Nov 30, 2009

အက်စ်တိုးရီးယား (၇)




















အက်စ်တိုးရီးယားရဲ့
သည်ညနေမှာ
မင့်မျက်နှာ တခုလုံးကလည်း
မြူတွေဖုံးလို့ပါလား…
လူလုံးတောင် မသဲကွဲတော့ပြီ…

သည်ညနေမှာ
မင့်ဆိပ်ကမ်းကို မတော်တဆ ရောက်လာခဲ့တဲ့
ငါကလည်း မပြုံးနိုင်…
ငါ့နှလုံးသားကလည်း လေးလံလို့…
ကယ်လီဖိုးနီးယားကို မနက်ဖန် ခဏ
ငါ ပြန်သွားရဦးမှာကိုး…
အက်စ်တိုးရီးယားရဲ့…

မြူတွေ ကြားထဲမှာ ချမ်းနေတဲ့
မင့်ဆိပ်ကမ်းကနေ…
ပင်လယ်ဝကို
မသွားချင်သလို သွားချင်သလို
မျက်နှာ အိုအိုကြီးတွေနဲ့
ထွက်သွားနေကြတဲ့…
လေးတွဲ့တွဲ့ သင်္ဘောကြီးတွေကို ကြည့်မိတိုင်း
ငါ့ရင်ထဲမှာ လှိုင်းထ
အထီးကျန်ဆန်လှချည်ရဲ့လို့ တွေးနေမိ…
သူတို့တွေ လာတုန်းကလည်း တစီးထဲ…
ပြန်ထွက်သွားတော့လည်း တစီးထဲ…
ငါ့ဘ၀ကြီးလိုပါပဲလား
အက်စ်တိုးရီးယားရဲ့…
မင့်ဆိပ်ကမ်းအနားကို
ငါ့ခြေလှမ်များး ချမိတုန်းက ငါ တယောက်ထဲ…
ခု မင်းဆိပ်ကမ်းမှာ
ခြေလှမ်း ခွာတော့လည်း
ငါ တယောက်ထဲကိုး…
အက်စ်တိုးရီးယားရဲ့…

သည်သင်္ဘောကြီးတွေဟာ
ပင်လယ်ထဲမှာ
ဘယ်လို ၀န်တွေကိုများ သယ်ဆောင်ပြီး
ဘယ်လို အထီးကျန်စွာ
သွားလာနေခဲ့ကြရပါသလဲ…
ငါ့ အတွေးတွေကပဲ
နက်နေမိခဲ့လေသလား…
အက်စ်တိုးရီးယားရဲ့…

ငါ့ သယ်ဆောင်ထားရဲ့…
ဝန်တွေ…. ၀န်တွေ…
သက်တမ်းလွန်သွားလေတဲ့
အမှောင်ထဲ ကျွံကျနေခဲ့သော နေ့ရက်များ...
တကယ်တော့
ငါဟာ…
အမှောင်ဝန်တွေ
အလွန်အမင်း သယ်ဆောင်နေမိခဲ့သော
သင်္ဘောအိုကြီး တစီးပါ့…
ငါ့ ခရီးအဆုံး တဖက်ကမ်းကို
ရောက်စမ်းချင်လှပါပြီ…
အက်စ်တိုးရီးယားရေ့…
ဘယ်နေ့ ငါ ရောက်သွားမယ်
မင်း သိလေမလား…

ခုတော့
မင့်ဆိပ်ကမ်းကနေ
ငါ့ခြေလှမ်းတွေကို
ခဏလောက်တော့ ဆုတ်ခွာရပေဦးမယ်…
ကယ်လီဖိုးနီးယားကနေ
ငါ ပြန်ရောက်လာလေတဲ့အခါ
မင်းနဲ့ ငါ
စကား ပြောကြပါဦးစို့…

ATN

Nov 29, 2009

(၂)နှစ်ပြည့် အကြိုမှတ်တမ်း

ခုတလော သူ့မှာ အလုပ်တွေ ရှုပ်လွန်းလို့ အချိန် အတော် ဆင်းရဲ နေသည်။ အရင်က နေ့စဉ် သွားလည် ဖတ်နေနေကြ ဘလော့တွေကိုပင် သိပ် မရောက်ဖြစ်တော့သည်မှာလည်း အတော် ကြာနေပေပြီ။ Google Reader နဲ့ သူ Feed ယူထားလို့သာ ဘလော်ဂါ ညီအကို မောင်နှမများ၏ ပို့စ်အသစ်များကို ဖတ်ဖြစ်နေခြင်း ဖြစ်သည်။ သို့ပေသည့် တချို့ ပို့စ်များဆိုလျှင် ကွန်မန့် ပေးချင်သည်ဆိုလျှင်တောင် အချိန်မရှိလို့ မသိချင်ယောင် ဆောင်နေရသေးသည်။ (ဥပမာ- အကိုကြီးနိုင်ဖေရဲ့ လက်စောင်းထက်လှသော ရွှေရတု ပို့စ်များဆို မသိသလိုလို သူနေနေရသည်… ခွင့်လွှတ်ပါ အကိုကြီး….း)

