတနင်္ဂနွေဆိုရင် စက်ဘီးနင်းပြီး ကျုပ်အဖွားအိမ်မှာသွား-သွားကြည့်ရတဲ့ နန်းခင်မွှေးရဲ့ အငြိမ့်.... သူက နန်းဝင်းရဲ့ ညီမလေ... နန်းခင်မွှေး အငြိမ့်က စနေ -တနင်္ဂနွေမှလာတာလေ... ကျုပ်အဒေါ်တွေကလည်း ကျုပ်အတွက်ကို ကုလားထိုင်တလုံး ပြင်ထားပေးတယ်... ကျုပ်က နန်းခင်မွှေးကို ကြိုက်မှန်းသိလို့... နှုတ်ခမ်းထော်ထော် ရုပ်ဆိုးဆိုးလေးပေမယ့်... အကကတော့ ကောင်းတာကိုး... အရိုင်းသဘင်သယ်မလေး မိမော်လွင်ကို နန်းခင်မွှေးဆိုကရင် သိပ်ကြည့်ကောင်းတာ...  ခု ကျုပ် ရဲဘော်မ တယောက်ဖြစ်တဲ့ အေးလွင်မိုးက အဲ့သီချင်းနဲ့ သည်နှစ် ကနေဒါ သင်္ကြန်မှာက-တော့...  ကျုပ်ကလေး ဘ၀ကို သွား သတိရတယ်... တရုပ်နှစ်သစ်ကူးတိုင်း ကျုပ်ကြည့်ခဲ့ရတဲ့ အငြိမ့်သမတိုင်း အဲ့သီချင်းကို ဆိုသဗျ... ဘာကြောင့်မှန်းတော့ မသိပါဘူး... ဒါကလည်း သည် သီချင်းက အငြိမ့် သီချင်းတွေထဲမယ်... တော်တော် ဆိုလို့ ကလို့ ကောင်းတဲ့ သီချင်းပဲ... ဖြစ်နိုင်တယ်... ကျုပ်လည်း တော်တော့်ကို ကြိုက်တာ....
အငြိမ့်ဇာတ်ခုံပေါ်တွင် ကပြ ကျမတွင်... အသည်းများ လှိုက်ခါလှိုက်ကာ တုန်လာတယ်ရှင်...သဘင်အမျိုးလည်း  ဟုတ်ပါပဲ...  သဘင်အမျိုးလည်း  ဟုတ်ပါပဲ... သဘင်အမျိုးလည်း  ဟုတ်ပါပဲ ရှင် ရှင့်... ၀ါသနာအရပါလာသမျှ ကပြရာတွင်... -----အဲ့လိုအဲ့လို....
အငြိမ့် မင်း သမီးတွေမှာ... ခေါင်း-ခါး-ခြေ-လက်-လို့ ခေါ်ရတာ.... နန်းခင်မွှေး... ခေါင်း-ခါး-ခြေ-လက်- တွေ ကျုပ်သိပ်ကြိုက်တာပေါ့... ပြီးတော့ နောက်တခုက... မွှေး-ကလေ... မွှေး-ကလေ- ဆိုပြီး သူ ချွဲတာမျိုးလည်း ကျုပ် သိပ်သဘောကျတာပေါ့... ဒါကတော့ ပုံမှန်ပါ...  ဒါမယ့် ကျုပ်က သူကတာတွေကိုတော့ တကယ့်ကိုယ် ကြိုက်တာ... တကယ်တော့ နန်းခင်မွှေးက အငြိမ့် မင်းသမီး မဟုတ်ဘူးဗျ... သူက ဇာတ်မင်းသမီး... အဲ့လောက်ဆိုသဘောပေါက်... ကျုပ်က သူ့ကို နှိမ့်ချနေသလို ဖြစ်နေမလိစိုးလို့....
(atn)

အောင်သာငယ်နှင့် သူ၏ အပိုင်းအစများ (၁၀)

April 19, 2014 at 3:04am


ပြောရင်လည်း လူတော်တော်များများက ယုံချင်မှ ယုံကြမယ်... 

ကျုပ်က... အသက် ၈ နှစ်လောက်ကတည်းက အဲမ်-၃၈ လက်ပစ်ဗုံးကို ကက်ပ်ဖြုတ်တတ်တဲ့ကောင်... ကိုးမမ ဘရောင်နင် ပစ္စတိုကို လက်တဖက်ထဲနဲ့မောင်းတင်တတ်တဲ့ကောင်... ကာဘိုင် အဲမ်တူးကို အပစ်လက်ကိုင်ပါ ဖြုတ်တတ် တတ်တပ်တဲ့ကောင်...

ဘာလို့လဲဆိုတော့ ကျုပ်ရဲ့ ဦးလေး အကြီးဆုံး အမေ့အကို အကြီးဆုံးက... စစ်တပ်မှာ တခုတည်းသောရှိတဲ့  သံချပ်ကာကားတပ်က တပ်မှူး...  သြစတြေးလျားမှာ စစ်သင်တန်းသွားတက်လာတာ... ဗိုလ်မှူး-ထွန်းလွင် ခေါ်တယ်.... ယန္တရားတပ်မှာ ဘာအလုပ်မှ မရှိတော့... ပျင်းတယ်-ဆိုပြီး ခြေလျင်တပ်ကို ပြောင်းခွင့်တောင်းတာ... ကယား-သ-န-က (၁) ရဲ့ တပ်ရင်းမှူး ဖြစ်တယ်... ဒါကတော့တော့ သူ့ကိစ္စပေါ့လေ...
နောက်ဦးလေးတယောက်ကတော့ အမေ့မောင် အငယ်ဆုံး... သူ့အကြောင်း ပြောမယ်ဆို ပြောစရာတွေ အများကြီးပဲ....  ဘာကြောင့်လဲဆိုတော့ ကျုပ်အဖေကို ရွှေလ၀င်းစစ်ဆင်ရေးနဲ့ ၀ိုင်းပတ်ပိတ်ဆို့ပြီး ဖမ်းခဲ့တဲ့ ခလရ (၂၀) ရဲ့ ခွဲ (၅) တပ်ခွဲမှူးး ဗိုလ်ကြီးမျိုးဝင်း-ဖြစ်နေလို့ပါ...
ကျုပ်တို့ မိသားစုဘ၀ဟာ အတော် ထူးဆန်းတယ်... ကျုပ်အဖေနဲ့ အမေက စစ်အာဏာရှင်စနစ်ကို တော်လှန်ဆန့်ကျင်ကြသူတွေ ဖြစ်နေပြီး... ကျုပ်ဦးလေး ၂ ယောက် ကျတော့ စစ်အာဏာရှင်စနစ်ရဲ့ဒေါက်တိုင်တွေ ဖြစ်နေကြတယ်...
ထားပါတော့လေ ကျုပ်ပြောချင်တာကို လိုရင်းရောက်အောင် ပြောပါဦးမယ်...
ကျုပ်ဦးလေး အငယ်ဆုံး သူ့ ဒီအက်စ်အေက ဆင်းတော့ ရန်ကုန် စစ်ရုံးချုပ်မယ် သတင်းလာပို့ရတယ်... ဘာအကြောင်းကြောင့်တော့ ကျုပ် ဘယ်သိမလဲ... ကျုပ်တို့ ရန်ကုန်သားတွေဆို... ဘောက်ထော်မယ် ရှိတဲ့ မှတ်တမ်းရုံးဆို သိပါတယ်...  သူက အဲ့သည်ကို နေ့တိုင်း သွားရတယ်... ဒါပေသည့်... သူ့မယ်... ကိုးမမ မီလီမီတာ ဘရောင်နင်း ပစ္စတိုတလက်ရယ်... ကာဘိုင်အဲမ်တူးတလက်ရယ်... လက်ပစ်ဗုံးတချို့ရယ်ပါတယ်.. ဒါပေသည့် သူ့က သူ့အဖေ အမေ ဖြစ်တဲ့တဲ့ ကျုပ် အဖိုးနဲ့ အဖွားတို့ ဆီပဲ အပ် ထားတာပေါ့... ကျုပ်အဖိုးကလည်း ဒုတိယကမ္ဘာစစ်က စစ်ပြန်လေ... သေနတ်တွေအကြောင်း လက်ပဟ်ဗုံးတွေအကြောင်း ကောင်းကောင်း သိတာပေါ့...
ဖြစ်ချင်တော့ ကျုပ် ဦးလေး အငယ်ဆုံးရဲ့ ကာဘိုင်က အဖိုး အိပ်ယာဘေးမှာထောင်ထားတာ... ကျုပ်ကသွားတွေ့ရော... နောက်တခုက သူ့ ကိုးမမပစ္စတိုနဲ့ လက်ပစ်ဗုံးကလည်း ကျုပ်တို့ အိင်္ကျီတွေထည့်ထားတဲ့ ဘီရိုထဲမယ်လေ.
ကျုပ်က အဖွားကို ပူဆာတာပေါ့ အဲ့ ပစ္စတိုကို ကိုင်ချင်တယ်-ဆိုတော့ အဖွားကလည်း လွယ်လွယ် ဘ်ာပေးကိုင်မလဲ အဖိုးကို သွားမေးတာ့တာပေါ့...  အဖိုးက ကျည်ဘောက်ဖြုန်ပြီး ကျုပ်ကို ပေးကိုင်တာလေ... ကာဘိုင်ရော... ဒါပေသည့် လက်ပစ်ဗုံးတော့ ပေး မကိုင်ဘူး....
ညနေရောာက်တော့ ကျုပ်ဦးလေး ပြန်ရောက်လာပါလေရော....
ကျုပ် လုပ်လိုက်လို့ သူ့ ပစ္စတိုတွရော ကာဘိုင်တွေရော လက်ပစ်ဗုံးတွေရော အဖိုး အိပ်ယာပေါ်မယ် ရောက်နေပြီဆိုတော့... သူလည်း ဆုံးဖြတ်ချက် တခုခု ချလိုက်ပုံရပါတယ်....  ဒါနဲ့... လာခဲ့ဆိုပြီး သင်ပေးတာ...  သူ့ ပစ္စတိုကို ဘယ်လို ဖြုတ်တပ်... သူ့ကာဘိုင်ကို ဘယ်လိူ ဖြုတ်တပ်... လက်ပစ်ဗုံးတွေကိုလည်း ဘယ်လိုဖြုတ်တပ်ပေါ့...
အဲ့အချိန်တုန်းက ကျုပ်က ၈ နှစ်သားပဲ ရှိသေးတာပါ... ဒါပေသည့် ဦးလေးကျေးဇူးကြောင့် လက်နက်ကိုင်တော်လှန်ရေးထဲရောက်တော့ ကျုပ် ဆရာကြီး လုပ်နိုင်တာပေါ့...
ကာဘိုင်ကို... ကျုပ် ဒုရင်းမှူး-မင်းအောင်လင်း အကုန်လျှောက်ဖြုတ်ထားတယ်... ပြန် မတပ်တတ်တော့... ပုဆိုးထဲထည့်ပြီ ကျုပ်ဆီ သယ်လာတာ... ကျုပ်ပဲ အစဆုံးပြန်တပ်ပေးလိုက်ရတာ... ကျုပ်ရဲ့ ဦးလေး အငယ်ဆုံး ကျုပ်ကို သင်ကြားထားပေးတာတွေကြောင့်ပါ...  ဒါကြောင့်လည်း ကျုပ်လည်း  တခြားသူတွေထက်  စစ်လက်နက်တွေနဲ့ပါတ်သက်ရင် ပိုတတ်နားလည်တာပါ... ဒါပေသည့် ဒါတွေက ကျုပ် ဦးလေးကြောင့်ပါ....
(atn)

