Dec 9, 2009

မျိုးဆက်ကွာဟမှု

အခုတလော သူ့ ဖခင်ဖြစ်သူကို သတိရနေမိသည်။ ဖခင်ကရော သူ့ကို သတိရနေမည်လား။ သူ မသိပါ။ သူသိသည်က သူ့ဖခင်သည် သူ့လိုသိပ် နူးနူးညံ့ညံ့ မဟုတ်ခြင်းပင်။ စကားပြောလျှင် ခပ်ကျယ်ကျယ်၊ ခပ်ပြတ်ပြတ် ပြောလေ့ရှိသူ။ လုပ်စရာရှိသမျှကိုလည်း တရစပ် လုပ်နေတတ်သူ။ လုပ်စရာ မရှိလျှင်လည်း စာတခုခု ဖတ်နေတတ်သူ။ စည်းကမ်းကလည်း အလွန်တရာကြီးသူလည်း ဖြစ်သည်။

သူမှတ်မိနေသေးသည့် အဖြစ်အပျက် တခု ရှိသည်။ သင်္ကြန်တခုတွင် ဖြစ်သည်။ သူတို့ ညီအကိုက ဖွားအေဖြစ်သူ အိမ်တွင် ရေသွားကစားကြသည်။ ဖခင်က ညနေ ၆ နာရီ နောက်ဆုံးထားပြီး အိမ်ပြန်လာရန် အကိုကြီးကို မှာလိုက်သည်။ သို့သော်လည်း အဖွားက ညနေစာ စားပြီးမှ ပြန်ခိုင်းသဖြင့် ညနေ ၆ နာရီ ကျော်သွားသည်။ ည ၇ နာရီလောက်မှာတော့ ဖခင်သည် အဖွားအိမ်သို့ ပေါက်ချလာသည်။ အကိုကြီးအပေါ် ဒေါသူပုန်ထနေတော့သည်။ သူကတော့ အငယ်မို့ အရိုက်မခံလိုက်ရသော်လည်း အကိုကြီးကတော့ စည်းနဲ့ကမ်းနဲ့ ပြန်လာရန် မှာထားသည်ကို မလိုက်နာသဖြင့် အဆော် ခံလိုက်ရသည်။ အကိုကြီးကလည်း သည်ကိစ္စကို မကျေနပ်ပါ။ သည်လိုနဲ့ သည်အဖြစ်အပျက်မှ စတင်ပြီး အကိုကြီးနှင့် ဖခင်အကြား ကွဲလွဲမှုတွေက များလာသည်။ သူကတော့ ဗုဒ္ဓဘာသာ အဆုံးအမအတိုင်း အနန္တောအနန္တငါးပါးထဲ ပါနေသည့် ဖခင် ပြောသမျှ လိုက်နာခဲ့သည်ချည်း။ အကိုကြီးနဲ့ ဖခင်ကတော့ ကြာလေ နားလည်မှု လွဲလေ ဖြစ်နေတော့သည်။

ဥပမာ- ဖခင်ဖြစ်သူ လုပ်နေသော နိုင်ငံရေးကိစ္စများကို အကိုကြီးဖြစ်သူက သဘောမကျ။ ဖခင်သည် မိသားစု အရေးကို ဦးစား မပေးပဲ နိုင်ငံရေး အလုပ်ကိုသာ အဓိက လုပ်နေသည်၊ သည့်အတွက်ကြောင့် မိသားစုမှာ ဆင်းရဲချို့ငဲ့နေရသည်-ဟု ထိုစဉ်က အကိုကြီးက နားလည်ယူဆနေသည်။

သည်အဖြစ်အပျက်များကို ပြန်တွေးမိရင်း မျိုးဆက်ကွာဟမှု (Generation Gap) ဆိုသည်ကို သူ စဉ်းစားနေမိသည်။

ယေဘုယျအားဖြင့် မျိုးဆက်တခုကို မိဘနှင့် သားသမီး အနေဖြင့် သတ်မှတ်ကြသည်။ မိဘသည် ပထမမျိုး ဆက်ဖြစ်ပြီး သားသမီးတို့သည် နောက်မျိုးဆက်သစ်ဖြစ်သည်။ ဒုတိယ မျိုးဆက်ဖြစ်သည်။ သားသမီးတို့မှ မွေးဖွားလာကြသော မြေးများသည် တတိယ မျိုးဆက် ဖြစ်မည်။ အကြမ်းဖြင်းအားဖြင့် အနှစ် ၂၀-၂၅ နှစ် သည် မျိုးဆက်တခုနှင့် တခုအကြား အချိန်ကလ အကွာအဝေးဖြစ်သည်။