သူ ဘလော့ စရေးစဉ်ကတော့ ဘလော့တကာ လျှောက်လျှောက်သွား၊ ဆီပုံးတကာမှာ နှုတ်ဆက်၊ ဂျီမေးလ်တွေ လိုက်လိုက် အက်ဒ်၊ ပို့စ်တွေမှာ မှတ်ချက်တွေ ရေး။ ဂျီတော့မှာ ချက်တင်းတွေ ပေးနဲ့ တနေ့နေ့ ၄- ၅ နာရီလောက်တော့ အလုပ် ရှုပ်သည်။ ကိုယ့်ဘလော့ကို လာလည်သူ မှန်သမျှ၏ ဘလော့တွေကိုလည်း တယောက် မကျန် လိုက်ပြန်လည်၊ ကိုယ့်ကိုယ်ကို မိတ်ဆက်၊ ဆီပုံးထဲမှာလည်း ဧည့်ထောက်ခံကာ တယောက်ချင်းကို ပြန်နှုတ်ဆက်၊ ကွန်မန့်တွေ တက်လာသမျှကိုလည်း ပြန်ပြန် ပြောရသေးသည်။ သည်လိုနဲ့ ဘလော့ယဉ်ကျေးမှု မြစ်ရေစီးထဲမှာ အားရပါးရကြီး လက်ပစ်ကူးခဲ့လေသည်ပေါ့။

ခုတော့ ကိုယ့်ဘလော့ကိုတောင် ကိုယ်ပြန် မဖတ်နိုင်အောင် ဖြစ်နေသည်။ ပို့စ်အသစ်တခု တင်စရာရှိသည့် အခါမှ ပြောက်ကျားပစ်ပြေးသလို ပို့စ်အသစ်ကို ကမန်းကတမ်း ပတ်ဘလစ်ရှ် လုပ်ပေးပြီး ပြန်ပြေးရသည်က များနေသည်။ ကွန်မန့်တွေကို မပြန်ဖြစ်သည်မှာလည်း လနဲ့ချီခဲ့ပြီ ဖြစ်သလို ညီအကို မောင်နှမများ၏ ဆီပုံးထဲမှ ပဋိသန္ဓာရစကားတွေကိုလည်း ပြန်မပြောကြားနိုင် ဖြစ်နေသည်မှာ အတော် ကြာပေပြီ။ (လာရောက်လည်ပတ်ကြသမျှသော ညီအကို မောင်နှမများ အားလုံးကို သည်နေရာကပဲ တောင်းပန်လိုက်ပါသည်၊ ဧည့်ဝတ်မကျေပွန်သကဲ့သို့ ဖြစ်နေခဲ့ခြင်းအား နားလည် ခွင့်လွှတ် ပေးသွားကြပါရန်)

အွန်လိုင်းကလည်း အီးမေးလ်ဖွင့်ရုံလောက်သာပဲ တက်ကြည့် ဖြစ်သည်။ မျက်နှာစာအုပ်ကြီးထဲတောင် မရောက်တော့သလောက် ဖြစ်သွားသည်။ တချို့ ညီအကို မောင်နှမတွေကတော့ သူ့ မျက်နှာစာအုပ်ရဲ့ နံရံကြီးမှာ စာတွေ လာလာရေးသွားကြသည်။ ဘယ်ရောက်နေပြီလဲ-ပေါ့။ ခါတိုင်းလို ဂျီတော့မှာ ပွားကြလေ့ရှိသော ညီအကို မောင်နှမများနဲ့ မတွေ့ဖြစ်ခဲ့သည်မှာလည်း အတော်ကြာနေလေပြီ။ သည်အခါ တချို့ ညီအကို မောင်နှမတွေကလည်း စိုးရိမ်ကြပြီး အီးမေးလ်တွေ ပို့လာကြသည်။ ညီငယ်ဖုန်းမြင့်ဆို တွေ့ရာလူတိုင်းအား လိုက်မေးနေသည် ကြားရသည်။ (သူ့အား သတိတရ ရှိကြသော ညီအကို မောင်နှမများ အားလုံးကို ကျေးဇူးတင်ပါသည်) စာတွေလည်း သူ သိပ်မရေးနိုင်သည်မှာ အတော်ကြာပြီ။ ရေးချင်စရာများ ခေါင်းထဲ ရောက်ရောက်လာသော်လည်း စာတပုဒ် ဖြစ်လာဖို့ မစဉ်းစားနိုင်အား။ သူ့မှာ ပူပင်စရာတွေ များနေခြင်းကလည်း အကြောင်း တရပ်ဖြစ်မည်လေ။ သည်လိုနဲ့ စာတွေ ဆက် မရေးဖြစ်တော့ သူ့ရဲ့ (၁)-(၂) တွေနဲ့ အဆုံး မသပ်ရသေးသော ပို့စ်တွေသည်ပင် မနဲပေ။ ညီမငယ် မကေကပင် တစ်-လစ် -တွေလို့ သူ့ကို နောက်နေချေသေးသည်။ အတွေးထဲ ရောက်ရောက်လာလို့ ကောက်ကာငင်ကာ ဖမ်းဆုပ်ယူထားမိသဖြင့်သာ ကဗျာ တချို့ကို ပို့စ်လုပ်နိုင်ခြင်း ဖြစ်သည်။ ဘယ်လိုပဲဖြစ်ဖြစ် စာပေချစ်ကြသော ညီအကိုမောင်နှမများအတွက် ဖတ်စရာ ကဗျာလေးတချို့ ရေးလို့ဖြစ်နေသေးသည်ကိုပင် ကျေးဇူးတင်နေမိသေးသည်။

