Jan 30, 2008

ဖခင်တိုင်းရဲ.ဒုက္ခ


ဒီစာကတော့ ကိုယောရဲ. ဖခင်တယောက်ရဲ.ဒုက္ခကို ဖတ်မိတော့ ရေးချင်စိတ်ပေါ်လာလို. ရေးဖြစ်ခဲ့တာပါ၊

ကျနော့်မှာ သား(၃) ယောက်ရှိပါတယ်၊ အငယ်ဆုံးတယောက်ကတော့ အခု ဇန်န၀ါရီ (၂၃) မှာမှ မွေးတာပါ၊ သူ.ကို မွေးလို.ပဲ ကျနော့်မှာ Vacation (၂) ပတ်ရတာပါ၊ ဒါကြောင်.မို.လည်း ကျနော့် ဘလော့မှာ ပို.စ်အသစ်တွေတင်ဖို. အချိန်ရဖြစ်တာပါ၊



ကျနော့် မိသားစုဘ၀ကို စဖြစ်တဲ့ အချိန်က ၁၉၉၆ ထဲမှာပါ၊ ကျနော့်ဇနီးသည် ကိုယ်ဝန်ရလာတော့ မွေးဖွားမယ့်ရက်ကို ဆရာဝန်က ခန်.မှန်းပေးပါတယ်၊ ၁၉၉၇ သြဂုတ်လ ပထမပတ်နဲ. ဒုတိယပတ်ကြားထဲမှာတဲ့၊ ၁၉၉၇ ဆိုတာ ကျနော်တို.ရဲ့ ရှစ်လေးလုံး အရေးတော်ပုံ (၉)နှစ်မြောက်တဲ့နှစ်ဖြစ်ပါတယ်၊ ကျနော်ကတော့ နောက်သလို ပြောင်သလိုနဲ. - ဟေ့-မွေးချင်းမွေးရင် ရှစ်လေးလုံး ကိုးနှစ်မြောက်မှာ ငါ့သားကိုမွေးမယ်ကွာ-လို. ကြွေးကြော်ခဲ့တယ်၊ တကယ်ကတော့ သား မွေး မှာလား၊ သမီးမွေးမှာလားတောင် မသိပါဘူး၊ ဒီလိုနဲ. သြဂုတ်လ (၈)ရက်နေ. မနက် ဆယ်နာရီခွဲမှာ ကျနော့်ဇနီးသည်က ကျနော့်ကို ဖုန်းဆက်ပြောလာပါတယ်၊ -ပါပါး စနိုး ဗိုက်နာနေပြီ။ မွေးတော့မယ်ထင်တယ်၊ အိမ်ပြန်လာခဲ့၊ - ဒီလိုနဲ. ညနေ (၅) နာရီ (၁၇)မိနစ်မှာ ကျနော့် သားကြီးကို ထိုင်းနိုင်ငံ ဘန်ကောက်မြို.မှာ မွေးဖွားခဲ့ပါတယ်၊ (သူ.ကို မွေးဖွားစဉ်က ဒုက္ခသည် မိသားစု အနေနဲ. ကျနော်နဲ. ကျနော့် ဇနီးသည် ကြုံတွေ.ခဲ့ရတဲ့ အဖြစ်အပျက်တွေကို သပ်သပ်ရေးပါဦးမယ်၊) ကျနော့်ဇနီးသည်က သားကြီးကို -မင်းဆက်အောင်-လို. အမည်ပေးခဲ့ပါတယ်၊ ရှစ်လေးလုံး (၉)နှစ်မြောက်တဲ့နေ.မှာ မွေးလို. ကျနော်တို.ဥက္ကဌ ကိုမိုးသီးဇွန်ကတောင် -ငါတို.တိုက်ပွဲက ရှည်ကြာဦးမယ့်အဓိပ္ပါယ်ပဲလို. ပြောခဲ့ပါသေးတယ်၊

ဒီလိုနဲ. ကျနော့်သားကြီး မင်းဆက်အောင်ဟာ ထိုင်းနိုင်ငံထဲမှာ ကြီးပျင်းခဲ့ရပြီး ၂၀၀၀ ခုနှစ် ဇန်န၀ါရီလမှာ အမေရိကကို အခြေချခွင့်ရခဲ့ပါတယ်၊ ထိုင်းနိုင်ငံမှာရှိနေတုန်းမှာ ထိုင်းစကားတချို.ကို နားလည်နေခဲ့တဲ့ ကျနော့်သားဟာ အမေရိကကိုရောက်တော့ အမေရိကန်စကားကို နားလည်ဖို. ကြိုးစားရပါတော့တယ်၊ အမေရိကကို ကျနော်ရောက်တဲ့အချိန်မှာ သားကို နေ. ကလေးထိန်း (Pre-School) မှာထားပြီး ကျနော်က တပတ် (၆)ရက် အလုပ်သွားလုပ်ရပါတယ်၊ ဒီလိုနဲ. ကျနော့်သားဟာ နေ.စဉ်နဲ.အမျှ အမေရိကန်စကားကို ကြားနေခဲ့ရပါတယ်၊ အဖေအမေက ဗမာလိုပြော၊ သူတက်ရတဲ့ ကျောင်းက အမေရိကန်လိုပြော။ သူနားလည်ကြားနာဖူးတာက ထိုင်းစကား၊ အဲဒီလိုရှုပ်ထွေးနေတဲ့ ဘာသာစကား ပဋိပက္ခထဲမှာ သူ.ဖာသာသူလျှာတွေ.သွားတာကတော့ အမေရိကန် စကားပါပဲ၊ ဒါကတော့ ကျနော့် စိတ်ဆန္ဒလည်း မပါပါဘူး။