ဤလောကကြီးတွင် အသစ်နှင့် အဟောင်းသည် ရှိခဲ့သည်၊ ရှိနေသည်၊ ရှိနေလိမ့်ဦးမည်။ ခေတ်ဟောင်း စနစ်ဟောင်းနှင့် ခေတ်သစ် စနစ်သစ်သည်လည်း ရှိနေခဲ့သည်၊ ရှိနေသည်၊ ရှိနေလိမ့်ဦးမည်။ မျိုးဆက်သစ်နှင့် မျိုးဆက်ဟောင်းသည်လည်း ထိုသို့ပင် ဖြစ်ပေသည်။

သည်အခါ မျိုးဆက်သစ်နှင့် မျိုးဆက်ဟောင်း ဟူသည့် မတူညီသော မျိုးဆက်များ အကြား ကြည့်မြင် ယူဆပုံ မတူညီခြင်း၊ အပြန်အလှန် နားလည်မှု ကင်းမဲ့လာစေသည့် မတူညီသော သဘောထားများ ရှိခြင်း၊ ဘ၀ စံထားမှု မတူညီခြင်း၊ နေထိုင်မှု ပုံသဏ္ဍာန် ကွဲပြားလာခြင်းနှင့် အပြန်အလှန် တန်ဖိုးထားမှုများ ကင်းမဲ့လာခြင်း-တို့ ဖြစ်ပေါ်လာသည့်အခါ မျိုးဆက်ကွာဟမှု (Generation Gap) ရှိနေသည်-ဟု ပြောဆိုကြပေသည်။ ထိုအခါ လူငယ်များနှင့် ၄င်းတို့၏မိဘများ (သို့မဟုတ် - အရှေ့ မျိုးဆက်များ) အကြား (မလိုလားအပ်စွာ ကံမကောင်း အကြောင်းမလှစွာ) အယူအဆ ၂ မျိုး၊ အမြင် ၂ မျိုး၊ အခြေအနေ ၂ မျိုး ဖြစ်နေလေတော့သည်။

မျိုးဆက်တခုကို ထိုမျိုးဆက်နောက်မှ ပေါ်ပေါက်လာသည့် မျိုးဆက် အသစ်တခုမှ ကွဲပြားသွားစေအောင် ခွဲခြားလိုက်သည့် နှစ်ကာလများသည် အရေးပါလေသည်။၊ အထူးသဖြင့် ထို နှစ်ကာလများက ထိုမျိုးဆက် ၂ ခု အကြားတွင် နားလည်မှု မရှိခြင်း၊ အမြင်ကွဲပြားခြင်းတို့ကို ကိုယ်စားပြုနေသည်။

သည်နေရာတွင် ကွာဟမှု (Gap) ဆိုသည်မှာ အလွန်ကျယ်ပြန့်သည့် အချက်အလက်များ ပါဝင်သည်-ဟု သူ စဉ်းစားမိသည်။ အဓိကကျသည့် ကြည့်မြင် ယူဆပုံ မတူညီခြင်း၊ ကွဲပြားသော သဘောထားများ ရှိခြင်း၊ ဘ၀အပေါ် စံထားမှုများ မတူညီခြင်း၊ နေထိုင်မှု ပုံသဏ္ဍာန် ကွဲပြားခြင်း၊ အပြန်အလှန် တန်ဖိုးထားမှုများ ကင်းမဲ့ခြင်းတို့မှာ အဓိက ကျသော်လည်း ကျန် အချက်အလက်များ ဖြစ်သည့် ထိုမျိုးဆက်များ ရှင်သန်ကြီးပြင်းလာရသည့် ပတ်ဝန်းကျင် ရေမြေအခြေအနေ၊ နိုင်ငံရေး အနေအထား၊ စီးပွားရေး၊ လူမှုရေး၊ ဘာသာရေးနှင့် ယဉ်ကျေးမှု အဆောက်အအုံများ၏ လွှမ်းမိုးမှု တို့ကိုလည်း ထည့်သွင်းစဉ်းစားရမည်-ဟု သူ တွေးထင်မိသည်။