ခုဆို ရှေ့လ ဒီဇင်ဘာ (၆) ရက် ရောက်လျှင် သူ့ ဘလော့ရေးသက် (၂) နှစ်ပြည့် ဖြစ်မည်။ (၂) နှစ်ပြည့်အတွက် ပို့စ်တခုလောက် ရေးမည်လား စဉ်းစားမိသွားသေးသော်လည်း မိသားစု အရေးအတွက် ကယ်လီဖိုးနီးယားကို သူပြန်သွားရဦးမည်။ မိုင်ထောင်ချီသော ခရီးကို ကားမောင်းပြီး တရက်နေ့မှာ သွားရဦးမည်။ (၂) နှစ်ပြည့်အတွက် မစဉ်းစားအား။ သည်ပို့စ်ကို ဘလော့ရေးသက် (၂)နှစ်ပြည့် အကြိုအဖြစ် သူ ရေးထားပစ်ခဲ့ပါသည်။

သူ့ ဘလော့ကို လာရောက်ဖတ်ရှုအားပေးကြသော ဘလော့ဖတ် ပရိသတ်ကြီးအားလုံးကို အထူး ကျေးဇူးတင်ရှိပါသည်။ (အထူးသဖြင့် - နေ့စဉ်မပျက်မကွက် လာလာဖတ်တတ်သော မီးငယ်၊ ရယ်စရာများကို ရေးရေးသွားတတ်သော မယ်ဆင်၊ ဆီပုံးထဲတွင် ဧည့်ဝတ်မကျေတဲ့ အိမ်ရှင်-ဟု ၀င်ဝင်အော်သွားတတ်သော ရည်မွန်) ဘလော့ကို လာရောက်လည်ပတ်ပြီးနောက် ဆီပုံးထဲတွင် ၀င်ရောက် နှုတ်ဆက်သွားတတ်ကြသော၊ ကွန်မန့်များကို ရက်ရက်ရောရော ပေးသွားတတ်ကြသော ဘလော်ဂါ ညီအကို မောင်နှမများအားလုံးကို သူ ကျေးဇူးတင်ပါသည်။ (ဘလော်ဂါ စာရင်းကိုတော့ သူ မလုပ်တော့ပါ၊ တစုံတယောက်သာ ကျန်နေခဲ့လျှင် မျက်နှာပျက်ချင်စရာ ဖြစ်မည်လေ….း) ထို့အတူ ဘလော့ကို လာရောက် လည်ပတ် ဖတ်ရှုသွားသော်လည်း ဆီပုံးထဲတွင် ၀င်ရောက် နှုတ်မဆက်ပဲ တိတ်တိတ်လေး ပြန်သွားရက်ကြသော၊ ကွန်မန့်များ မပေးပဲ ပြန်လစ်ပြေးသွားကြသော ဘလော်ဂါ ညီအကို မောင်နှမများ အားလုံးကိုလည်း သူ အထူး ကျေးဇူးတင်ပါသည်။ ဘလော့ကို လာရောက် မလည်ပတ်သော်လည်း ဂူးဂဲရီဒါမှ ဖိဒ်ယူကာ သူ့လိုပင် ဖတ်ရှုနေကြသော ဘလော်ဂါ ညီအကို မောင်နှမများကိုလည်း သူ အထူးကျေးဇူးတင်ပါသည်။