အောင်သာငယ်နှင့် သူ၏ အပိုင်းအစများ (၉)

April 18, 2014 at 9:06pm


ကျုပ်ငယ်ငယ်က သူငယ်ချင်း အတော် နည်းတာ... လက်ချိုးရေတောင် လက်တဖက် မပြည့်ဘူး ... အဲ့သည်အထဲမှာ အုန်းတင့်-ဆိုတာ တယောက်ပါတယ်... သူတို့က ညီအကိုတွေချည့် မနည်းဘူး... အုန်းမြင့်-အုန်းဆင့်-အုန်းတင့်-အုန်းလွင်-အုန်းတင်... ကျုပ် သူတို့ ညီအကိုတွေ နံမည်အား လုံးကို မမှတ်မိတော့ဘူး... သူတို့မယ်... အမတယောက်နဲ့ ညီမတယောက်လည်း ရှိသေးတယ်... ကျုပ်တို့ လမ်းထဲမယ်တော့ သူတို့ မောင်နှမတွေက လူတိုင်းသိတယ်... ဘာလို့ဆိုတော့ မောင်နှမအုပ်စုက ၉ ယောက်ရှိတာကိုး... ကျန်တဲ့ သူတွေက ၂ ယောက် ၃ ယောက် ၄ ယောက် လောက်ပဲရှိတာ... သည်တော့ အုန်းတင့်တို့ မောင်နှမတွေက ကျုပ်တို့ လမ်းထဲမယ်... အုပ်စုအတောင့်ဆုံးပေါ့...
ခက်တာက ကျုပ်ကလည်း သူတို့ ညီအကိုတွေနဲ့ အကုန်လုံးနဲ့ တည့်တာမဟုတ်ဘူးဗျ... သူ့အကို ၂ ယောက်ဖြစ်တဲ့ အုန်းမြင့်တို့ အုန်းဆင့်တို့ဆိုရင် ကျုပ်နဲ့ရန်ဖြစ်ပြီး ထိုးကြကြိတ်ကြဖြစ်ဖူးတာ... အဲ့ကြားတည်းကမှ အုန်းတင့်နဲ့ကျုပ်က အကြောလာတည့်နေတာ... ဘယ်လိုရေစက်လည်းတော့ မသိပါဘူး...
အဲ့ဒါရဲံ ဇတ်လမ်းအစက သည်လို... တရက်တော့ ... ခုဆို ရတနာဈေးခေါ်တဲ့ ဈေးကြီးကို ကျုပ်တို့ရပ်ကွက်ထဲဆောက်ဖို့ .... ဘူဒိဇာတွေနဲ့ မြေလာထိုးပေါ့ဗျာ... တရက်တော့ မကပါဘူး ရက်ပေါင်းများစွာ ထိုးတာပေါ့... မြေရှင်းလို့ ထွက်လာတဲ့ မြေစာတွေကို ကျုပ်တို့ အိမ်ရှေ့မှာရှိတဲ့ အာသောကသီတဂူ ဘုန်းကြီးကျောင်းရှေ့က ကွက်လပ်ကြီးမှာ လာလာ ပုံတာ... ကြာလာတော့ တောင်လို ဖြစ်လာတာပေါ့... ကျုပ်တို့ ကလေးတွေက အဲ့ အပုံကြီးပေါ် တက်တက်ဆော့ကြတာပေါ့... ဂျွမ်းထိုးပြီး လှိမ့်ဆင်းတဲ့ကောင်ကဆင်း... ခုန်ချတဲ့ကောင်က ခုန်ချ... လျှောချတဲ့ကောင်က လျှောချကြပေါ့လေ...
နောက် မိုးတွင်းရောက်လာတော့ အဲ့မြေပုံကြီးက တက်ဖို့တောင် တော်ရုံမလွယ်ဘူး... မြေနီတွေနဲ့ စီးကပ်ပြီး တက်တိုင်း လျှော်ကျတယ်...
အဲံအချိန်မှာ အဲ့မြေပုံကြီးပေါ်ကို ထိပ်အထိရောက်အောင် တက်နိုင်တာ ကျုပ်နဲ့ အုန်းတင့်ပဲ ရှိတယ်... ၂ ယောက်သား အတူ တက်လိုက် ပြန်လျှောချလိုက်နဲ့ သူငယ်ချင်း ဖြစ်သွားရော... ကျုပ်ထင်တာတော့ ကျန်တဲ့ကလေးတွေက အကောင်ကြီးကြလို့လည်း ဖြစ်နိုင်တယ်... ကျုပ်တို့ ၂ ကောင်က အကောင်သေးသေးလေးတွေကိုး... ထားပါတော့ ... ကျုပ်ပြောပြနေတာက ကျုပ်နဲ့ အုန်းတင့် သူငယ်ချင်းဖြစ်သွားပုံကိုပါ...
ဒါနဲ့ ကျုပ် စာအုပ်တွေ ဖတ်မနေပဲ အပြင် ထွက်နေတဲ့အချိန်ဆို ကျုပ်ရဲ့ တဦးတည်းသော သူငယ်ချင်းက လမ်းထဲမှာဆို အုန်းတင့်ပေါ့... ခက်တာက သည်ကောင်က တော်တော် စပ်စုသလို တခြားသူတွေကိုလည်း ဘာလုပ်ကြစို့ ညာလုပ်ကြစို့ ဦးဆောင်မှု သိပ်ပေးတဲ့ကောင်...
တရက်သားမယ်တော့ သူနဲ့ကျုပ် အဖွားတို့အိမ်ထဲမယ် ဆော့နေကြရင်းသူက ကျုပ်ကို ပြောတယ်... စာကလေးသိုက် တက်နှိုက်ရအောင်တဲ့... ဟင် ဘယ်မှာ နှိုက်မှာလဲ ဆိုတော့ ဘုရားစင်မှာတဲ့... ကျုပ် အဖွားအိမ်မှာ ဘုရားစင် ရှိတယ်... ဘုရားစင်ကလည်း အိမ်ထဲမှာတ၀က် အိမ်အပြင်မှာ စုလစ်မွန်းချွန်တွေနဲ့ တ၀က်ဗျ... အဲ့ ဘုရားစင်ရဲ့ အပြင်ထွက်နေတဲ့ ခေါင်မိုးလေးက စုလစ်မွန်းချွန်တွေနဲ့ နေရာလွတ်ကလေး ဖြစ်နေတယ်... စာကလေးတွေက အဲ့သည်မှာ အသိုက်ဆောက်ထားတာ...  အောက်ကလှမ်းကြည့်ရင် မြင်နေရတယ်...
ဒါနဲ့ ကျုပ်ကအုန်းတင့်ကို မေးတာပေါ့... ဘယ်လိုတက်နှိုက်မှာလဲ-ဆိုတော့ မပူနဲ့ဆိုပြီး သူ့အိမ်ကနေလှေကား တစင်း မလာတယ်... လှေကားကို ဘုရားစင်နံရံကိုထောင်တော့... ကျုပ်က တက်ပြီး အဲ့မှာ ရှိနေတဲ့ စာကလေးသိုက်၂ ခုကို အသိုက်လိုက် ဆွဲချလာတာ... နီတာရဲစကလေးပေါက်စတွေရော... စာကလေးဥတွေရောပါတာပေါ့... ဒါပေသည့် အဲ့သည်တုန်းက သူတပါး အသိုက်ကို ဖျက်ဆီးလိုစိတ် မရှိပေမယ့်... ကျုပ်လုပ်ခဲ့မိတာက သူတပါး အသိုက်၂ ခုကို ဖျက်ဆီးခဲ့မိတာတော့အမှန်ပဲ...
အဲ့သလို လုပ်နေဆဲမှာ ကျုပ်အဖွားက အပြင်ကနေပြန်လာတော့ ကျုပ်ဆွဲချထားတဲ့ စာကလေးသိုက်တွေကို တွေ့သွားပါလေရော... ကျုပ်အဖွားက ပအို့ဝ်စစ် စစ်... ဗုဒ္ဒဘာသာဝင်စစ်စစ်... ဘာနတ်မှတောင် ကိုးကွယ် ယုံကြည်တာ မဟုတ်ဘူး... ကျုပ် ဆွဲချထားတဲ့ စာကလေးသိုက် ၂ ခုကိုတွေ့တော့... ရင်ဘတ်စည်တီးပဲ... (သားရယ်... ဘယ်လိုလုပ်လိုက်တာလဲ... သူတပါး အသိုက်အမြုံကို ဘာလို့သွားဖျက်ရတာလည်း နင်တော့ ၀ဋ်လည်တော့မှာပဲ အခု ပြန်ထားလိုက်ပါ)လို့ ပြောတာပေါ့... ဒါပေသည့် ကျုပ်က ဆွဲချပြီးတာနဲ့ အသိုက်တွေကို ဟိုဖြဲကြည့် သည်ဖြဲကြည့် လုပ်ထားပြီးပြီ... အဲ့အချိန်တုန်းက စာကလေး မလေး၂ ကောင်လည်း အနားမှာ ပကျိပကျိ လာအော်နေတယ်... သူတို့ အသိုက်တွေ ဖြစ်မှာပေါ့... ကျုပ်က စာကလေး ဥ ၂ လုံးကိုတောင် ခွဲကြည့်ထားပြီးပြီ... အဖွားပြောလို့သာ ကျန်တဲ့ စာကလေး နီတာရဲလေးတွေနဲ့ စာကလေးဥတွေကို သူတို့ အသိုက်တွေနဲ့ ဘုရားစင်ပေါ်သာ ပြန်တင်လိုက်တာ... သူတို့ အသိုက်တွေဟာ သူ့ နဂိုရ်အတိုင်း ဘယ်ဖြစ်တော့မှာလည်း...
နောက် နှစ်ပေါင်းများစွာ ကြာတော့ ကျုပ်မလည်း ကျုပ်မိသားစုနဲ့အကွဲကွဲအပြားပြားပါပဲ... ၀ဋ်လိုက်တာဖြစ်မယ်...
ဒါကိုပဲ ပြောချင်တာပါ... သူတပါးမိသားစုနဲ့ အသိုက်အမြုံကို ဖျက်ဆီးခဲ့ဖူးရင် ၀ဋ်လိုက်မှာတော့ အသေအချာပါပဲ... ဒါ ကျုပ်ကိုယ်တွေ့...
(atn)

အောင်သာငယ်နှင့် သူ၏အပိုင်းအစများ (၈)