လူတဦးစီအပေါ် အတွေးအခေါ်အရ လွှမ်းမိုးမှုသည် အရေးကြီးသည်။ မည်သူမဆို မိမိကိုယ်တိုင် သိသည်ဖြစ်စေ မသိသည်ဖြစ်စေ အတွေးအခေါ်တခုခုကိုတော့ ကိုင်စွဲ ကြီးပြင်းလာကြသည်ချည်း ဖြစ်သည်။ ထို အတွေးအခေါ်ကို မိုင်ထောင်ချီဝေးသောအရပ်မှ ရရှိခဲ့ခြင်း မဟုတ်ပါ။ ထိုလူတဦး ရှင်သန်ကြီးပြင်းလာရာ ပတ်ဝန်းကျင်က ပေးလိုက်ခြင်းသာဖြစ်ပါသည်။ ထိုအခါ အထက်တွင် သူ စဉ်းစားမိသော ကျန် အချက်အလက်များ၏ လွှမ်းမိုးမှုက ထိုလူတယောက်ကို အတွေးအခေါ်တခုကို ကိုင်စွဲလိုက်စေသည်၊ လားရာတခုသို့ ဦးတည်သွားစေသည်-ဟု သူ ယူဆသည်။

သည်အခါ ယေဘုယျပြောရလျှင် မျိုးဆက် တမျိုးဆက်တည်းဖြစ်လျှင် အတွေးအခေါ်အရ ကွာဟမှုက သိပ်မရှိကြ၊ မျိုးဆက်တူများသည် အချိန်ကာလတခုကို အတူတူ ဖြတ်သန်းလာရသဖြင့် ပတ်ဝန်းကျင် ရေမြေအခြေအနေ၊ နိုင်ငံရေး အနေအထား၊ စီးပွားရေး၊ လူမှုရေး၊ ဘာသာရေးနှင့် ယဉ်ကျေးမှု အဆောက်အအုံများ၏ လွှမ်းမိုးမှုကို အတူတကွ ခံစားကြရသည့်အတွက် ကွဲလွဲမှု များများ စားစား မရှိ။

သိုသော်လည်း မျိုးဆက် မတူသည့်အခါ ကွဲလွဲမှုများက အလို အလျောက်ကို ရှိလာတော့သည်။ မတူညီသည့် အချိန်ကာလကို ဖြတ်သန်းလာရသဖြင့် နေ့စဉ်နေထိုင်မှု ဘ၀မှာပင် မျိုးဆက်ဟောင်းများ မကြုံတွေ့ရသည်များကို မျိုးဆက်သစ်များက ကြုံတွေ့ရသည်။ သည်အခါ မတူညီသော အတွေ့အကြုံများက မတူညီသော အမြင်များကို မွေးထုတ်ပေးလိုက်တော့သည်။ ပြဿနာ တရပ်ကို ရှုမြင်ကြသည့်အခါ မျိုးဆက်ဟောင်းနှင့် မျိုးဆက်သစ်အကြားတွင် ကွဲလွဲမှုများ ရှိလာသည်။ သို့သော်လည်း ဤအခြေအနေသည် သဘာဝကျစွာ ဖြစ်ပေါ်လာခြင်းသာ ဖြစ်သည်။ ဤအခြေအနေသည် မျိုးဆက်ကွာဟမှု (Generation Gap) ကို မဖြစ်စေသေး။

သို့သော်လည်း ဤအခြေအနေမှတဆင့် တက်ပြီး နယ်ပယ်အားလုံးတွင် မျိုးဆက်များ အကြား အပြန်အလှန် နားလည်မှုများ ကျယ်ပြန့်စွာ ကင်းမဲ့လာသည့် အခြေအနေသို့ ရောက်လာပြီဆိုလျှင်မူ မျိုးဆက်ကွာဟမှု ရှိနေပြီ-ဟု အတိအကျ ဆိုနိုင်ပါမည်။

သူ စဉ်းစားမိနေသည်က အမိဗမာပြည်မှာလည်း မျိုးဆက်ကွာဟမှု ရှိနေပြီလား။
အမိဗမာပြည်မှာ မျိုးဆက်ကွာဟမှု ရှိမရှိကို မည်သို့ တိုင်းတာမည်နည်း။