အထူးသဖြင့် သူ့ မိုးပြိုကျနေခဲ့သော အချိန်ကာလများတွင် သူ ဆက်လက် ဘလော့ ရေးနိုင်နေအောင် သူ့အနားမှာ စိတ်အား ရုပ်အားဖြင့် အားပေးကူညီ ရပ်တည် ပေးခဲ့ကြသော ချစ်ခင်ရသည့် ဘလော်ဂါ ကဗျာ ညီအကိုမောင်နှမများ ဖြစ်သည့် အကိုကြီး ခင်အောင်အေး၊ ညီငယ် သစ်ကောင်းအိမ်၊ ညီငယ် မောင်ဖုန်းမြင့်၊ ညီငယ် ဆောင်းယွန်းလ၊ ညီငယ် ဥယာဉ်မှူး၊ ဆရာမ မေငြိမ်း၊ ညီမငယ် မနော်ဟရီ၊ ညီမငယ် အိန္ဒြာ၊ ညီမငယ် ပန်ဒိုရာ တို့ကိုလည်းကောင်း၊ ချစ်ခင်ရသည့် ဘလော်ဂါ ညီအကို မောင်နှမများဖြစ်သော အကိုကြီး ကျောက်ခဲကြီး ရွှေရတု၊ ရဲဘော်ရဲဘက် သူငယ်ချင်း ဒေါင်းဂွင်၊ ရဲဘော်ရဲဘက် သူငယ်ချင်း ဦးဂင်ကြီး၊ ညီငယ် ကိုလူထွေး၊ ညီမငယ် ကျောက်ခဲအလတ် မိုးချိုသင်း၊ ညီမငယ် ကျောက်ခဲကလေး မကေ၊ ညီမငယ် မအယ်၊ ညီမငယ် မယ်ကိ၊ ညီမငယ် မငယ်နိုင်၊ ညီမငယ် မသီတာ တို့ကိုလည်းကောင်း၊ ဘလော့ဖတ်သူ ရဲဘော်ရဲဘက် သူငယ်ချင်း ကိုပိန်၊ ညီငယ် လုံးလေး (နယူးယောက်)၊ ညီမငယ် ဆင်ဒန်လား နှင့် အမည် မဖော်ပြစေလိုသော ညီမငယ် တဦးတို့အားလည်းကောင်း သူ့ အနေဖြင့် အထူး ကျေးဇူး တင်ရှိပါကြောင်း သူ့ဘလော့ (၂) နှစ်ပြည့် အကြိုအဖြစ် မှတ်တမ်းတင်လိုက်ရင်း ဘလော့ဖတ်သူများအားလုံး ကိုယ်စိတ် နှစ်ဖြာ ကျန်းမာချမ်းသာပြီး အစစ အရာရာ အဆင်ပြေကြပါစေရန် သူ ဆုတောင်းလိုက်ပါသည်။

Nov 28, 2009

အက်စ်တိုးရီးယား (၆)














ကွဲအက်နေတဲ့ နှလုံးသားကြီးပေါ်မှာ
အက်စ်တိုးရီးယား ကဗျာတွေကို
ဆက်ပြီး မရေးချင်တော့ဘူး….
သို့သော်လည်း
ဆက်ပြီးတော့ ဖတ်ချင်နေပါတယ် ဆိုတဲ့
ညီလေးတွေ ညီမလေးတွေ အတွက်
ဆက်လက်ရေးဖွဲ့ပေးလိုက်ပါတယ်….
နိဒါန်းဆိုတာကိုက
ကဗျာဆန်နေလေရော့သလား…

အက်စ်တိုးရီးယား (၆)

အက်စ်တိုးရီးယားရေ့…
ခရစ္စမတ်နဲ့ နှစ်သစ်ကူးအတွက် အလှတွေပြင်ဆင်ထားတဲ့
မင့်ရဲ့ လမ်းများက
ခမ်းနားလှချည်ရဲ့…

ငါကတော့
ခမ်းနားခွင့်မရခဲ့တဲ့
ငါ့ရဲ့ဘ၀ သေးသေး သိမ်သိမ်
မှေးမှေး မှိန်မှိန်လေးကိုပဲ
အကြိမ်ကြိမ် အခါခါ တွေးတွေးနေမိ…

မင့်ရဲ့ မြို့လည်ခေါင်ဆီက
ရွှေရောင်တောက်ပနေတဲ့
ဂျင်ဂဘဲလ် ခေါင်းလောင်းများ…
ဓါတ်တိုင်အဟောင်းတွေကြားမှာ
တွယ်ဆက်ထားရရှာတဲ့ ကြိုးတချောင်းထက်က
အသစ်စက်စက် အစိမ်းရောင် ထင်းရူးရွက်များ…
ရိန်းဒီးယားတွေ ဆွဲသွားပေးနေတဲ့ စွတ်ဖား...
မြောက်ပိုင်းပြည်နယ်တွေဖက်ဆီများ
မင့်ကို သယ်ဆောင် သွားလေမလား…
အက်စ်တိုးရီးယားရဲ့…

ရာသီဥတုက
မင့်ဖက်မှာ ရှိနေတာတခုပါပဲ…
တကယ်မှာတော့
မင်းဟာ
မင့် တောင်ကုန်း လှလှလေးတွေကို
မြူတွေနဲ့ ဖုံးဖုံး ချပြီး
ပုန်းပုန်းပြနေရတဲ့ဘ၀ကို
ငါ သိတာပေါ့
အက်စ်တိုးရီးယားရဲ့…

နှင်းတွေ ဖွက်ထားတဲ့
မင်းရဲ့ မျက်နှာ
ငါ ရှာဖွေတွေ့ရှိခဲ့တဲ့ နေ့လေ…
ကိုလံဘီယာမြစ် ကမ်းခြေဟာ
မြူတွေနဲ့သာ မှိုင်းမှိုင်း မှုန်မှုန်..