April 17, 2014 at 3:51pm

အမှန်တကယ်ဆို ကျုပ်က အပေါင်းအသင်း တော်တော်နည်းတဲ့ကောင်...  ငယ်ငယ်ကတည်းကနေ ကျုပ်လက်နက်ကိုင်တော်လှန်ရေးထဲရောက်လာတဲ့ အထိ သူငယ်ချင်းဆို လက်ချိုးရေကြည့်လို့ လက်ဆယ်ချောင်း မပြည့်ခဲ့ဘူး... ဒါကလည်း အကြောင်းတော့ ရှိမယ်... တခုက ကျုပ်က ကျောင်းသွားချိန်ကလွဲရင် ကျန်တဲ့ အချိန်တွေက အိမ်ထဲမှာပဲ စာအုပ် ဘီရိုကြီး ၃ လုံးကြား မှောက်လျက်လဲ စာဖတ်နေတာကများတယ်... နောက်တခုက အပြင်ထွက်ကကစားရင်လည်း ကျုပ်က သားရေကွင်းလောက်ပဲ ပစ်တတ်တာ... ဘောလုံး မကန်တတ်... ဂျင်မပေါက်တတ်... စွန်မလွှတ်တတ်... ဂေါ်လီမရိုက်တတ်... သစ်ပင် မတက်တတ်... ယောကျားလေးတွေ တတ်သမျှကစားနည်း တွေ ကျုပ်က ဘာမှ မတတ်တော့... ဘယ်ကစားပွဲထဲမှ ၀င်လို့မရဘူး... ဒါကတခု... နောက်ကျုပ်က စကားနည်းတယ်... တော်ရုံဘာမှ ပြောတာ မဟုတ်ဘူး... နောက်တခုက ကျုပ်မျက်နှာက တကမ္ဘာလုံးကို လုပ်ကျွေးနေရတဲ့အပေါက်နဲ့-တဲ့... ကျုပ်နဲ့ တက္ကသိုလ်ရောက်တော့ အရမ်း ခင်သွားတဲ့ သူငယ်ချင်း တယောက်က ပြောတာ... (မင်းကို တွေ့ကာစက ငါ အရမ်းရိုက်ချင်တာ)တဲ့ အဲ့သူငယ်ချင်းက ရန်လည်း ခဏခဏ ဖြစ်တဲ့ကောင်... နောက်တခုက လမ်းထဲမှာဆို ကျုပ်က ငပွကြီး... ကျုပ်တို့လမ်းထဲမယ်ရှိတဲ့ ကလေးတော်တော်များများနဲ့ ကျုပ်နဲ့ မတည့်ဘူး... ပြဿနာက ဘာလဲ-ဆိုတော့ ကျုပ်အကိုပဲ ... အဲ့ကောင်က နေရာတကာပါတယ်... စကားကလည်း သိပ်များတာ... ဖြစ်လိုက်ရင်သူနဲ့ချည့်... တယောက်ယောက်ကလာခေါ်တယ်... ခိုင်လေး ဆက်ကြီးနဲ့ ဘယ်သူနဲ့ ရန်ဖြစ်နေပြီ-ဆို ကျုပ်ကပြေးလိုက်သွားရတယ်... သူတို့ရန်ပွဲက လက်သီးနဲ့ ထိုးနေတာ မဟုတ်ဘူး... လက်ညှိုးနဲ့တယောက်ကိုတယောက် အပြန်အလှန်ထိုးပြီး ငြင်းနေကြတာ... ကျုပ်က ဘာမှ မေးနေ ပြောနေတာမဟုတ်ဘူး... ကျုပ်အကိုကြီးနဲ့ဖြစ်နေတဲ့ကောင်ကို မျက်နှာကို လက်သီးနဲ့ဝင်ထိုး ခုန်အုပ်ပြီး လည်ပင်းညှစ်ပစ်တာ...  အဲ့လိုနဲ့ ကျုပ်အကိုကြီးကြောင့် ကျုပ် လက်သီးနဲ့ထိုး လည်ပင်းညှစ်ထားတဲ့ကောင်တွေ လမ်းထဲမှာ အတော်များတယ်... သူတို့တွေက ကျုပ်နဲ့တော့ ဒဲ့ ရန် မဖြစ်ရဲဘူး... ဒါပေသည့် သည်ကောင်တွေက  ညစ်တယ်... တရက် ကျုပ်ကျောင်းကနေပြန်လာတော့... သူတို့ ဘောလုံးကန်နေကြတယ်... ကလေးတွေဆိုတော့ ကော်ဘော်လုံးပေါ့... သူတို့နေတဲ့ဘေးကနေ ကျုပ် လျှောက်လာတာ... သူတို့ကိုလည်း ကျုပ်ကျော်သွားရော ကျုပ်ကို မတော်တဆလိုလို ဘာလိုလိုနဲ့ ကျောကို ဘောလုံးနဲ့ လှမ်းကန်တယ်... ကျုပ်သိတာပေါ့... တမင်သက်သက်လုပ်မှန်း... ဒါနဲ့ ဘယ်ကောင် ကန်လိုက်တာလဲ ကျုပ်မေးတာပေါ့... ဘယ်သူမှမပြောဘူး... ရူးချင်ယောင်ဆောင်နေကြတယ်... ကျုပ်လည်း သူတို့ အယောက် ၂၀ လောက်ကို လိုက်ထိုးလို့ ဘယ်ဖြစ်မလဲ... ကျုပ်ထပ်မမေးတော့ဘူး... အိမ်ကိုလှည့်ပြန်လာတယ်... မီးဖိုချောင်က အဖွား ငါးခုတ်တဲ့ ဓါးကြီး ဆွဲယူလာပြီး သည်ကောင်တွေကန်နေတဲ့... ဘောလုံးကိုယူပြီး ဓါးမနဲ့ ထက်ခြမ်းကွဲအောင် ခုတ်ပစ်လိုက်တာ... မှတ်ကရော... ကျုပ်လက်ထဲမယ် ဓါးမကြီးနဲ့ဆိုတော့ ဘယ်ကောင်မှ မကပ်ရဲဘူးလေ... ဒါနဲ့ ကျုပ် အိမ်ပြန်လာတယ်... ကျုပ်ကအဲ့လိုကောင် ဆိုတော့ သူငယ်ချင်းနဲတာပေါ့လေ...
(atn)

အောင်သာငယ်နှင့် သူ၏ အပိုင်းအစများ (၇)

February 3, 2014 at 10:41am


ကျုပ် ပထမတန်းကို တက်ရတော့ ကျုပ်ရဲ့ အတန်းပိုင်ဆရာမ (သည်မှာတော့ Home Room Teacher လို့ခေါ်တာပေါ့လေ...) ရဲ့ အမည်က ဒေါ်တင်တင်-တဲ့... ကျုပ်ဘ၀မယ် တသက်လုံး မေ့မရတဲ့ ဆရာ-ဆရာမတွေထဲမယ်... ပါတာပေါ့လေ... ကျုပ်ရဲ့ ပထမတန်း အတန်းပိုင်ဆရာမက အပျို-ဗျ... ပြန်စဉ်းစားကြည့်မိတော့ သူက ဘီအီးဒီ-ခေါ်တဲ့ ဘွဲ့ရဗျာ... ကျောင်းဆင်းပြီး မူလတန်းကျောင်းဆရာမဖြစ်တာ... 

ဆရာမနဲ့ ပတ်သက်ရင် အမှတ်ရနေတဲ့ အကြောင်း (၂) ချက်ရှိတယ်... သည်အကြောင်းကို မပြောခင် ကျုပ်တို့ မူလတန်းကျောင်းရဲ့ ကျောင်းအုပ်ကြီးအကြောင်းကို အရင်ပြောမှဖြစ်မယ်... နိုင်ငံတနိုင်ငံမှာ သမ္မတက အကြီးဆုံး-ဆိုရင် မူလတန်းကျောင်း တကျောင်းမှာလည်း ကျောင်းအုပ်ကြီး-ဆိုတာ သမ္မတနဲ့ အတူတူပါပဲ... ကျုပ်တို့ ကျောင်းရဲ့ သမ္မတကြီး... (အဲ) ကျောင်းအုပ်ကြီး အမည်က ဦးလှထူး-တဲ့... အမည်နဲ့လိုက်အောင်လည်း ထူးလှပါပေတယ်... ဘာလို့-ဆိုတော့... တရက်မတော့ ကျုပ်တို့လမ်းထဲက အိမ်တအိမ်မယ် နတ်ကန္နားပေးနေတာ ကျုပ်ကလည်း ကလေး-ဆိုတော့ သွားစပ်စုပြီး ကြည့်မိတာပေါ့... အဲ့သမှာ ကျုပ်တို့ရဲ့ သမ္မတကြီး (အဲလေ...) ကျောင်းအုပ်ကြီး နတ်ဝင်ပြီး (က) နေတာကို အောင်သာငယ့် မျက်စေ့နဲ့ ကိုယ်တိုင်ကိုယ်ကျ မြင်လိုက်ရတော့ နောက်စေ့တွေပါ လည်ထွက်သွားတယ်... ဘယ့်နှယ် ကျောင်းအုပ်ဆရာကြီးက နတ်ပူး-နေရတာလဲပေါ့... အဲ့သလို ကျုပ်တွေးရင်း... ဘယ်သူ့ကိုမှ အလွယ်တကူ မယုံတတ်တော့ဘူး...

ဆရာမနဲ့ ပတ်သက်ရင် အမှတ်ရနေတဲ့ အချက် တခုက ကျုပ်တို့ရဲ့ သမ္မတကြီး (အဲ...) ကျောင်းအုပ်ကြီးနဲ့ ပတ်သက်တယ်... သည်လိုဗျာ... ကျုပ်တို့ကျောင်းက အတန်းအလိုက် အဆောင်တွေကို တတွဲတည်း တွဲထားသဗျ... ကျုပ်တို့ ပထမတန်းက အတန်း (၃) တန်း ရှိတယ်... အဲ့ (၃) တန်း စလုံးက အဆောင် တခုတည်းမှာ... ကြားထဲမှာ ခြားနေတာက... ဆရာတွေ ဆရာမတွေ စာသင်ပေးနေတဲ့ သုံးထပ်သား-သင်ပုန်းတွေပဲ ရှိတယ်.... ကျောင်းဖွင့်ပြီးကာစ ဆိုတော့ မိုးတွင်းကြီးပေါ့လေ... ကျုပ် ထင်တာတော့ ဇူလိုင်လ ဖြစ်မယ် ထင်တယ်... အဲ့သည့် အချိန်မှာ ပြောင်းဖူးတွေလည်း ပေါ်ကာစပေါ့... ဘယ်ကောင်က ပစ်လိုက်တယ် မသိဘူး ကျုပ်တို့အတန်းထဲ စားပြီးသားပြောင်းဖူးတချောင်း ခုန်ဝင်လာပြီး ကောင်မလေး တယောက်ခေါင်းကို မှန်သွားတယ်... ကောင်မလေးကလည်း ပြောင်းဖူးမှန်တော့ နာပြီး အော်ငိုတာပေါ့... အနားမှာရှိတဲ့ ကျောင်းသားတယောက်က အဲ့ပြောင်းဖူးကို ကောက်ပြီး ကျုပ်တို့အတန်းနောက်က အခန်းကို ပြန်ပေါက်ထည့်တာ... အဲ့သည်မှာတင် တဆောင်လုံး ပြောင်းဖူးစတွေဟာ အခန်း (၃) ခန်းစလုံး အပြန်အလှန် ပေါက်ကြတော့တာ... ဆရာတွေ ဆရာမတွေလည်း ဘယ် ထိန်းနိုင်တော့မလည်း... ကောင်မလေးတွေက စာသင်ခုံတွေအောက်မှာ ၀င်ပုန်း... ကျုပ်တို့ ကောင်လေးတွေက လာသမျှ ပြောင်းဖူးတွေကို ကောက်ပြီး ဟိုးတဖက်ခန်းဆီ ပြန်ပစ်ပေါက်နဲ့... ပထမတန်း တဆောင်လုံး ပွဲပျက်နေတာ... နောက်ဆုံးကျတော့... ကျောင်းအုပ်ဆရာကြီး ရောက်လာပြီး သုံးခန်းစလုံးကို ကစားကွင်းမှာ တန်းစီရပ်ခိုင်းပြီ... ကျား-ကျား-မ-မ အကုန်လုံးကို သူ့ သုံးလုံးပူး ကြိမ်နဲ့ (၃)ချက်စီ ဆော်သဗျာ... စဉ်းစားကြည့်ပါဦး... ပြောင်းဖူးတွေ ပစ်တဲ့အထဲမှာ ကောင်မလေးတွေမှ မပါတာ...  ဘယ့်နှယ်... ကျောင်းအုပ်ဆရာကြီးက... ကောင်မလေးတွေကို ရိုက်ရသတုန်း... ကျုပ်တို့ ဆရာမ-ဆိုတာ ကျောင်းအုပ်ဆရာကြီးကို တောင်းပန်လို့မရလို့ သူ့စားပွဲမှာ ထိုင်ငိုနေတာ... ကျုပ်တို့က သွားပြန်ချော့ရတယ်... ခက်တာဗျာ... ကျောင်းအုပ်ကြီးကလည်း ခုခေတ် ကျုပ်တို့ ဗမာပြည်က သမ္မတ-ဆိုတဲ့ကောင်တွေလိုပဲ ဦးနှောက် မရှိတာ ဖြစ်မယ်... ကျုပ်တို့ ယောက်ျားလေးတွေကို သူ ရိုက်လို့ရပါတယ်... မိန်းကလေးတွေကို ရိုက်စရာလား... အားလုံးက စာသင်ခုံတွေ အောက်မယ် ၀င်ပုန်းနေကြရတာ... ဒါကိုတောင် ရိုက်သေးတယ်-ဆိုတော့... သမ္မတကြီးတွေ ကျောင်းအုပ်ဆရာကြီးတွေ-ဆိုတာ လုပ်ပိုင်ခွင့်နဲ့ အာဏာကို တရားဝင် အလွဲသုံးစား လုပ်ခွင့်ရနေသူတွေလို့ပဲ မြင်ချင်မိတော့တယ်...