ဆိုပါစို့- ၁၉၇၄ ဦးသန့်အရေးတော်ပုံတွင် ပါဝင်ခဲ့ကြသော ကျောင်းသားများနှင့် ၁၉၉၆ ခုနှစ် ကျောင်းသားလှုပ်ရှာမှုတွင် ပါဝင်ခဲ့သော ကျောင်းသားများ အကြားတွင် ၂၂ နှစ်-ဟူသော အချိန်ကာလ ကွာခြားချက် ရှိသည်။ မျိုးဆက်တခု၏ ယေဘုယျ သတ်မှတ်ချက်အရ ထို မျိုးဆက် ၂ ခုကို မျိုးဆက်ဟောင်းနှင့် မျိုးဆက်သစ်အဖြစ် သတ်မှတ်နိုင်သည်။ ထိုမျိုးဆက် ၂ ခု အကြားမှာ မျိုးဆက်ကွာဟမှု ရှိခဲ့ပါသလား။ ထိုမျိုးဆက် ၂ ခုလုံးသည် စစ်အာဏာရှင်စနစ်ကို ဆန့်ကျင်ခဲ့ကြသည်၊ ဒီမိုကရေစီရေးအတွက် စွန့်လွှတ် တိုက်ပွဲဝင်ခဲ့ကြသည်။ မတရားမှုကို လက်ပိုက် ကြည့်မနေခဲ့ကြ၊ မတရားမှန်းသိလျက် ခေါင်းငုံ့မခံခဲ့ကြ၊ သည်သို့ ဆိုလျှင် ထို မျိုးဆက် ၂ ခုမှာ နိုင်ငံရေးအရ မျိုးဆက်ကွာဟမှု မရှိ-ဟု သူထင်သည်။ ကျန်သည့် ကွာဟမှုများတော့ ရှိနိုင်လေသည်ပေါ့။ ဥပမာ- ကြိုက်နှစ်သက်ကြသော ဂီတပုံစံ၊ အ၀တ်အစား ၀တ်ဆင်ပုံ- စသည်ဖြင့်။

ထို့အတူ ၁၉၆၂ ခုနှစ် မျိုးဆက်များ၊ ၈၈ မျိုးဆက်များ- စသည်ဖြင့် သူ ဆက်စပ် စဉ်းစားနေမိသည်။ သူ့အနေဖြင့်တော့ အမိဗမာပြည်မှာ နိုင်ငံရေးအရ မျိုးဆက်ကွာဟမှု ရှိသည်-ဟု မထင်ပါ။ အဘယ်ကြောင့်ဆိုသော် အမိဗမာပြည်၏ နိုင်ငံရေး ၀န်ရိုးကြီးကို တလျှောက်လုံး တွန်းလှည့်လာခဲ့သည့် ကျောင်းသားထုကြီးသည် မျိုးဆက်တခုပြီးတခု ပြောင်းခဲ့သော်လည်း တလက်တည်းသော တိုက်ပွဲဝင် ခွပ်ဒေါင်းအလံကို လက်ဆင့်ကမ်း သယ်ဆောင်လာနေခဲ့သည်မှာ ယနေ့အထိပင် မဟုတ်လား။

(အောင်သာငယ်)

23 comments:

တောင်ပေါ်သား said...

ကိုကြီးရေ ဖတ်ပြီး ပိုစ့်တခုကို သတိတရ ရှိလို့ တွေးပြီး ပြုံးသွားတယ်ဗျား)


လေးစားလျက်
တောင်ပေါ်သား

Anonymous said...

Good post at the right time. I do believe that too " အမိဗမာပြည်မှာ နိုင်ငံရေးအရ မျိုးဆက်ကွာဟမှု ရှိသည်-ဟု မထင်ပါ။ "

မောင်မိုး said...