အဲသည်နေ့မှာ
ငါ့ ရင်တွေ ခုန်ပါတယ်…
မင်းဟာ မြူမှုန် နတ်သမီး…
မာနကြီးပုံလည်း မရဘူးပေါ့…
ငါကတော့
အပြီးအပိုင်ပါပဲ မင်းကို ချစ်သွားမိခဲ့…
အက်စ်တိုးရီးယားရဲ့…

ခုတော့
ခရစ္စမတ်အနမ်းနဲ့
မင့် နှုတ်ခမ်းကို
ငါ နမ်းချင်နေခဲ့
အက်စ်တိုးရီးယားရဲ့…

ငါ့ကို
တဘ၀စာ
တခါလောက်ပါပဲ
နမ်းခွင့်ပေး…

ATN

Nov 27, 2009

ကောင်းကင်ကြီး ငါ့အပေါ် ပြိုတယ်














ဘယ်လိုပဲလင်းလက်နေတဲ့နေ့ဖြစ်ဖြစ်
ဘယ်လောက်ပဲ မဲနက်နေတဲ့ ညဖြစ်ဖြစ်
အချိန်ကာလတွေနဲ့ပဲ ထုဆစ်ရတာ မဟုတ်လား…

နေ့၊ လ၊ နှစ်တွေရဲ့
အမှုမဲ့ အမှတ်မဲ့ အမှား အယွင်းနဲ့…
မကြိုဆို မလိုလားအပ်တဲ့ ကျိန်စာ…
အလိုမတူပဲ တွန့်လိမ်သွားရရှာတဲ့ နာရီတလုံးပေါ်မှာ…
ရက်ရက်စက်စက် ကျရောက်လာတဲ့အခါ…
နေ့တွေဟာ ပိုမှောင်…
ညတွေဟာ ပိုပြီးနက်ပြောင်လာ…
အရာရာ လွဲချော်နေခဲ့တဲ့ မြစ်တစင်း
ရုတ်တရက်ကြီး လမ်းကြောင်းပြောင်း စီးဆင်းသွား…
တမင်သက်သက် တိုက်စားခံရရှာတဲ့ ကမ်းများ…
ကမန်းကတမ်း ပြိုကျကြ….

ငါကတော့
ငါ့ရဲ့
လမဲ့ ညတွေကိုပဲ ကြိုးစားမေ့နေမိ…
ငါကတော့
ငါ့ရဲ့
အဆုံး အစ မရှိခဲ့တဲ့ နေ့တွေကိုပဲ လိုက်လိုက်ရှာကြည့်…
ငါဟာ
အတိတ်မေ့နေသည့် ရာသီဥတု တခုလေလား...

င့ါ နှလုံးသားထဲ ကောက်ထည့်ပစ်မိတဲ့
ငါ့ရဲ့ ကောက်ကွေးနေခဲ့တဲ့ မြစ်တစင်းကိ်ုတော့
ငါ့ဘာသာပဲ ငါ
ငါ့ ချစ်ခြင်းမေတ္တာတွေနဲ့ ဖြောင့်တန်းစေဖို့ ကြိုးစားခဲ့…
ငါ့ရဲ့ မနက်ဖန်တွေကိုလည်း
ငါ့လိုပဲ ရိုးသားနေစေခဲ့ချင်…

မည်သို့ပင်ရှိပါစေ
ငါ့ပြက္ခဒိန်တွေရဲ့ကမ်းခြေတခုလုံးသည်လည်း
လောကဓံပင်လယ်ကြီးထဲကို
တ၀ုန်းဝုန်း ပြိုပြိုကျနေခဲ့…

အချိန်ကာလကို သိဖို့
ဘ၀ကြီးတခုလုံးနဲ့ လဲလှယ်ပြီး
ငါ ၀ယ်ယူဝတ်ဆင်ထားခဲ့မိတာ
ထာဝရ ကောက်ကွေး တွန့်လိမ်နေမယ့်
အေးစက်စက် နာရီတလုံးတဲ့လား…
ငါ…
ဖျားနာသွားပါပြီ…

ဟောသည် ကမ္ဘာမြေပေါ်မှာ
ငါဟာ
ဘယ်လိုများ အလွဲလွဲ အချော်ချော်ဖြစ်နေခဲ့တဲ့
မြစ်တစင်းပါလဲ..
ဘယ်အရပ်ကိုများ
ငါက
ရုတ်တရက် စီးဆင်း ရပါ့မလဲ…

ဟေး… …
သည်မှာ…
ကမ်းပြိုတာချင်း အတူတူတောင်
တချို့သူတွေကတော့
လူတကာရဲ့ ဂရုဏာတွေ ရရဲ့…
ငါက ကမ်းပြိုနေတဲ့ကောင် မဟုတ်ရဘူး…
ငါ့အပေါ် ပြိုပြိုကျတာ
ကောင်းကင်ကြီး…