ဆရာမနဲ့ ပတ်သက်ရင် အမှတ်တရဖြစ်နေတဲ့ နောက်အချက်တခုကို ပြောပြပါဦးမယ်... ကျုပ် ပထမတန်း တက်တော့... ပထမတန်း (၃) ခန်း ရှိတယ်... ပထမတန်း (က) ပထမတန်း (ခ) ပထမတန်း (ဂ) -လို့ ခေါ်ပါတယ်... ဒါကလည်း သူငယ်တန်းလေးနဲ့ သူငယ်တန်းကြီးကနေ အောင်လို့ ရလာတဲ့ အမှတ် အနည်းအများနဲ့ စဉ်ပြီး ခွဲထားတာ... သည်လိုနဲ့ ကျုပ် ပထမတန်းကို ရောက်လာတော့... ကျုပ်က အတန်းကျော်တက်လာတဲ့ကောင်ကိုး... အဲ့သည့် အတန်းကို ကျုပ်ရောက်လာတော့ အဲ့သည့်အတန်းမှာ အမြဲတမ်း အဆင့် (၁) ရတဲ့ကောင်မလေးတယောက်က အဆင့် (၂) ဖြစ်သွားတော့တယ်... အဲ့သည်မှာတင် အဲ့ကောင်မလေးက ကျုပ်ကို ရန်သူတယောက်လို ဆက်ဆံတော့တာပဲ... ကျုပ်ကတော့ သူနဲ့ ပတ်သက်လို့ ဘယ်လိုမှ စိတ်ခံစားမှု မရှိတာ အမှန်ပါ... ခက်တာက သည်အတန်းထဲကို ကျုပ်ရောက်လာမှ သူ့မယ် အဆင့် (၂) ဖြစ်ရတယ်-ဆိုပြီး မုန်းတီးသွားတာမျိုးလည်းဖြစ်နိုင်ပါတယ်... ကလေးတွေကိုး... တကယ်ကတော့ ကျုပ်ကလည်း ကျုပ်ဖြေစရာရှိတဲ့ စာမေးပွဲတွေဖြေတယ်... ကျုပ်အလုပ်ကို ကျုပ်လုပ်တယ်... သူ့ကိုလည်း ဘာမှ မပြိုင်ဘူး... သူကသာ လိုက်ပြိုင်နေတာ... ဒါတောင် အဲ့သည်အချိန်က ကျုပ်တို့ သင်ယူ-ကျက်မှတ်-စာမေးပွဲ ဖြေရတာ (၄) ဘာသာပဲ ရှိတယ်... မြန်မာစာ-သင်္ချာ-ပထ၀ီ-နဲ့ ပတ်ဝန်းကျင်-တဲ့... ပတ်ဝန်းကျင်-ဆိုတဲ့ ဘာသာရပ်က ဆိုရှယ်-ဆိုင်းယင့်စ် ခေါ်ရမှာပေါ့... တကယ်တော့ လူနှင့်သူ၏ပတ်ဝန်းကျင် ခေါ်ရမှာပါ... မြန်မာ့ဆိုရှယ်လစ်လမ်းစဉ်ခေတ်-က ခေါ်သလိုဆိုရင်တော့ အညမည-ပေါ့... Man and his correlation of environment ပေါ့... ခက်တာက... ကျုပ်က မြန်မာစာကလွဲရင် ကျန်တဲ့ဘာသာတွေအကုန်လုံးမှာ အမှတ်ပြည့် အမြဲရတယ်...  ကောင်မလေးက အမြဲတမ်း ကျုပ်ထက် တမှတ် ၂ မှတ် လျော့နေတော့ အဆင့် (၂)ပဲ ဖြစ်နေတော့တာပေါ့...

သည်နေရာမယ်... ကျုပ်ရဲ့ အတန်းပိုင်ဆရာမ ဒေါ်တင်တင် လုပ်သွားပုံလေးကို ပြောပြချင်တာပါ... ဒါကိုပြောမယ်ဆိုရင်လည်း ကျုပ်တို့ စာသင်ရတဲ့ အခြေအနေကိုပါ ပြောပြရဦးမယ်... ကျုပ်တို့ မူလတန်းကျောင်းတဆောင်လုံးဟာ သွပ်တွေ မိုးထားတာ... မိုးတွင်းမှာ မိုးတွေ အပြင်းအထန် ရွာရင်... သွပ်မိုးတွေပေါ်ကျတဲ့ မိုးသံတွေကြောင့် ဆရာ-ဆရာမတွေ သင်ပြပြောဆိုနေတာကို ကလေးတွေ ဘာမှ မကြားနိုင်တော့ဘူး... အဲ့သည်အခါမယ် ကလေးတွေကို ဆရာတွေ ဆရာမတွေက အိပ်ခိုင်းထားတယ်... ဒါပေသည့် ကျုပ်ရဲ့ ဆရာမ ဒေါ်တင်တင်-ကတော့ ကျုပ်တို့ကို မအိပ်ခိုင်းဘူး... သီချင်း-ဆိုတတ်တဲ့သူရှိရင် အတန်းရှေ့ထွက်ဆို- ကျန်တဲ့သူတွေ နားထောင်ကြ- ဆိုပြီး ပြောတော့... ကျုပ်လည်း ကျုပ်ရထားတဲ့ သီချင်းတွေ မကြာခဏ ထွက်ထွက်ဆိုတာပေါ့... ဟိုကောင်မလေးကလည်း ထွက်ထွက်ဆိုတယ်... သည်လိုနဲ့ အဲ့ကောင်မလေးနဲ့ ကျုပ်ဟာ ပညာပြိုင်ဖက်တွေတင်မကတော့ဘူး... သီချင်းဆိုပြိုင်ဖက်ပါ ဖြစ်သွားတော့တယ်...

အတန်းရှေ့မှာ ကျုပ် ထွက်ထွက်-ဆိုတဲ့သီချင်းတွေကို ခင်ဗျားတို့ကြားဖူးမယ် မထင်ပါဘူး... (ဥပမာ.... နှင်းရည်စိုလူး... ရာသီဦးဝယ်... ပွင့်လွှာဖြူဖွေး... မာလာလေးရယ်... မြေမှာမဖွား... ပင်ယံကြားမှာ... ကြွားကြွားဝင့်ဝင့်ထည်... ) ဆိုတဲ့ ရုပ်ရှင်မင်းသားကြီး-ဇော်ဝမ်း-ဆိုခဲ့တဲ့ သီချင်းမျိုးတွေ... အဲ့ကောင်မလေး ဆိုတဲ့သီချင်းတွေကိုလည်း ခင်ဗျားတို့ ကြားဖူးမယ် ကျုပ်တော့ သိပ်မထင်ဘူး.. (ပျိုပျိုမေ အလည်အပတ် ထွက်တယ်... မော်တော်ကားနဲ့ကွယ်... ရှမ်းပြည်ကို တောင်ပိုင်းရော-မြောက်ပိုင်းရောကွယ် နှံ့ခဲ့တယ်...) ဆိုတဲ့ ရုပ်ရှင်မင်းသမီးကြီး ချိုပြုံး-ဆိုခဲ့တဲ့ သီချင်းမျိုးတွေ...

ဒါပေသည့် ကျုပ်တို့ နှစ်ယောက် သီချင်းဆိုတိုင်း တတန်းလုံးက အားရပါးရ လက်ခုပ်တီးကြသဗျ... ဘယ်သူကမှလည်း မအိပ်ကြ... ဒါနဲ့ သူနဲ့ ကျုပ် တယောက်တလှည့် သီချင်းဆိုပြိုင်ရတော့တာပေါ့... ခက်တာက သီချင်းတွေကို အများကြီး ကျုပ်တို့ နှစ်ယောက် မဆိုနိုင်သလို... မိုးကလည်း စဲသွားပြီဆိုတော့... ဆရာမကလည်း စာဆက်သင်ရတာပေါ့...

တရက်မတော့ ဆရာမ-ဒေါ်တင်တင်-က မိုးတွေရွာနေတဲ့ အချိန်မှာ ကျုပ်တို့ နှစ်ယောက်ကို အတန်းရှေ့ ခေါ်ပြီး... ပြောတယ်... သားနဲ့သမီး အတူရတဲ့ စုံတွဲသီချင်းတပုဒ်ကို အားလုံးကို ဆိုပြပါ-တဲ့... ဒါနဲ့ ကျုပ်ကလည်း ကျုပ်သိတဲ့ စုံတွဲ သီချင်းတွေကို အဲ့ကောင်မလေးကို မေးရတော့တာပေါ့... (ဟဲ့... နင်... အဲ့သီချင်းရလား... ဟင့်အင်း... သည်သီချင်းရလား... ဟင့်အင်း...) သည်သီချင်းရော... ဆိုတော့... (အင်း... ) တဲ့ ... အဲ့သည် သီချင်းက ဘယ်သီချင်းဖြစ်မယ် ခင်ဗျားတို့ထင်သလဲ... (ကွန်မန့်ထဲမှာ ခင်ဗျားတို့ စိတ်ထင်ရာ ပြောနိုင်ပါသည်...)

အဲ့သည့်နေ့ကစပြီး... အဲ့သည်ကောင်မလေးနဲ့ကျုပ်နဲ့ ကျောင်းတက်တဲ့အချိန်မှာ မိုးတွေ အသည်းအသန်ရွာတိုင်း စုံတွဲသီချင်းတွေ အတူတကွ ဆိုခဲ့ရတာ ဒုတိယတန်းကို တက်တဲ့ အထိပါပဲ... ခုတော့ သူ့ နံမည်ကိုတောင် ကျုပ် သေချာ မမှတ်မိတော့ဘူး... ဌေးဌေးဝင်း-လို့ ထင်တာပါပဲ...

ဆရာမ-ဒေါ်တင်တင်ကြောင့် စုံတွဲသီချင်းတပုဒ်ကို အတူတကွ ဆိုရတဲ့နေ့ကစပြီး အဲ့ကောင်မလေးနဲ့ကျနော် ဘာပြဿနာမှ မရှိတော့ဘူး...