အစ်ကိုရေ...
ပို့စ်ကို သေချာဖတ်ဖြစ်ပါတယ်။ မျိုးဆက်ကွာဟမှုဟာ အများကြီး ရှိနေပါတယ်။
ဒါပေမဲ့ စစ်အာဏာရှင်ကို မကြိုက်တာ၊ ယနေ့အချိန်ထိ တွန်းလှန်နေကြတာကတော့ ကွာဟမှုမရှိသေးတာ ထူးဆန်းတယ်။ ကျွန်တော့်အထင်ကတော့ နောင်လာမယ့် မျိုးဆက်တွေက ဒီအပိုင်းမှာ ပိုပြီးပြင်းထန်လာလိမ့်မယ်။ ပိုပြီးဆန့်ကျင်လာကြလိမ့်မယ်။

Anonymous said...

Good post. .

Anonymous said...

အကို့ဆီကနေ ဒီလိုပို့စ်မျိုး ဖတ်ရလိမ့်ဦးမယ်လို့
မျှော်လင့်မိခဲ့သေးတယ်... အခုနောက်ပိုင်း ကြားနေရတဲ့
စကားလုံးတွေက မျိုးဆက်ကွာဟမှု နဲ့ အပြုသဘောဆောင်ခြင်း... အဲ စကားလုံးတွေ မကြားချင်တော့ တာ အမှန်ဘဲ...
အကြားချင်ဆုံး က ထောင်ထဲ ရောက်နေတဲ့
နိုင်ငံရေး အကျဉ်းကျနေသူတွေ အားလုံး လွှတ်လိုက်ခြင်း ....

Anonymous said...

အပေါ်မှာ ရေးခဲ့တာာ ကျမပါ..ကိုအောင်သာ..

mie nge

Nge Naing said...

၇၄ နဲ့ ၉၆ ကွာတာကိုတော့ သွားမပြောနဲ့ ပြည်ချစ်ခေတ်က တော်လှန်ရေးလုပ်ခဲ့တယ်လို့ ပြောတဲ့သူတွေကို ကျွန်မ တောထဲမှာတုန်းက တော်လှန်ရေးပြီးအောင် မလုပ်ခဲ့တဲ့ ပြည်ပြေးတွေဆိုပြီး ကျွန်မ လုံးဝကြည့်လို့မရဘူး သူတို့လုပ်ခဲ့တယ်ဆိုတာကို အထင်လည်း မကြီးခဲ့ဖူးဘူး အခုတော့ နောက်လူတွေအတွက် သူတို့နေရာကို ကိုယ်တိုင်ရောက်နေပြီ။

P.Ti said...

မျိုးဆက်တွေကွာလာလို့ ဘ၀မှာစံထားရတာတွေ ကွဲပြားခြားနာလာတာကတော့ အမှန်ပဲ။

ကျောင်းသားတွေရဲ့ မျိုးဆက်တိုင်းမှာ ခြားနားချက်တွေရှိပေမယ့် မတရားမှုတွေကို လက်မခံဘူးဆိုတဲ့ စိတ်ဓာတ်ကတော့ ခြားနားမှုမရှိသေးဘူး။ နောက်ပြီး အာဏာရှင်အစိုးရဆိုတာကလည်း မပြောင်းလဲသေးဘူး။

အဲဒါတွေကြောင့် ခွပ်ဒေါင်းအလံကို လက်ဆင့်ကမ်းသယ်နေရတာ လို့ထင်တယ်။

တချို့ဟာတွေက လူအများထက် တစ်ယောက်ချင်း ခံစားချက်ကြောင့် ကိုယ်တိုင်ဆွဲထုတ်လိုက်တဲ့ General Gap တွေပါ။

mysterysnow said...

ွGeneration Gap ဆိုတာတွေထက် ခေတ်ရေစီးကြောင်းတိုက်စားမှုကြောင့် လူကြီးနဲ့လူငယ် အတွေးအခေါ်တွေ ကွာခြားသွားတယ်လို့ထင်မိပါတယ်...

တိုးတက်မှုတွေကို ခံစားသိမြင်နေတဲ့လူငယ်တွေက လူကြီးတွေထက် ပိုပြီး ဖြန့်ကျက်စဉ်းစားတတ်လာကြတယ် လို့လဲထင်မိပါတယ်...

နောက်တစ်ခုကတော့ မျိုးချစ်စိတ် နိုင်ငံချစ်စိတ်
အမိမြေကို တိုးတက်စေချင်တဲ့ စိတ်
ဒါကတော့ ဘယ်တုန်းကမှ ဘယ်သူမှရိုက်ချိုးလို့မရတဲ့ မြန်မာ့မျိုးဆက်သစ် လူငယ်တွေရဲ့ စိတ်ဓါတ်ပါ....