အိမ်မှာ ကျနော့်သားကို ကျနော်က ဗမာလိုပြော။ သူက ကျနော့်ကို အမေရိကန်လိုပြန်ပြော၊ သူ.ကို ဗမာလိုပြောခိုင်းတဲ့အခါ သူပြောတဲ့ဗမာစကားကို သူ.အမေက ရီ၊ ဒီလိုနဲ. ကျနော့်သားဟာ ဗမာလို အပြောနည်းသွားခဲ့တယ်၊ ကျနော်ကလည်း စားဝတ်နေရေးအတွက် အလုပ်တွေ အချိန်ပြည့် လုပ်နေရတဲ့အခါ သားကို ဗမာလို သင်မပေးနိုင်ခဲ့ဘူး၊ ဒီလိုနဲ.ပဲ ဗမာပြည်သား မိသားစုက မွေးခဲ့တဲ့ ဗမာကလေးတယောက်ဟာ ဗမာစကားပြောဖို. အရမ်းခက်ခဲနေတော့ရဲ.၊ တွေးမိတိုင်း ရင်ထဲမှာ တစစ်စစ် နာကျင်ကိုက်ခဲတယ်၊

တခါတလေ အချိန်ရတဲ့အခါ သားကို ကျနော်က ပြောပြတယ် - သား မင်းဟာ ဗမာ။ မင်းဗမာ စကား ပြောတတ်ရမယ်၊ သူက ပြန်ပြောပါတယ် - I want to but Moemoe laugh at me whenever I speak in Burmese. That's why I don't want to speak Burmese. ကျနော်က သူ.ကိုရှင်းပြရတယ်၊ Hey! Don't take it like that, 'cause it is really very cute when you speak in Burmese and you have an accent. That is why your mom laugh at you and it is not really to be upset.

ဒါပေမယ့် ကျိန်းသေတာ တခုက ကျနော်တို.သားအဖနှစ်ယောက်ရဲ. ဆက်ဆံရေးမှာ ဘာသာစကားနှစ်ခုက ခြားနားခဲ့တာ ဘယ်လိုမှ ငြင်းလို. မရနိုင်တော့ပါဘူး၊ အခါအခွင့်သင့်တယ်လို.ထင်တိုင်း ကျနော်တို.ရဲ.သမိုင်းကို သားကြီးနားလည်အောင် ကြိုးစားခဲ့တာ အခါခါ။ သူနားလည်သမျှကတော့ ဗမာစစ်တပ်၊ ဗမာအစိုးရ မကောင်းဘူး၊ သူ.အဖိုးနဲ.သူ.အဖွားကို ထောင်ချတယ်၊ သူ.ဦးလေးကို ထောင်ချတယ်၊ မိသားစုတွေကို တကွဲ တပြားဖြစ်အောင်လုပ်တယ်၊ ဒါကလွဲလို. အမေရိက သမိုင်းထက် ထူးခြားတယ်လို. မထင်ပေဘူး၊

တခါခါ အမေရိကန် ပြည်တွင်းစစ်အကြောင်း၊ ကမ္ဘာစစ်အကြောင်း၊ သူ.ကျောင်းစာမှာ ပါလာတုန်း ကြုံကြိုက်တုန်း ဗမာပြည် ပြည်တွင်းစစ်အကြောင်း သူ.နားထဲ ကျနော် ထောင်းထည့်ခဲ့ဖူးတယ်၊ ဒါပေမယ့် သူ.အမေးတွေမှာ ကျနော့်မှာ ဖြေစရာမရှိ၊ ဝေဒနာအတိ၊ - ဘယ်သူက ပြည်တွင်းစစ်ကို စတာလဲ၊ ဘာ့ကြောင့်ပြည်တွင်းစစ်က ဖြစ်တာလဲ၊ ပါပါးက ဘာကြောင့် ပြည်တွင်းစစ်ထဲ ၀င်ပါတာလဲ၊

ပြဿနာက သူ.မေးခွန်းအကုန်လုံးကို သူ နားလည်အောင် ကျနော်က မရှင်းပြနိုင်ဘူး၊
အထူးသဖြင့် အမေရိကန်လိုပေါ့၊ ဗမာလိုတော့ ရည်ရည်လည်လည် ကျနော်ရှင်းပြနိုင်တာပေါ့၊
ကျနော်က ဗမာလေ၊

1 comment:

ရွာသားလေး said...

အစ်ကို ကျနော်က အငှားခံစားရတာဆိုတော့ အစ်ကိုတို့လောက်တော့ မပြင်းထန်ကောင်းဘူးထင်ပါတယ်။ အခြေအနေအရ အဝေးမှာနေရတဲ့ တစ်ချို့မိဘတွေနဲ့သားသမီးတွေကြားမှာ ဒီဘာသာစကား ပြသနာနဲ့ ကြုံတွေ့နေကြထင်ပါရဲ့။ စိတ်မကောင်းဖြစ်ရပါတယ်။ ဘယ်သူ့ကိုမှလည်း ယိုးမယ်မဖွဲ့ချင်တော့ပါဘူး။ အားလုံးစိတ်ချမ်းသာ ရွှင်လန်းကြဖို့သာ ဆုတောင်းပါတယ်။ ရွှေပြည်တော်ရယ်မျှော်လေတိုင်းဝေးသနဲ့