ညီမလေးရဲ့…
“နှင်း”ရဲ့…
ငါက
မိုးပြိုကျနေခဲ့တဲ့ကောင်ပါ…

ATN

Nov 23, 2009

အက်စ်တိုးရီးယား (၅)




















အက်စတိုးရီးယားရေ…
ငါ့ အလုပ်ထဲကနေ
မင့်ရင်ဘတ်ထဲ ငါ ပြန်လာနေပါပြီ…

လူသူကင်းမဲ့နေတဲ့ မင့်ရဲ့ လမ်းများက
ခမ်းခြောက်သွားနေတဲ့ မြစ်တစင်းလိုလို…
ဘယ်လိုပဲဖြစ်ဖြစ် မင်းဟာ ချစ်စရာကောင်းတယ်…
(အနည်းဆုံး ငါ့အတွက်ပေါ့…)

အေးစက်တဲ့ မင့် ညနေခင်းတွေကို
ငါက ရင်နဲ့ရင်းပြီး ထွေးပွေ့ခဲ့ပါတယ်…
အနွေးဓါတ်တွေကိုတော့
ရှိရှိသမျှ အင်္ကျီအထပ်ထပ်နဲ့
ငါ့ဘာသာငါ ပြန်ပြီး ရစ်ပတ်ရသပေါ့လေ…

ခုညနေမှာတော့
မင့်ကို ပြောပြစရာတွေ
ငါ့မှာ အများကြီး ရှိနေခဲ့…
အက်စ်တိုးရီးယားရဲ့…

ခက်နေတာက
ဘာသာစကားပါပဲ…
ငါက နှလုံးသားကို သုံးတယ်…
မင်းက ဘယ်လိုဘာသာကို သုံးမယ် ငါမသိ…

ထားလိုက်ပါတော့လေ…
မင်း သုံးချင်ရာကို သုံးပါ့…

ကျိန်းသေတာတခုကတော့
မင့် ရင်ဘတ်ထဲ ရောက်နေတဲ့ ကဗျာဆရာဟာ
မာဂဒ ဘာသာစကားတွေကို
မဖတ်တတ်လေဘူးဆိုတာ
မင်းသိမယ် ထင်ပါရဲ့…

ဘာသာစကားကွဲလွဲမှုမှာ
မင်းနဲ့ငါ တခုတည်း မရှိတော့ဘူး ဆိုတာ
ငါသိတာပေါ့…

ဒါကလည်း
ပြဿနာ မဟုတ်ပါဘူးလေ…
ငါတို့ နှလုံးသားချင်း ရင်းနှီးနေကြတဲ့အခါ
မင်း ငါ့ကို နားလည်မှာပါ…
ဒါကို ငါက ယုံကြည်နေခဲ့ပြီးသား…

တခုပါပဲ
နှလုံးသားဆိုတာကလည်း
အရင်းနှီးဆုံး နီးကြတဲ့အခါ
ဘာသာစကားတွေ မလိုတော့ဘူး…

ငါ့နှလုံးသားနဲ့
မင်း နီးနေခဲ့ပြီလား…
အက်စ်တိုးရီးယားရဲ့…
နှလုံးသားချင်း နီးတဲ့အခါ
ချစ်ခြင်းမေတ္တာကိုလည်း ခံစားရသတဲ့…
အဲသဟာကို
ငါ ယုံကြည်ထားတယ်…
အက်စ်တိုးရီးယားရဲ့…

မင်းက
ငါ့စာမျက်နှာတွေကို ဖတ်ပေါ့…
ငါကလည်း မင့် စာမျက်နှာတွေကို ဖတ်မယ်…
ငါတို့ နှစ်ယောက်က အလွမ်း ပြဇာတ်တခုလိုလို…

နေ့တာတွေတိုစေသော မင့်ရဲ့ မနက်ခင်းတွေကို
ငါ တက်နင်း မသွားလေဘူး…
အက်စ်တိုးရီးယားရဲ့…
ညတာတွေရှည်စေခဲ့သော
ငါ့ရဲ့ နေ့လည်ခင်းတွေကိုသာ
မင်း… တိုစေလိုက်ပါ့…

ငါတို့ဟာ
တယောက်ထဲပဲ…
သို့မဟုတ်…
တနေ့ထဲပဲ…
သို့မဟုတ်…
တမျက်နှာထဲလေ…

ATN

Nov 22, 2009

အက်စ်တိုးရီးယား (၄)















ကောင်းမြတ်သော မင်္ဂလာမနက်ခင်းပါ
အက်စ်တိုးရီးယားရေ့…

အိပ်ယာဝင် နောက်ကျသွားခဲ့လေတဲ့
တေလေ တယောက်လို
မထချင်သလို ထချင်သလိုနဲ့
နိုးထလာခဲ့ရတဲ့ မနက်ခင်းလေ…
တနင်္ဂနွေနေ့ဆိုတာကိုတောင်
ငါ မေ့နေပေါ့…