ခုတော့... ကျုပ်စဉ်းစားနေမိတာက... ဟို ဘွားတော်ကြီးနဲ့ ဟိုဘိုးတော်ကြီးကို စုံတွဲသီချင်း ဆိုခိုင်းလိုက်ရင် ကောင်းမလားလို့ပါ...

(atn)

အောင်သာငယ်နှင့် သူ၏ အပိုင်းအစများ (၆)

January 23, 2014 at 10:52am

ကျုပ်တို့ ငယ်ငယ်တုန်းက ပညာရေးစနစ်အကြောင်း ပြောချင်သေးတယ်...

ဘယ် ပညာရှိက ဘယ်လို သတ်မှတ်ခဲ့တယ်-ဆိုတာတော့ မသိဘူးပေါ့ဗျာ... ကျုပ်တို့ ငယ်ငယ်တုန်းကဆို ... ခုသည်မှာ First Grade ခေါ်တဲ့ ပထမတန်းကို မရောက်ခင်... သူငယ်တန်းလေးနဲ့ သူငယ်တန်းကြီး-ဆိုတာကို ကျုပ်တို့မယ်... တက်ရတယ်... အဲ့သည် ၂ နှစ်ကို တက်ပြီးမှ ပထမတန်းကိုရောက်တာ... သေချာ ပြန်စဉ်းစားကြည့်လိုက်တော့ ... အမေရိကား-က ၁၂-တန်း စနစ်နဲ့ ခပ်ဆင်ဆင်ပဲ... ဒါပေသည့်... မတူတာတွေလည်း ရှိသပေါ့...

ဆင်တာကတော့ ... သူငယ်တန်းလေး-ဟာ သည်မှာ Pre-K ခေါ်တဲ့ မူကြိုဖြစ်မယ်... သူငယ်တန်းကြီးကတော့... kindergarten ဖြစ်မယ်...

ဒါပေသည့် ဗမာပြည်ပညာရေးစနစ်ကို လုပ်ချင်သလို လုပ်နေကြတဲ့ စစ်အစိုးရလက်ထက်မှာ... ကျုပ်ထက် အသက် ၂ နှစ်ကြီးတဲ့ ကျုပ်အကိုနဲ့ ကျုပ် အတန်းတူသွားတယ်-ပြောရင် ခင်ဗျားတို့ ယုံမယ် မထင်ဘူး...

ကျုပ် သူငယ်တန်းလေး စတက်တော့ ကျုပ်အကိုကြီးက ပထမတန်း တက်နေပြီ... သူ့ကို မီဖို့ ကျုပ်က နောက်ထပ် ၂ နှစ် ကျောင်းတက်ရဦးမှာ... ဒါပေသည့် ကျုပ်က စာတော်တော့... ဗမာပြည်က ကျောင်းတွေမှာ အဲ့ခေတ်က အတန်းကျော်တက်တယ်-ဆိုတာ ရှိတယ်... ဆရာ-ဆရာမတွေက ကျောင်းအုပ်ကြီးကို တင်ပြတာပေါ့... သည်ကလေးက သည်အဆင့်ထက်တော့ ကျော်နေပြီ-ဆိုရင် အတန်းကျော်ပြီး နောက်တတန်းကို ပညာသင်နှစ် မကုန်ခင်မှာ ပေးတက်လိုက်တယ်... ဘိုလို ပြောရရင်တော့ academic year တခုကို မကျော်ခင်မှာ နောက်တတန်းကို ကူးရတာပေါ့ဗျာ... ဒါနဲ့ ကျုပ်က သူငယ်တန်းလေးကနေ... သူငယ်တန်းကြီးကို စာသင်နှစ်တ၀က်နဲ့ ရောက်သွားတယ်... (ကျုပ် ကြွားတာ မဟုတ်ပါဘူး... အဲ့သည့် ကျုပ်တို့ခေတ်က ပညာရေးစံနစ်အကြောင်း သိစေချင်လို့ပါ...)

နောက်တော့ သူငယ်တန်းကြီးကို ကျုပ်တက်နေတဲ့အချိန်မှာပဲ... အစိုးရက သူငယ်တန်းလေးနဲ့ သူငယ်တန်းကြီး-ဆိုတဲ့ ပညာရေး-စနစ်ကို ဖျက်ပစ်လိုက်တော့... သူငယ်တန်းအကြီး တက်နေရတဲ့ ကလေးတွေ အားလုံးက အလိုအလျောက် ပထမတန်း ဖြစ်သွားပါလေရော... ဒါနဲ့ ကျုပ်အကိုနဲ့ ကျုပ်နဲ့က ပထမတန်းမှာ တတန်းတည်း တခန်းထဲ ဖြစ်သွားပါလေရော... ကဲ... စဉ်းစားသာ ကြည့်ကြပေတော့... ညီအကို ၂ ယောက် တတန်းတည်း တခန်းတည်း...

တိုင်းပြည်တခုရဲ့ ကလေးတွေ-ဆိုတာ နောင်အနာဂါတ်မှာ တိုင်းပြည်ခေါင်းဆောင်တွေ ဖြစ်လာမှာပဲ မဟုတ်လား....  နောင်အနာဂတ်ရဲ့ တိုင်းပြည်ခေါင်းဆောင်တွေရဲ့ ပညာရေးကို လက်ရှိ ရှိနေတဲ့ အစိုးရဆိုတဲ့ကောင်တွေက လုပ်ချင်သလို လုပ်နေတာ... ဒါကို ထိုင်ကြည့်နေရုံတင် မဟုတ်ပဲ အားပေးအားမြှောက် လုပ်တဲ့ တရားခံတွေ ရှိတယ်... ကျုပ်တို့ ခေတ်က ပညာရေး ၀န်ကြီး-ဆိုတဲ့ကောင်တွေကိုသာ တရားခံစာရင်းထဲ ထည့်ထားကြပါ...

အဲ့သည် အထဲမှာ ဘူမိဗေဒက ဒေါက်တာညီညီလည်း ပါတယ်... သူ့ရဲ့ bottle-neck education policy ကြောင့် ကျုပ်တို့လို ကျောင်းသားတွေဟာ ကိုယ်စိတ်ဝင်စား နှစ်သက်တဲ့ ဘာသာရပ်တွေကို သင်ယူခွင့် မရခဲ့ကြဘူး... marking system နဲ့ လိုင်းခွဲတာ ခံခဲ့ကြရတယ်...

သည်လိုနဲ့ MC တို့ RIT တို့ လိုင်းတွေ ရသူတွေကပဲ ပိုတော်သလိုလို ဖြစ်တယ်... ကျုပ်တို့က မနာလို မဖြစ်ပါဘူး... စနစ်ကမှ တရားမျှတမှု မရှိတာ... မသိတဲ့လူတွေကတော့ အင်ဂျင်နီယာတွေ ဆရာဝန်တွေကပဲ ပိုတော်နေသလိုလို ထင်ကြမယ်...

အဲ့သည်မှာ သွေးခွဲခံရတော့တာပဲ... အင်ဂျင်နီယာ တချို့တွေကလည်း ဖင်ခေါင်းကျယ်... ဆရာဝန်တချို့ကလည်း ဖင်ခေါင်းကျယ်... လူတိုင်းကို ကျုပ် မပြောပါဘူး... ဒါပေသည့် ပြောချင်တာက သည် စစ်အုပ်စုဟာ ကျောင်းသားတွေကိုလည်း စနစ်တကျကို သွေးခွဲပစ်ခဲ့တာ...

အမှန်တကယ်က ဘာသာရပ်တိုင်းဟာ သူ့တန်ဖိုးနဲ့ သူပါ... အင်ဂျင်နီယာ-မှ ဆရာဝန်-မှ တန်ဖိုး ရှိတာ မဟုတ်ပါဘူး... ကျုပ် တခုပြောမယ်... မြို့ပြ အင်ဂျင်နီယာတွေ တိုက် တလုံး မဆောက်ခင် soil-test လုပ်ပေးရတာက ကျုပ်တို့လို ဘူမိဗေဒပညာရှင်တွေပါ... ဒါတွေကို civil engineer တွေ သိပါတယ်... ဒါပေသည့် စစ် အစိုးရ လုပ်လိုက်တော့မှ ပညာရှင်တွေကြားမှာပါ လူတန်းစားက ကွဲပြားသွားတော့တယ်...

သည်လိုနဲ့ သူတို့ စစ်သက်ကို ကြာရှည်သွားစေတော့တာပါပဲ...

ခုထက်ထိလည်း ဗမာပြည်မယ်... စစ်ဗိုလ်... ဆရာဝန်... အင်ဂျင်နီယာ... သင်္ဘောသား-ဆိုတာ ခေတ်စားနေဆဲပါပဲ... မြန်မာစာ-ဆရာမဆို မြောင်းထဲ ရောက်တော့ မလောက်ပဲ... ဆိုးချက်ကယ်...

တခုတော့ ရှိတာပေါ့လေ... ဟားဗဒ်ကျောင်းဆင်း-ဆိုရင်တော့ တမျိုး ဖြစ်မှာပေါ့....

ငြိမ်းချမ်းရေးစင်တာမှာ ဒေါ်လာ တသောင်းလောက်တော့ အနည်းဆုံး ရမယ်...

အောင်သာငယ် ၀မ်းနည်းမိပါသည်တကား...

(atn)

အောင်သာငယ်နှင့် သူ၏ အပိုင်းအစများ (၅)

January 21, 2014 at 7:03pm

ကျုပ်တို့ ငယ်ငယ်တုန်းမယ်... ဘာတွေ ကစားကြသလဲ ပြန်စဉ်းစားမိတော့ ကစားကြတာတွေ မနည်း မနောပဲ...

တချို့ ကစားနည်းတွေကတော့ ခုခေတ်မယ် ရှိတော့မယ် မထင်ဘူး....
ကလေးတွေလည်း အဲ့သည်ကစားနည်းတွေနဲ့ သင့်တော်တော့မယ် မထင်ဘူး...
ဥပမာဗျာ.... လင်-မယား ကစားနည်း...

အောင်သာငယ်-ဆိုတဲ့ ကျုပ်ကို လမ်းထဲက သူငယ်ချင်းတွေက အားကစားအရာမှာ ချို့တဲ့လို့ လက်မခံတော့ ... လက်ခံတဲ့သူနဲ့ အောင်သာငယ် တွဲရ-ဆော့ရ-ကစားရတာပေါ့... အဲ့သည် ကစားနည်းတွေထဲမယ် လင်မယားလုပ်တမ်း-လည်းပါသေး.... ကျုပ်တို့ အိမ်ဘေးက သူငယ်ချင်းမ တကောင်နဲ့ အောင်သာငယ် ကစားခဲ့ဖူးတာပေါ့... အဲ့ကောင်မလေးနံမည်က လှလှစီ-တဲ့... အမှန်တော့ သူ့ အဖေက ဟိန္ဒူ... အမေက ဗုဒ္ဓဘာသာဗျ... သူ့မွေးလာတော့ ... သူက ဟိန္ဒူ-တပိုင်း... ဗုဒ္ဓဘာသာ-တပိုင်းပေါ့ဗျာ....  ကျုပ်ကသာ ဘာကောင်မှန်း မသိတာ...