နိုင်ငံရေးအတွက် ဘဝကို စွန့်ခဲ့သူ စွန့်ဝံ့သူတွေရဲ့
စိတ်ဓါတ်တွေကတော့ အားလုံး အတူတူပါပဲ...

အသက်ကြီးတာနဲ့ ငယ်တာပဲကွာသွားခဲ့တာပါ...
လျှောက်ခဲ့တဲ့လမ်းကြောင်းတွေက တစ်ခုတည်းပဲလေ...
ဦးတည်ခဲ့တဲ့ ပန်းတိုင်ကလဲ တစ်ခုတည်းဆိုတော့...

ဒီနေရာမှာ Gap မရှိဘူးလို့ ထင်မိပါတယ်...

နှင်း

လင်းဒီပ said...

အစ်ကို Gap ဆိုတာ ကျွန်တော် လက်မခံပါ ။

တရားမျှတမှု အမှန်တရား အဆိုးအကောင်း ခွဲခြားနိုင်စွမ်းမှာ လူနှင့်ပင် ဆိုင်ပါသည် ။

ဒေါက်တာသန်းထွန်း စကားလေးပဲ ထပ်ရွတ်ချင်ပါသည် ။
သမိုင်းသင်တာ မ “အ” အောင်လို့ပါ ။
“အ”နေသေးသည် ဆိုပါလျှင်...။

Ko Paw said...

ဓမ္မနှင့် အဓမ္မ။

တရားခြင်းနှင့် မတရားခြင်း။

လွတ်လပ်ခြင်းနှင့် ဖိနှိပ်ခံရခြင်း။

ဘယ်အရာကို ရွေးချယ်မလဲ ဆိုတဲ့ ရွေးချယ်ခွင့်ပဲရှိတယ်။ အဲဒီဘက်နှစ်ဖက်ကနေ သီးခြားကင်းလွတ်ပြီး မဆိုင်သလို နေလို့မရနိုင်ပါဘူး။

မဆိုင်သလို၊ မသိသလို၊ စိတ်မဝင်စားသလို နေတဲ့လူဟာ
(၁) တုံး အ လို့သော်လည်းကောင်း (မောဟဂတိ)
(၂) ကြောက်ရွံ့လို့သော်လည်းကောင်း (ဘယာဂတိ)
(၃) တစုံတယောက်ကို မုန်းလို့သော်လည်းကောင်း (ဒေါသဂတိ)
(၄) တစုံတယောက်မျက်နှာ (သို့) တံစိုးလက်ဆောင်ကို ထောက်ထားငဲ့ညှာလို့သော်လည်းကောင်း (ဆန္ဒာဂတိ)

စတဲ့ အဂတိတရားတခုခုကြောင့်သာ မဆိုင်သလို၊ မသိသလို၊ စိတ်မဝင်စားသလိုနဲ့ တကယ်တမ်းမှာ မရပ်သင့်တဲ့ဖက်မှာ ရပ်မှန်းမသိ ရပ်မိလျက်သား ဖြစ်တတ်ပါတယ်။

အချိန်ကာလတွေသာ ရွေ့လျောသွားခဲ့မယ်။ မျိုးဆက်တွေသာ ပြောင်းသွားခဲ့မယ်။

အဓမ္မတွေကြီးစိုးနေဆဲဆိုရင် ဓမ္မဖက်က မားမားရပ်ပြီး တွန်းလှန်နေသူတွေ ရှိမြဲရှိနေလိမ့်မယ်။

မတရားမှုတွေ ကြီးစိုးနေမယ်ဆိုရင် တရားမျှတမှုအတွက် မားမားရပ်ပြီး တွန်းလှန်နေသူတွေ ရှိမြဲရှိနေလိမ့်မယ်။

ဖိနှိပ်ချုပ်ချယ်မှုတွေရှိနေမယ်ဆိုရင် လွတ်လပ်ခြင်းဖက်က မားမားရပ်ပြီး တွန်းလှန်နေသူတွေ ရှိမြဲရှိနေလိမ့်မယ်။

ဒါကြောင့် လွတ်လပ်ခြင်း၊ တရားမျှတခြင်းတွေနဲ့ ပတ်သက်လာရင် မျိုးဆက်ကွာဟမှုဆိုတာ မရှိနိုင်ဘူး။

Anonymous said...