မင့် မနက်ခင်းတွေကလည်း
အမြဲတမ်းပဲ မိုးတွေ စွေစွေနေပြန်တော့
လွမ်းအောင်ဖန်တယ်-ဆိုတဲ့ စကား
သတိရမိသွားသေးတယ်
အက်စ်တိုးရီးယားရေ့…

မြောက်ပြန်လေလို့ ခေါ်မလား
အေးစက်မှုများကို သယ်သယ်လာတဲ့ လေပြင်းပြင်းကြီးတွေ
မင်းရဲ့ လူသူကင်းမဲ့နေတဲ့ လမ်းများပေါ်
လမ်းသလားနေပေါ့…
ငါကတော့ ငါ့ဂျာကင်အင်္ကျီကို ဇစ်ဆွဲစေ့ရင်း
မင်းရဲ့ လမ်းတလမ်းကို နင်းလိုက်တယ်…

အေးစက်မှုကို ခံစားနေရတဲ့
ငါ့အရေပြားတွေဟာ
ဂျာကင်အင်္ကျီကို ခြုံလိုက်တဲ့အခါ
နွေးထွေးသွားကြတာပါပဲ…
သို့သော်လည်း
သည်အေးစက်မှုထက် အေးစက်တဲ့
မဲနက်စိုထိုင်းနေတဲ့
အအေးလှိုင်းတခုကို ခံစားနေရတဲ့
ငါ့နှလုံးသား
ဘယ်လို အင်္ကျီကိုများ
လွှမ်းခြုံထားရဦးမလဲကွယ့်..
အက်စ်တိုးရီးယားရဲ့…
ငါ့ကို ပြောခဲ့ဦး…

စောင် ခြုံရင် မလုံ
အချစ် ခြုံမှ လုံ-သတဲ့…

အက်စ်တိုးရီးယား ငဲ့…
ငါ့ရဲ့ ပျောက်ဆုံးနေခဲ့တဲ့ “နှင်း”…
မင်း ပြန်ရှာပေးပါလေ…
သူ့ အချစ်တွေကို ငါခြုံမှ
ငါ့ဘ၀လေး လုံတာပါ…

မင်းရဲ့ လမ်းတွေကို
လျှောက်လှမ်းမိတိုင်း
ငါ့ရဲ့ “နှင်း”ကို တမ်းတမိ…
ခုချိန်ဆို သူ ဘယ်လို ရှိနေမလဲ
သတိရနေတဲ့အခါ
ငါ့ နှလုံးသားတွေ နာကျင်…
ငါ ငိုချင်တယ်… အက်စ်တိုးရီးယားရေ့…

အလွမ်းသမား-လို့ ငါ့ကို မပြောနဲ့
အက်စ်တိုးရီးယားရဲ့…
အဖေ့ကို လွမ်းရင်း အမေက ငါ့ကို မွေးထားခဲ့တာ…
အလွမ်းဟာ ငါ မမွေးခင်ကတည်းက
ငါ့ရင်မှာ ၀င်ခိုနေပြီးသား…

မင်းရဲ့ မှုန်ရီဝေဆိုင်း
အေးစက်ထုံထိုင်းနေတဲ့ ရာသီရိုင်းရိုင်းကြီးက
ငါ့ အလွမ်းတွေကို နှိုးထနေတာပေါ့ကွယ့်…
အက်စ်တိုးရီးယားရဲ့…

မင်းရဲ့ မှောင်မဲ မှုန်ရီ အေးစက် စိုစွတ်နေတဲ့ မနက်ခင်းမှာ
လူ့ဘ၀အတွင်းမှာ မရှိတော့တဲ့ အမေ့ကို လွမ်းတယ်…
ကျန်းမာရေး မကောင်းတော့တဲ့ အဖေ့ကို လွမ်းတယ်…
ငါ့ဘ၀တခြမ်းလို ဖြစ်နေခဲ့တဲ့
ငါ့ရဲ့ အကိုကြီးကို လွမ်းတယ်…
လောကဓံ ကြမ်းကြမ်းကြီးတွေကို
ရက်ရက်စက်စက် ခါးစည်းခံနေရတဲ့
ငါ့ရဲ့ ညီမလေးကို လွမ်းတယ်…
အခန်းထောင့်တခုမှာ ငါထားပစ်ခဲ့တဲ့
ဂစ်တာလေးတလုံးကို လွမ်းတယ်…
နွေရာသီမှာ စမ်းချောင်းကလေး ဖြစ်ဖြစ်သွားတတ်တဲ့
ငါ့ရဲ့ ရွာလယ်လမ်းကလေးကို လွမ်းတယ်…
ညီအကိုအရင်းတွေလို ချစ်ခင်ခဲ့ကြတဲ့
သူငယ်ချင်းတွေကို လွမ်းတယ်…
ညညတိုင်းမှာ ဂစ်တာထိုင်တီးခဲ့တဲ့
သစ်သားခုံတန်းလေးကို လွမ်းတယ်…
အပူအပင်တွေ လုံးဝ မသမ်းဖူးသေးတဲ့
ငါ့ရဲ့ ကလေးဘ၀လေးကို လွမ်းတယ်…
အနီးဆုံး ဖြစ်ပေမယ့်… ကမ္ဘာတခြမ်းစာ
အလှမ်းဝေးနေရရှာတဲ့ ချစ်သူကိုလည်း လွမ်းတယ်…