ကလေးတွေ-ဆိုတော့ လင်မယား-လုပ်တမ်းကိုလည်း ဘယ်ကနေ အိုင်ဒီယာရလည်း ကျုပ်မသိဘူး... ကျုပ်သိတာကတော့ လှလှစီ-က သူ့ ကော်ပတ်ရုပ်ကြီး တရုပ်ယူလာပြီး ကလေးလုပ်မယ်-ကနေ စတာပဲ... ကျုပ်လည်း ဘယ်သိမလဲ... သူကပဲ စတာ... နင်နဲ့ငါ... လင်-မယားလုပ်တမ်း ကစားမယ်-တဲ့...  အင်းပေါ့... ကစားပေါ့... ကျုပ်မယ်... ကစားစရာ သူငယ်ချင်းမှ မရှိတော့တာ... သူ ပြုသမျှ နုရမှာကိုး....

အင်း... အဲ့အချိန်က ... ကစားကြတဲ့ လင်မယားလုပ်တန်း-မို့ပေါ့ဗျာ.... ခုချိန်ဆို နောက်ထပ် ကလေးတွေ ဘာတွေ မွေးလောက်တယ်.... ထားပါတော့...

ကျုပ်တို့ အဖွားရဲ့ အိမ်နောက်မှာ မသုံးတော့တဲ့ နှစ်ထပ်ကွပ်ပြစ်ကြီး ရှိသဗျ... အဲ့သည်မှာ လှလှစီ-က အိပ်ယာတခုခင်းတယ်... ပြီးတော့ ကျုပ်ကို လာ အိပ်-ဆိုပြီးခေါ်တော့ သူနဲ့ ကျုပ်အကြားမှာ... သူ့ ကော်ပတ်ရုပ်ကြီး ထားထားသေးတယ်...

ဒါနဲ့ ကျုပ်ကလည်း ၀င်အိပ်ရတာပေါ့...  ဒါမယ့် လှလှစီ-ကို ကျုပ်ကတော့ မေးလိုက်သေးတယ်... လင်-မယား-ဆိုရင် ကလေးတွေ မွေးလာမှာလို့... ကလေးတွေမွေးလာရင် ဘာနံမည် ပေးမလဲ... ကျုပ်က မေးတာပေါ့...

လှလှစီကတော့ ရှင်းပါတယ်... နင်နဲ့ငါနဲ့က တကယ့် လင်မယားမှ မဟုတ်တာတဲ့... ကလေးနံမည်တွေ ငါ စဉ်းစားစရာ မလိုဘူးတဲ့...

အင်း ဗျာ.... ၂၀၀၈ ဖွဲ့စည်းပုံ-ဆိုတာ ကလေးတွေ လင်-မယားလုပ်တမ်းကစားတာမှ မဟုတ်တာ...

၂၀၁၅ ကို ကျုပ်တို့ နံမည် ပေးစရာ လိုဦးမှာလား....

(atn)

အောင်သာငယ်နှင့် သူ၏ အပိုင်းအစများ (၄)

January 21, 2014 at 4:01am

ကျုပ်ရဲ့ ညံ့ဖျင်းချက်တွေကို ရေးပြီးပြီ... ဆိုတော့ ဘာထပ်ရေးရမလဲ စဉ်းစားတဲ့အခါ... ကျုပ်ငယ်ငယ်က အထီးကျန်တဲ့အချိန်မှာ ကျုပ်ကို အဖော်ပြုပေးတဲ့ စာအုပ်ဘီရိုကြီးတွေကို သတိရသွားတယ်...

ကျုပ်မယ် သူငယ်ချင်းတွေနဲ့ ဂေါ်လီမရိုက်ရ စွန်မလွှတ်ရ ဘောလုံးမကန်ရ-ဆိုတော့ အိမ်မှာ တကောင်တည်း ဒါပေမယ့် ခြင်္သေ့လုပ်ရတာပေါ့... အဲ့သည် အချိန်မှာ ကျုပ်အတွက် ရှိနေတာ စာအုပ်ဘီရိုကြီး ၃ လုံးပဲ...

ကျေးဇူးတင်စရာကောင်းတာကတော့ ကျုပ်ရဲ့ ဒုတိယအမေတွေလို့ ပြောရမယ့် ကျုပ်အမေရဲ့ ညီမအငယ်ဆုံး ၂ ယောက်ရယ် ကျုပ်အမေ့အောက်က သူ့မောင် ကျုပ်ဦးလေး... သူတို့ကြောင့်သာ ကျုပ်က ကျောင်းမတက်ရခင်ကို စာဖတ်တတ်နေပြီ... ကျုပ်ဦးလေးကို ကျုပ်တို့ခေတ်က လူအတော်များများ သိလောက်ပါတယ်... ဗမာ့ အသံမှာ ထုတ်လွှင့်ရေးမှူး လုပ်ခဲ့ဖူးတယ်... သတင်းကြေငြာသူလည်း လုပ်ခဲ့ဖူးတယ်... ဦးရဲထွတ်-ဆိုရင် အတော်များများ သိနိုင်ပါတယ်... ကြော်ငြာဝင်တာ မဟုတ်ဘူး... အားလုံး သိအောင် ပြောပြနေတာ...

အဲ့သည့် ကျုပ် ဦးလေးက စာအုပ် ဘီရိုကြီး ၃ လုံးမှာ ရှိသမျှ စာအုပ်တွေကို အသေအချာ ကက်တလောက် လုပ်ထားတာ... စာအုပ်တိုင်းမှာ နံပါတ်တွေပါတယ်... အမျိုးအစားတွေပါတယ်... စာအုပ်တအုပ်မှာရှိတဲ့ သူလုပ်ပေးထားတဲ့ ကက်တလောက် နံပါတ်လေးတွေ ဖတ်လိုက်ရုံနဲ့ ဘာစာအုပ်ဆိုတာ သိနိုင်တယ်... သူက အဲ့သလို စနစ်တကျ လုပ်ပေးထားတာ...

ကျုပ်မယ်... လူကသာ သူငယ်တန်းမတက်ရသေးပေမယ့်... ဖတ်လိုက်တဲ့စာအုပ်တွေက မနည်းမနောပဲ... (ကမ္ဘာကို-ကိုင်လှုပ်သော ထို ဆယ်ရက်).. လို စာအုပ်တွေကနေစပြီး... (တရုပ်ပြည်သူ့သူရဲကောင်းများ) တွေ-အထိ... ဖတ်ပစ်တာပေါ့...

ကျုပ်မယ်... ငယ်ငယ်ကတည်းကကို အဲ့လို သူရဲကောင်း စာအုပ်တွေ ဖတ်ရတာကို သဘောကျနေခဲ့တာ... (တရုပ်ပြည်ပေါ်က ကြယ်နီ...) (အို့ယန်ဟိုက်၏တေးသံ..) ဆိုတာ ကျုပ် အသည်းစွဲပေါ့... ဥပမာ... (ဥက္ကဌကြီး-မော်-နှင့် ခရီးရှည် အတူ ချီတက်ခဲ့စဉ်က... )ဆိုတဲ့ စာအုပ်မျိုးဟာ ကျုပ် ခဏခဏ ထုတ်ထုတ်ဖတ်တာ...

သည်လိုနဲ့ အားကစားမှာ ကျုပ် အသုံးမကျတဲ့အချိန်တွေကို စာအုပ်တွေနဲ့ လဲလှယ်ပစ်ခဲ့ပလိုက်တာပဲ...
သည်လိုနဲ့ ကျုပ်ဘ၀က စာအုပ်ဘီရိုကြီး ၃ လုံးကြား လုံးဝ ရောက်သွားတော့တာပဲ.... အမေ ထောင်က လွတ်လာတော့တောင် ကျုပ်က အဲ့ စာအုပ် ဘီရိုကြီး ၃ လုံး ကြားထဲမယ် ခေါင်းစိုက်ကောင်းနေတုန်းပဲ... အမေ့ကို အိမ်လာပြန်ပို့တဲ့ စစ်ထောက်လှမ်းရေးကား အိမ်ရှေ့ရောက်တာတောင် ကျုပ် မသိဘူး...  အမေက (သားလေး ဘာတွေ ဖတ်နေလဲ... ) မေးမှ... အမေ့ကို ကျုပ် ပြေးဖက်ရတာ... ခုနေ ပြန်စဉ်းစားမိတော့ မျက်ရည်လည်တယ်... တကယ်...

ဒါပေသည့် ကျုပ်ကို ကဗျာတွေ နဲ့ မိတ်ဆက် ပေးခဲ့တာကတော့ အမေပေါ့...  ကျုပ် ပထမဆုံး မှတ်မှတ်ထင်ထင် ရှိနေတဲ့ ကဗျာစာအုပ်ကတော့ ကျုပ်တို့ရဲ့ ဆရာကြီး-ဆရာတင်မိုးရဲ့ ဖန်မီးအိမ်ပါပဲ...

နရသိန်ထဲက အမေ့ ကဗျာတွေ အကြောင်းကတော့ ကျုပ်ရဲ့ (သူပုန်တယောက်ရဲ့ ဒိုင်ယာရီ) တွေထဲမှာ ပြောထားခဲ့ဖူးပြီးပြီ-ဆိုတော့ သည်မှာတော့ မပြောတော့ပါဘူး...

ကျုပ်ပြောချင်တာကတော့ ကလေးတယောက်ဟာ...  ကျန်တဲ့ ကလေးတွေနဲ့ ကွဲကွာသွားပြီဆိုရင်... သူ့ဘ၀မှာ အဖော်လုပ်စရာ တခုခုတော့ ရှိရမှာဖြစ်တယ်... ကျုပ် ကံကောင်းတာက စာအုပ်တွေ ရှိနေတာပါပဲ...

အင်း... ခုတော့... ကျုပ်လည်း ကလေးတယောက် မဟုတ်တော့ဘူး... ဆိုတော့... လူကြီးတွေ အကြောင်းပဲ ပြောရမှာပေါ့...

လူကြီးတယောက်ဟာ... တခြားလူကြီးတွေနဲ့ ကွဲကွာသွားရင်... ဘာလုပ်မှာလဲ... ဆုတံဆိပ်တွေကို ဖုန်သုတ်နေမှာလား...

(atn)

အောင်သာငယ်နှင့် သူ၏ အပိုင်းအစများ (၃)

January 20, 2014 at 11:39am

ကျုပ်ရဲ့ ညံ့ဖျင်းချက်တွေကို သူငယ်ချင်းတွေ အားလုံး သိကြရအောင် ရေးပြရပါဦးမယ်...

ကျုပ် ငယ်ငယ်တုန်းက သူငယ်ချင်းတွေ ခုလို အများကြီး အများကြီး မရှိဘူး... လမ်းထဲမှာ ရှိသမျှ ကလေးတွေနဲ့တော့ သူငယ်ချင်း ဖြစ်တာပေါ့.... ဒါပေသည့် ကျုပ်ပြဿနာက သူတို့လို ကျုပ်က မကစားတတ်တာပဲ...