"ကွာဟမှု (Gap) ဆိုသည်မှာ အလွန်ကျယ်ပြန့်သည့် အချက်အလက်များ ပါဝင်သည်-ဟု သူ စဉ်းစားမိသည်။ "
........................................
................................

အဲဒါကိုပိုလက်ခံတယ်။

လေးစားစွားဖြင့်

ဆြာယော said...

အကို စာတွေဖတ်ရလို့ အမြင် ကျယ်လို့
ကျေးဇူးတင်ပါတယ်။
Gap ကိုတော့မပြောတတ်ဖူး။
ဘယ်ခေတ်မှာ မဆို
လူကြီး နှင့် လူငယ်
တွေးခေါ်မှူ့လေးတော့
အမြဲ ကွာမယ် ထင်ပါတယ်။

tin min htet said...

မျိုးဆက်ကွာဟမှု ရှိတော့ရှိမှာပါပဲ။ တချို့ကလည်း ၁၀ နှစ်ကို မျိုးဆက် တခုလို့ သတ်မှတ်ကြပါတယ်။ ကျွန်တော်နဲ့ ကျွန်တော့်ထက် ၁၀ နှစ် ကြီးတဲ့သူ၊ ကျွန်တော့်ထက် ၁၀ နှစ်ငယ်တဲ့သူ ဖျော်ဖြေရေး မီဒီယာခြင်း၊ နည်းပညာခြင်း၊ လူမှုရေး၊ နိုင်ငံရေး ဝန်းကျင်တွေ လုံးဝခြားနားသွားပါတယ်။ ဒီတော့ ကွာတော့ ကွာမှာပဲ။

ဘဝရပ်တည်မှု ရွေးချယ်ဖို့ကိုတောင် ကျွန်တော် ၁၀ တန်းလောက်ထိက အမှတ်မှီတဲ့ အထဲက ကျောင်းတကျောင်းတက်မယ် ပြီးရင် အစိုးရ အလုပ်တခုဝင်လုပ်မယ် ဆိုတာမျိုးပဲ စိတ်ကူးရှိတယ်။ ခုခေတ်မှာတော့ ရွေးချယ်မှုတွေ ပိုများလာပါတယ်။

ဒါက ကွာဟတဲ့ အပိုင်း။

မကွာတဲ့ အပိုင်းကိုတော့ အကိုပြောသွားပြီးပါပြီ။ သဘောမျှပါတယ်။ ကျွန်တော်ထက် ၁၀ နှစ်ငယ်ပြီး၊ ကျွန်တော့်ထက် လူမှုရေး၊ နိုင်ငံရေး အမြင်ကျယ်သူတွေ၊ အမြင်ပြတ်သူတွေ တွေ့ခဲ့ ခင်ခဲ့ရပါတယ်။ ခေတ်ပေါ် မီဒီယာတွေ ကျေးဇူးနဲ့ အရာရာကို လက်လှမ်းမှီနိုင်တာက အဓိကပေါ့။

tin min htet said...

အချုပ်ပြောရရင် ဖူးပွင့်ပုံ သီးပွင့်ပုံ မတူပေမယ့်၊ အမြစ်တွေ ရောယှက်နေပါတယ်။

ကိုအောင်(ပျူနိုင်ငံ) said...

စာတွေ လာဖတ်တယ် အကိုကြီး၊ ကျနော်လည်း ဒီအကြောင်းကို သိသလောက်ရေးမယ် အကို၊ ခင်မင်လျက် ...
ကိုအောင်

Myo Win Zaw said...

အစ်ကို ဆောင်းပါးကို ဖတ်ကြည့်တာ အွန်သင့်လျော် လိုအပ်တဲ့ ဆောင်းပါးလို့မြင်တယ် မျိုးဆက်ကွာဟမှု သိပ်ရှိလှတယ်တော့ မမြင်မိဘူး တကယ်အရေးကြီးတဲ့ အချိန်မှာ လူငယ်တွေဟာ ကိုယ်ကျရာ တာဝန်ကနေ ၀င်ရောက်ထမ်းဆောင် ကြတာ တွေ့နေကြရတာဘဲ ၂၀၀၇ ခုနှစ်တုန်း ကရယ် နာဂစ်တုန်းကရယ်ကို ကြည့်ရင်သိကြမှာပါ ပေါ်ထွက်လာတဲ့ သူရဲကောင်းတွေအများကြီးပါ နောင်လဲပေါ်လာဦးမှာပါ အစ်ကိုပြောသလို ခွပ်ဒေါင်းအလံတော် ကို လက်ဆင့်ကမ်း နေကြဦးမှာဘဲ
လေးစားစွာဖြင့်

အလွန်အသူ said...

