(သည်စာမျက်နှာ ကနေ ပြန်လည် ကူးယူ ဖော်ပြပါတယ်)
အချစ်ဆိုတာ ပိုက်ဆံ၊ အချစ်ဆိုတာ မြေအိုးမြီးရှည်၊ အွန်လိုင်း စာမျက်နှာပေါ် အမြန် ရိုက်ထည့်လိုက်တဲ့ စာသား၊ ဟန်းဖုန်း ကိုင်ချင်တဲ့ ရောဂါ၊ သွယ်ဝိုက် ဖော်ပြသော ပူဆာမှု၊ တနေ့ ဖာလူဒါ တခွက် သောက်ချင်တဲ့ အာသီသ၊ အတွေးအခေါ်ထဲမှာ အမှိုက် မြူမှုန် တစမကျန် ဆေးကြော သန့်စင်ပြီး ဦးနှောက်၊ အချစ်ဆိုတာ လိမ်လည် လှည့်ဖျားမှု၊ အချစ်ဆိုတာ လိပ်စာကတ်ပြား နောက်ကျောက အမည် မသိ ဖုန်းနံပါတ်တွေ၊ ရုပ်ဝတ္ထုနဲ့ အခွင့်အလမ်းနောက် ပြေးလွှားလိုက်ရင်း လမ်းမှာ ပြုတ်ကျ ကျန်ခဲ့တဲ့ ကိုယ်ကျင့် သီလ၊ ကျွန်တော် ကိုယ်တိုင် ရိုက်ပေးထားတဲ့ ဓါတ်ပုံ လှလှလေး အောက်မှာ သူစိမ်း တယောက်နဲ့။
အချစ်ဆိုတာ အပြန်အလှန် မြှူဆွယ် သာယာတဲ့ လူမှု အလေ့အကျင့်၊ အချစ်ဆိုတာ ကိုယ့်ကိုယ်ကို ခုခံ ကာကွယ်တဲ့ ယန္တရား၊ အချစ်ဆိုတာ အခြား တယောက်ရဲ့ ပိုက်ဆံ အိတ်ထဲ တစွန်းတစ လှမ်းမြင် နေရတဲ့ ဘ၀ အာမခံ၊ ဆေးဆိုင် တိုင်းမှာ အလွယ် တကူ ၀ယ်ယူ ရနိုင်တဲ့ ပဋိသန္ဓေ တားမြစ်ဆေး၊ Facebook Profile မှာ အိမ်ထောင်ရေး အခြေအနေမှန်ကို တမင် လျှို့ဝှက် ဖုံးကွယ်ထားခြင်း၊ ကြောင်းကျိုး မခိုင်လုံသော ဆင်ခြေများ၊ အများ မိုးခါးရေ သောက်လို့မှ လိုက် မသောက်ရင် အရူးပဲ ဆိုတဲ့ ယဉ်ကျေးမှု။
ခေတ်ပေါ် စကားလုံးတွေ အဓိပ္ပါယ် ထွေပြား ပြောင်းလဲနေသလို၊ အချစ်ဟာလည်း အဓိပ္ပါယ် အသစ်တွေ ပြောင်းလဲနေပြီ သိရဲ့လား။
အချစ်ဆိုတာ အတိတ်မေ့ ရောဂါ၊ အချစ်ဆိုတာ ဘာသာ စကားကို အလှပဆုံး ဆော့ ကစားခြင်း၊ အချစ်ဆိုတာ တနေ့ သုံးကြိမ် စိတ် အပြောင်းအလဲဖြစ်မှု၊ အိပ်ရာပေါ် ဥပေက္ခာစိတ်နဲ့ ကျောခိုင်း အိပ်စက်ခြင်း၊ အတွင်းခံ ဘောင်းဘီ လှလှ၊ ရင်သား အရွယ်အစားကို အမြင်အာရုံ မှောက်မှားမှု ဖြစ်စေတဲ့ ဘရာစီယာ၊ လျှို့ဝှက်ထားတဲ့ လူမှုရေး ကွန်ရက်များ။
အချစ်ဆိုတာ သွေးသား ပြောင်းလဲမှု၊ အချစ်ဆိုတာ နည်းမျိုးစုံနဲ့ ပြဿနာ လုပ်ခြင်း၊ ကျွန်မ အယူအဆ ကတော့ တညတာနဲ့ တလစာ လဲသင့်ရင် လဲရမှာပဲ၊ ဘယ်လိုပဲ ခွဲခြမ်း စိပ်ဖြာကြည့်ကြည့် နောက်ဆုံး ထွက်လာတဲ့ အဖြေ ပိုက်ဆံ၊ မူလ လက်ဟောင်းထက် အမျိုးအစား ပိုကောင်းတဲ့ ပစ္စည်း အသစ်တွေ ဈေးကွက်မှာ အဆင်သင့်၊ အသိုက် ပျက်တယ် ဆိုတာ ဒီခေတ်ထဲမှာ ဘာမှ မထူးဆန်း။
အချစ်ဆိုတာ ပိုက်ဆံ ရှိရင် ဆယ်ကျော်သက် အပျိုစင်လို ဖြစ်အောင် အချိန်မရွေး Recycle ပြန်လုပ်ပစ်လို့ ရတယ် ဆိုတဲ့ အယူအဆ။
အောင်ရင်ငြိမ်း
No comments:
Post a Comment