ဂေါ်လီရိုက်ရင်လည်း ကျောက်ဂေါ်လီ ကိုင်ကိုင်... ထုံးဂေါ်လီကိုင်ကိုင်... ကျုပ်က ဂေါ်လီကို တခြားလူတွေလို ဘယ်ဖက် လက်မနဲ့ လက်ညှိုးကြားသွင်းပြီး ညာဖက်လက်ခလယ်နဲ့ ပစ်ထုတ်တာမျိုး မလုပ်တတ်ဘူး... အဲ့သလို လုပ်လိုက်ရင် ကျုပ်ဂေါ်လီက ကျုပ် ပြေးစေချင်တဲ့ တခြား ဂေါ်လီတွေ ရှိတဲ့ အရှေ့တည့်တည့်ကို မပြေးပဲ ကျုပ်ရဲ့ ညာဖက်ကိုပဲ ပြေးထွက်သွားတယ်... သည်လိုနဲ့ တခြား ဂေါ်လီတလုံးကို ရိုက်ချင်ရင်... အောင်သာငယ်တို့က ဘာလုပ်ရသလဲဆိုတော့... လက်နဲ့ပဲ သည်အတိုင်း ကိုင်ပြီး ဒဲ့ ပစ်ရတော့တာပေါ့... အောင်သာငယ်ပစ်လိုက်လို့ ထိတဲ့ဂေါ်လီတွေ ဘယ်တော့မှ မကွဲဘူး... ဘာလို့ဆို လက်နဲ့ပဲ ဒဲ့ကိုင်ပစ်တော့ အားမှ မပါတာ ... ဘယ်ကွဲမလဲ... တခြားသူတွေဆို တဖြောင်းဖြောင်းနဲ့ တခြားဂေါ်လီတွေကို ခွဲနေတဲ့အချိန်မှာ... အောင်သာငယ်တို့က ဂေါ်လီကို အလုံးလိုက် ကိုင်ပစ်နေရတာကိုး... ဒါနဲ့ ဂေါ်လီပစ်ခြင်း ကစားနည်းကို အောင်သာငယ် စွန့်လွှတ်လိုက်တယ်...

နောက်တော့ သူငယ်ချင်းတွေ စွန်လွှတ်တော့... ကျုပ်လည်း စွန်လွှတ်ချင်တာပေါ့... ဒါပေသည့် ကျုပ်တို့ မိသားစုက ဆင်းရဲတော့ ကျုပ်မယ် ကိုယ်ပိုင် စွန်တကောင် ဘယ်ရှိမလဲ... ရစ်ဘီးကတော့ ဝေးစွပဲ... အထူးသဖြင့် ကျုပ်တို့ ကျောင်းတွေ နွေရာသီမယ် ပိတ်ကြတော့.... တတ်နိုင်သူတွေက ကိုယ်ပိုင် ရစ်ဘီးနဲ့... ကိုယ်ပိုင် စွန်နဲ့... စွန်မှာတောင် စွန်တန်းစားက ကွဲသေးတယ်... ချမ်းသာတဲ့ မိဘက ပေါက်ဖွားလာတဲ့ ကလေးတွေရဲ့ စွန်က ဆီစိမ်စွန်... ဆင်းရဲတဲ့ မိဘကပေါက်ဖွားလာတဲ့ ကလေးတွေရဲ့စွန်က သာမန် စက္ကူစွန်... ကျုပ်တို့နိုင်ငံဟာ... လူတန်းစားတင် ကွဲပြားတာမဟုတ်ဘူး... စွန်တန်းစားပါ ကွဲပြားသေးတာဗျာ.... တခါတခါ အောင်သာငယ် စိတ်နာတယ်...

ထားပါတော့ ... ပြောချင်တာက... ကျုပ်သူငယ်ချင်းတွေ ကျုပ်ကို အားကစားကွင်းကနေ နှင်ထုတ်ကြတဲ့ အကြောင်းကိုပါ...

စွန်နဲ့ ရစ်ဘီး ကိုယ်စီရှိတဲ့ သူငယ်ချင်းတွေက ကျုပ်တို့ ရပ်ကွက်ထဲက အားကစားကွင်းကြီးမှာ ကိုယ်စီကိုယ်စီ... စွန်တွေ တင်ကြတာပေါ့... သည်ကြားထဲ စွန်ကို လာတိုက်တဲ့ကောင်တွေကလည်း ရှိသေးတယ်... သည်တော့ ကိုယ့်စွန်ကိုယ် ထိမ်းသိမ်းကြရတာလေ... ကျုပ်က တခါမှ စွန်မလွှတ်ဖူးဘူးတော့ လွှတ်ထားတဲ့ သူငယ်ချင်းတွေကို တောင်းပန်ရတော့တာပေါ့... ငါ့  တခါလောက် ပေးလွှတ်ပါ-ဆိုတော့ သူတို့လည်း ကျုပ်လက်ထဲ သူတို့ ရစ်ဘီးလေးထည့်ပေးပါတယ်.... ကျုပ်ကလည်း စွန်လွှတ်ဖူးဘူးတာ မဟုတ်တော့ ရစ်ဘီးကိုင်ပြီး ရစ်ထည့်ပစ်ပလိုက်တာ... သူတို့စွန်တွေ မြေကြီးပေါ် ဒိုင်ဗင်ထိုးဆင်းသွားကြပါလေရော... တချို့စွန်တွေကတော့ ဘာမှ မဖြစ်ပေမယ့် တချို့စွန်တွေ ကိုင်းကန်ပြီး ပြဲသွားကြတော့တာပေါ့... ကျုပ်လည်း ပြန် မလျော်ပေးနိုင်ဘူး... သည်လိုနဲ့ (ခိုင်လေးကို ရစ်ဘီး ပေးမကိုင်နဲ့) လို့ သူငယ်ချင်းတွေ ပြောကြတော့ ... စွန်လွှတ်ခြင်း အနုပညာကို ကျုပ် စွန့်လွှတ်လိုက်တယ်...

ဒါနဲ့ စွန်မလွှတ်တော့ဘူး... ဘောလုံးကန်တဲ့ အထဲ ၀င်ပါတယ်... ဖြစ်ချင်တော့ အဲ့သည်မှာလည်း ပြဿနာက ကလေးကန်တဲ့ ဘောလုံး မဟုတ်ဘူး... လူကြီးကန်တဲ့ ဘောလုံးကို ကလေးတွေ ကန်နေကြတာ... ကျုပ်က သိပ်မပြေးနိုင်တော့ ဂိုးစောင့်ပေါ့... goal keeper ပေါ့.. အဲ့သည်မှာ... တဖက်အသင်းက တက်လာတဲ့ကောင်က အကောင် အကြီးကြီး အဲ့ဘောလုံးကြီးကို ကျုံးကန်ထည့်ပစ်လိုက်တာ... ကျုပ်ရင်ဝထဲ ဘောလုံးကြီး တည့်တည့်ဝင်လာတော့... ရင်ဝကို အမြောက်ဆန် မှန်သလိုပဲ... ဂိုးကွင်းထဲကို ကျုပ်လွင့်ထွက်သွားတာ အသက်တောင် မရှူနိုင်ဘူး... အဲ့သည့် တလုံးနဲ့တင် ကျုပ်တို့ ရှုံးတယ်... နောက်ဆုံး ရလာဒ်ကတော့... (ခိုင်လေးကို ဘောလုံး ပေးမကစားနဲ့)တဲ့...

ဒါနဲ့ ဘောလုံး လောကကို ကျုပ်စွန့်လွှတ်ခဲ့ရတယ်...

ကျိမ်းသေတာတခုကတော့ ကိုယ်မကျွမ်းကျင်ရင် ၀င်မပါနဲ့...
ဝင်ပါခဲ့ရင်လည်း ကျွမ်းကျင်အောင်လုပ်ကြပါလို့
(ဒေါ်အောင်ဆန်းစုကြည်-အပါအ၀င်... အားလုံးကို) အောင်သာငယ် ပြောခဲ့ချင်ပါတယ်...

(atn)

အောင်သာငယ်နှင့် သူ၏ အပိုင်းအစများ (၂)

January 18, 2014 at 4:07pm

ငယ်ငယ်တုန်းကအကြောင်းတွေ ပြန်တွေးမိရင် ရယ်စရာတွေ အတော်များတယ်... ကလေးဘ၀ဆိုတာ ပျော်ရွှင်ရယ်မောစရာတွေပဲများတာ ကောင်းပါတယ်... ကျုပ်ကလေးဘ၀မယ် ပျော်ရွှင်စရာတချို့ရှိခဲ့တယ်... ရယ်မောစရာတချို့ရှိခဲ့တယ်... ငိုကြွေးချင်စရာ တချို့လည်း ရှိခဲ့တယ်... ဒါပေသည့် အမှတ်ရရ ရှိစရာအကြောင်းတွေထဲက တချို့ကတော့ အဲ့သည့် အကြောင်းတွေနဲ့ ကင်းလွတ်တယ်... ဒါကိုပဲ ရေးပါဦးမယ်...

ကလေးတယောက်ဟာ နံမည်တွေ ဘယ်လောက်များနိုင်သလဲ... ကျုပ်မှာတော့ နံမည်တွေ အများချည့်ပဲ... ကျုပ်နံမည်ရင်းက (ဆက်အောင်ခိုင်) ကျုပ်ထက် အသက် ၂ နှစ်ကြီးတဲ့ ကျုပ် အကိုကြီး နံမည်က (ဆက်အောင်နိုင်)... အောင်ဘု-တို့ ထွန်းလှ-တို့လို အဲ့သည်အချိန်မှာ အများစုက နံမည် ၂ လုံးတည်း ရှိကြသူတွေကြားထဲမယ်... ကျုပ်တို့ ညီအကို ၂ ယောက်ရဲ့ အမည်က ရှည်လျားနေတာပေါ့... ဒါကလည်း သမိုင်းကြောင်း ရှိသေးတယ်... အဖေက သူ မုန်းတီးတဲ့ စစ်အာဏာရှင် စနစ်ကို တိုက်နေတဲ့အချိန်ဆိုတော့ ... ကျုပ် အကိုကြီးကို မွေးတော့... သည်-စစ်အာဏာရှင်စနစ်-ကို ဆက်တိုက်တိုင်းအောင်နိုင်ပါစေ-လို့ ရည်ရွယ်ပြီး အကိုကြီး အမည်ကို (ဆက်အောင်နိုင်)လို့ ပေးခဲ့တယ်... ကျုပ်ကို မွေးတော့... အဖေက အဝေးမှာ... မြစ်ဝကျွန်းပေါ်က တောအုပ် တနေရာရာမှာ... ဒါပေသည့် သူတိုက်နေတဲ့ တိုက်ပွဲတွေရဲ့အောင်ပွဲ ဆက်ပြီး ခိုင်မာနေပါစေလို့ ရည်ရွယ်ပြီး ကျုပ်အမည်ကို (ဆက်အောင်ခိုင်)လို့ ပေးခဲ့တာပေါ့... အဖေ အဖမ်းခံရတော့ အဲ့သည့် နံမည် ၂ ခု အတွက်ပဲ တပတ်လောက် စစ်ထောက်လှမ်းရေးတွေ ရိုက်တာကို ခံလိုက်ရသေးတယ်...