မသိလို့ပါ..ခွပ်ဒေါင်းအလံကိုလက်ဆင့်ကမ်းတယ်ဆိုတော့ အရင် အကိုအောင်သာငယ်တို့ခေတ်က လူတွေက ဆက်လုပ်စရာမလိုတော့ဘူးပေါ့နော်။

ရွှေရတုမှတ်တမ်း said...

အလွန်အသူရာ..အပဲအ နိုင်လွန်းတယ်
ဗိုလ်ချုပ်အောင်ဆန်းတို့ လူငယ်တွေ ရှေ့ကိုရောက်လာတော့ သခင်ကိုယ်တော်မှိုင်းတို့လိုလူကြီးတွေကဘာပြောတယ်ထင်သလဲ..မင်းတို့လူငယ်တွေကို ဒို့လူကြီးတွေက ထီးကိုင် ဖိနပ်ကိုင်ဝန်းရံပေးမယ်လို့ပြောခဲ့တာ..အခု လူငယ်တွေကိုလက်ဆင့်ကမ်းတဲ့ ခွပ်ဒေါင်းအလံကို ဒို့လူကြီးတွေကဝန်းရံဖို့အသင့်ပဲ..သမိုင်းဆိုတာ မ အ အောင် သင်ခိုင်းထားတာ..ကိုယ့်ပြည်သမိုင်းမှ ကိုယ်မသိရင် မြက်စားတဲ့အဆင့်ကဘယ်တော့မှမလွတ်မြောက်နိုင်ဘူး

Anonymous said...

"အခု လူငယ်တွေကိုလက်ဆင့်ကမ်းတဲ့ ခွပ်ဒေါင်းအလံကို ဒို့လူကြီးတွေကဝန်းရံဖို့အသင့်ပဲ"

အဲတာ သခင်ကိုယ်တော်မှိုင်းလေ။ ခုများ ငါသိ ငါတတ်တွေကြီးပဲ များလားလို့။ ((majority online ကဟာများကို ဆိုလိုပါတယ်။))

ဝေလင်း said...

မျိုးစက်တစ်ခုနဲ့ တစ်ခုကြား ကွာဟချက်ဆိုတာတော့ ရှိမှာပါပဲ..။ အကယ်လို့ နိုင်ငံရေး ဦးတည်ချက်ပန်းတိုင်ချင်းတူရင်တောင်၊ ခံယူချက်ချင်းတူရင်တောင် ဖော်ဆောင်ပုံ၊ လုပ်ဆောင်ပုံကတော့ ကွဲပြားလိမ့်မယ်နဲ့တူပါတယ်။

littlebrook said...

မျိုးဆက်ကွာဟမှု တကယ်ရှိပါတယ် ခံယူချက်ချင်းလည်းကွဲသွားပါပြီ တစ်မျိုးသားလုံးအတွက်ဆိုတာမျိုးထက် ခုခေတ်မှာ တစ်ကိုယ်တော်လွတ်မြောက်ရေးကို ပိုကြိုးစားလာတာ ပိုများတယ်လို့ ကျွန်တော်ထင်တယ် ... ကျွန်တော့်အထင်နော် သေသေချာချာစုစည်းပေးနိုင်တယ့် သေသေချာချာဘာလုပ် ဘာပီးရင်ဘာလုပ်ဆိုတာမျိုးကို လမ်းညွှန်ပေးမယ့်သူလည်း မရှိဘူး ... လေထဲလမ်းစမ်းလျှောက်နေရတယ့်လူတွေလိုပဲ

Anonymous said...

အကိုရေ gap တွေ gap တွေ ဖတ်ရင်း တခန်း လွတ်ချင်လာတယ် မအယ် ဦးနှောက်ထဲမှာ gap ရှိနေလား မသိဘူး။



မအယ်