ကျုပ်တို့ ညီအကိုရဲ့ နံမည်တွေက ရှည်တော့ အဲ့သည့်အချိန်က သူငယ်ချင်းတွေ ခေါ်တာက (စက်ကြီး-နဲ့-စက်ကလေး)တဲ့... သူငယ်ချင်းတွေကြားမှာတော့ ကျုပ်နံမည်က (စက်ကလေး)ပေါ့... အိမ်မှာတော့ အဖိုးနဲ့အဖွားက ကျုပ်ကို ခေါ်တာ (ခိုင်လုံး)တဲ့... ကျုပ် ငယ်ငယ်တုန်းက ပါးဖောင်းဖောင်းနဲ့ ဖြူဖြူလုံးလုံးလေးမို့လို့ ခေါ်တာလို့ အဖွားက ပြောဖူးတာပဲ...  ကျုပ် ဦးလေးတွေနဲ့ အဒေါ်တွေက ကျုပ်နံမည်ကို ခေါ်တော့ (ခိုင်လေး)တဲ့... သူတို့ တူတွေထဲမှာ ကျုပ်က အကောင် အသေးဆုံးမို့လို့ အဲ့လိုခေါ်တာလို့ ကျုပ် အဒေါ်အငယ်ဆုံးကတော့ ပြောဖူးတာပဲ... ဒါပေသည့် ဘယ်လိုဖြစ်ဖြစ် အမျိုးအဆွေတွေကြားထဲမှာတော့ ကျုပ်နံမည်က (ခိုင်လေး) ပဲ... အဲ့သည် နံမည်က တက္ကသိုလ်တက်တဲ့အထိ ပါတယ်... ကျုပ်ကို သိတဲ့ သူငယ်ချင်းတွေက (ခိုင်လေး) လို့ ပြောရင် ကျုပ်ကို မသိတဲ့ ကောင်မလေးတွေက ခိုင်လေး-ဆိုတာ ကောင်မလေး ထင်ကြတယ်... ဟာသပဲ... ထားပါတော့...
ကျုပ်ထက် ၂ နှစ်ကြီးတဲ့ အကိုကြီးကတော့ ကျုပ်ကို ဘယ်လိုခေါ်သလဲ-ဆိုတော့... (ဆက်ခိုင်)တဲ့... ဒါက သူနဲ့ ကျုပ်နဲ့ မတည့်တဲ့ အချိန် ခေါ်တာ... တည့်နေရင်တော့ (ညီလေး)တဲ့...  အမေကတော့ ကျုပ်ကို (ဒီဒိုး- ဒါမှ မဟုတ် - ဒိုးကလေး)လို့ ခေါ်တယ်... ကျုပ် ငယ်ငယ်တုန်းက အမေ အိပ်ယာပေါ်ရောက်လာရင် (မေမေ... ညောင်းနေလား.... ဒီဒိုး... နင်းပေးမယ်-)လို့ ပြောပြီး သူ့ ကျောပေါ် ကျုပ်က တက်တက်ခုန်သတဲ့... နင်းပေးတာ မဟုတ်ဘူး... တက် ခုန်နေတာ-တဲ့... ဒါက အမေ ပြောပြတာ... ကျုပ်လည်း အဲ့တာတော့ မမှတ်မိဘူး... အဖေနဲ့ ပြန်တွေ့တော့... အဖေကလည်း စိတ်လိုလက်ရရှိရင် (ခိုင်လေး) လို့ပဲ ခေါ်တယ်... သူ စိတ်တိုလာရင်တော့ အကိုကြီးလိုပဲ (ဆက်ခိုင်)လို့ ခေါ်တာပဲ...

ခု ပြန်စဉ်းစားကြည့်တော့ ကျုပ်မယ် နံမည်တွေ အများချည့်...

စက်ကလေး
ခိုင်လုံး
ခိုင်လေး
ဆက်ခိုင်
ဒီဒိုး
ဒိုးကလေး

ခုတော့ ကျုပ်နံမည် (အောင်သာငယ်)

(atn)

အောင်သာငယ်နှင့် သူ၏ အပိုင်းအစများ (၁)

 January 13, 2014 at 8:16pm

ကျုပ် ငယ်ဘ၀ဟာ... သာမန်ကလေးတွေလို... အဖေအမေ လက်ပေါ်မယ် ကြီးပြင်းလာခဲ့ရတာ မဟုတ်ဘူး... အမေ့ဖက်က အဖိုးအဖွားနဲ့ အမေ့ မောင်တွေ ညီမတွေလက်ပေါ် ကြီးပြင်းလာခဲ့ရတာ... ပြောရရင် အမိမဲ့သား ရေနည်းငါး-လို့ ပြောရမလားပဲ... ဒါပေသည့်... သူတို့တွေကပဲ ကျုပ်ကို အောင်သာငယ်-ဖြစ်လာအောင် ထုဆစ်ပေးခဲ့တဲ့သူတွေပါပဲ-လို့ ကျုပ် ကျေးဇူးတင် အသိအမှတ်ပြု ၀န်ခံပါတယ်... သူတို့ရဲ့ ကျေးဇူးတွေ ကျုပ်အပေါ်မယ် အများကြီး ရှိတယ်...

ကျုပ်အဖေက စစ်အာဏာရှင်စနစ်ကို ဆန့်ကျင်ဖို့ သူယုံကြည်ရာ လက်နက်ကိုင်တိုက်ပွဲထဲကို ၀င်ရောက်သွားတဲ့အခါ... အမေ့ခမျာလည်း အဖေ့အတွက် ပါရမီဖြည့်ရတော့တာပဲ... မဟုတ်ဘူးလား... သည်တော့ နောက်ဆက်တွဲ အကျိုးဆက်တွေကတော့... စစ်ထောက်လှမ်းရေးတွေရဲ့ ဖမ်းဆီးခြင်းကို အမေ ခံရတော့တာပါပဲ... သည့်နောက်မတော့ နံမည်ကျော် ရေကြည်အိုင်-နှိပ်စက်ညှဉ်းပမ်းရေးစခန်းထဲ အမေ ရောက်တော့တာပေါ့... သည်လိုနဲ့ ကျုပ်တို့ ညီအကို နှစ်ယောက်လည်း မျက်စေ့သူငယ် နားသူငယ်နဲ့ အဖိုးအဖွားတွေ လက်ထဲ ကျန်ခဲ့ရတာ...

အင်း... အဲ့အကြောင်းတွေ ထားလိုက်ပါတော့.... ခု ကျုပ်ပြောချင်နေတာကတော့... ရှေ့လာမယ့် မတ်လ ၁၇ ရက်ဆို ကျုပ် အသက် ၅၀ ပြည့်ပြီ... ကျုပ်ဟာ လူငယ်လေး တယောက် မဟုတ်တော့ဘူး... ဒါပေသည့် ကျုပ်ကိုယ်ကျုပ်ကတော့ လူအိုကြီးတယောက် အဖိုးကြီးတယောက်လို့ ခုချိန်ထိကို မစဉ်းစားမိသေးဘူး... ဒါပေသည့် ခက်တာက ကျုပ်ရဲ့ ကိုယ်လက် အင်္ဂါတွေကတော့ ပြောနေပြီ...

ကျုပ် ခုနေနေရတဲ့ အမေရိကမှာ ရာသီဥတုမျိုးစုံရှိတဲ့အထဲမယ်... ကျုပ်အခုနေနေတဲ့ အော်ရီဂွန်ပြည်နယ်ဟာ ကနေဒါ-အလားစကားနဲ့ ကပ်နေတဲ့ပြည်နယ်... ရာသီဥတု-ဆိုးတယ်... အရမ်းအေးတယ်... ၉ လလောက်က မိုးရွာပြီး အမြဲလို အေးနေတတ်တာ... ဆိုတော့... တခါတခါ အရမ်းအေးလာပြီဆို ကျုပ် အဆစ်အမြစ်တွေ ကိုက်လာရောပဲ... အထူးသဖြင့် ခြေချောင်းလက်ချောင်းလေးတွေ ကိုက်လာတယ်... ဘာကြောင့်လဲ... ကျုပ်မသိဘူး... ဒါပေသည့် သာမန်လူငယ်တွေလို မဟုတ်တော့လို့ ကိုက်လာမှန်းတော့သိတယ်...

ဇရာ- ဆိုတာကို မလိုချင်လည်း အချိန်ကာလတခုရောက်တော့ လူတွေ လက်ခံကြရတာပဲ... ဒါက အချိန်ကာလတွေနဲ့ဆိုင်တယ်လေ... ကျုပ်ကသာ ဇရာ-ဆိုတာကို မေ့လျော့ထားခြင်းနဲ့ ရှောင်လွှဲလို့ ရမလားဆိုပြီး ကြိုးစားနေတဲ့ ဇရာအိုကြီးတယောက်ဖြစ်မယ်... တကယ့်တကယ်ကတော့ စိတ်ကသာ မအိုသေးတာဖြစ်နိုင်တယ်... ခန္ဓာကိုယ်က အိုပြီလေ... စိတ်တခုတည်းနဲ့ ခန္ဓွာကို သယ်လို့မရဘူး... ခန္ဓာအိုကသာ စိတ်အပျိုလေးကို သယ်နေရတာဖြစ်မယ်...

တခါတခါ ကျုပ်အလုပ်ကနေ တနေကုန် မတ်တပ်ရပ်ပြီး... ပြန်လာတော့ ... အိမ်ရောက်တော့ ကျုပ် ကွန်ပြူတာစားပွဲမယ် ထိုင်မယ် လုပ်တော့.... ကျုပ် ဒူးတွေ နာတယ်... ချက်ချင်း မထိုင်နိုင်ဘူး... အဲ့သည်တော့မှ အဖွားနဲ့အဖိုးကို သတိရသွားတယ်... ဘာလို့လဲ-ဆိုတော့ ကျုပ်ကလေးဘ၀မယ်... အဖိုးနဲ့အဖွားနဲ့ပဲ အနီးကပ်ဆုံး အတူနေခဲ့ရတာလေ... အမေ့ မောင်... ကျုပ်ဦးလေးကလည်း အချိန်တန် အလုပ်သွားပြီ... ကျုပ် အဒေါ်နှစ်ယောက်ဖြစ်တဲ့ အမေ့ ညီမ နှစ်ယောက်ကလည်း အဲ့သည်အချိန်က အပျိုပေါက်တွေ... အထက်တန်းကျောင်း တက်နေကြတုန်း... တချိန်လုံး ကျုပ်တို့နဲ့ ရှိနေတာက အဖိုးနဲ့ အဖွား... ကျုပ် သေချာ မသိတာက အဲ့သည့်အချိန်မယ် အဖိုးနဲ့ အဖွားက အသက် ဘယ်နှစ်နှစ် ရှိနေပလဲ ဆိုတာပဲ... ကျိမ်းသေတာတခုကတော့ ၅၀ နဲ့ ၆၀ ကြားပဲ... ဖြစ်မယ်... ထားပါတော့... အဖွားက ထိုင်ခုံကနေ ထတော့ ... တကျွတ်ကျွှတ် အော်ပြီး ထ-ရတော့... ကျုပ် မေးတယ်... (ဖွား... ဘာဖြစ်တာလဲ... အနော် ထိုင်ရာကထရင် ဘာမှ မအော်ရပါလား)-လို့ လျှာရှည်ပြီး မေးမိတော့... အဖွားက... (သား... အဖွားအရွယ်ရောက်ရင် သိမှာပါ...) လို့ပဲ ပြောသွားတယ်...
ကျုပ် ခု အသက် ၅၀ ပြည့်တော့မယ်... သိပ်တော့ မအိုသေးဘူး... ဒါပေသည့်... ဇရာရဲ့ အထုအထောင်းတွေကိုတော့ ခံနေရပြီ-ဆိုတာ ရှင်းပါတယ်...

သို့ပေသည့် ကျုပ် ခုပြောချင်နေတာကတော့... တချို့အရာတွေဟာ မှန်ကန်သလား မမှန်ကန်ဘူးလား-ဆိုတာကိုတော့ အချိန်ပေး စောင့်ကြည့်ရတာဆိုတာကိုပဲ ပြောချင်တာပါ...

ကျုပ်ပြောချင်တဲ့ စကားမှာ ၂၀၁၅-ဆိုတာကို ကျုပ်ကို ဖြည့်စွက်ခွင့်ပေးပါ....

ခင်ဗျားတို့အားလုံး ဒူးနာသွားပြီးပြီ-ဆိုရင်တော့ အောင်သာငယ် ဘာမှ မပြောတော့ပါ...

(atn)