တကယ်တော့
ငါဟာ…
စိတ်ခံစားမှုတွေနဲ့ပဲ ကျွမ်းလောင်နေခဲ့တဲ့
အလွမ်းကောင်ကြီးပါ… အက်စ်တိုးရီးယားရဲ့…
ငါ့ကို စိတ်ရှည် လက်ရှည်နဲ့
ထမ်းပိုးထားပေးခဲ့တဲ့ မင်းကို
သည် မနက်ခင်းမှာ
ကျေးဇူးတင်လိုက်ပါပေရဲ့…
ညနေရောက်မှပဲ
မင်းနဲ့ တခေါက် ထပ်တွေ့မယ်လေ…

ATN

Nov 21, 2009

အက်စ်တိုးရီးယား (၃)




















အက်စ်တိုးရီးယားငဲ့…
မင့်ရဲ့ အေးစက်စက် ညနေစောင်းများက
ငါ့ရင်ဘတ် ဟောင်းလောင်းကြီးကို
ကောင်းကောင်း ဒုက္ခပေးလေတယ်…
ငါ့ ခံနိုင်ရည်တွေကို စမ်းသပ်နေခြင်းပေလား…
ငါ မအိုသေးပါဘူးကွယ့်…

တကယ်တမ်းမှာတော့
ငါဟာ ကဗျာဆရာတယောက်ရယ်ပါ
တံငါသည် တယောက် မဟုတ်ဘူးကွယ့်…
နေ့လည် ၂ နာရီဟာ ညနေ ၆ နာရီလို
မှိုင်းမှုန်ပြိုကျသွားတာကို
ငါ ဘယ်လို နားလည်နိုင်မလဲ…
ဒါကိုပဲ မင်းရယ်ပွဲဖွဲ့နေလေသလား…
အက်စ်တိုးရီးယားရဲ့…

ငါဟာ ငါး မမျှားတတ်သလို
ငါးလည်း မဖမ်းတတ်ဘူး…
ငါက အလွမ်းတွေကို အစာလုပ်ထားပြီး
အတွေးတွေချည့် လိုက်လိုက်မျှားတတ်တဲ့ကောင်ပါ…
“အောင်သာငယ်” ဆိုတဲ့
ခပ်ပုပုနဲ့ ပိန်ပိန်ပါးပါး ငတိဟာ
“ခံစားမှုတွေကိုချည့် လိုက်လိုက်မျှားနေတဲ့ တံငါပေါ့”လို့
မင်း ပြောချင်ရင်လည်း ပြောခဲ့ပေါ့…

ဒါနဲ့ ပြောရဦးမယ်…
မင့်ရဲ့ မျက်နှာနီနီနဲ့ ပင်လယ်တံငါသည်ကြီးတွေက
ငါ့ကိုတွေ့တိုင်း ပြုံးပြုံးသွားကြတာ
ဘာ့ကြောင့်လဲ…
ငါကပဲ လူရီစရာကောင်းနေလို့လား…
ဒါမှမဟုတ်
သူတို့နဲ့ ရုပ်ချင်း ခပ်ဆင်ဆင်ဖြစ်နေသလို
နှုတ်ခမ်းမွှေးတွေ မုတ်ဆိတ်မွှေးတွေ ထူလဗြစ်နဲ့
တံငါသည်ပေါက်စရုပ်ပဲ ဖြစ်နေလို့လား…
ဘာပဲဖြစ်ဖြစ်
သည်တံငါသည်ကြီးတွေကလည်း ချစ်ဖို့ကောင်းပါပေတယ်…
အူ ဟောင်းလောင်းတွေကို အစာ အပြည့်ဖြည့်ပေးဖို့
သူတို့ ခက်ခက်ခဲခဲ ငါးဖမ်းနေကြတာ
ငါ သိတာပေါ့…

တခါတခါမှာတော့
မင့်ဆိပ်ကမ်းက
ငါးဖမ်းစက်လှေတွေကို
ငါ ငေးရီကြည့်နေမိရင်း
မိုး၊ နှင်း၊ ရေခဲနဲ့ အေးစက်တဲ့ လှိုင်းတွေကြားထဲက
သူတို့ရဲ့ ဘ၀ရိုင်းရိုင်းကြမ်းကြမ်းကြီးတွေကို
ငါ့ စိတ်ကူးနဲ့ ငါ ဖမ်းယူ ဆုပ်ကိုင်ကြည့်နေမိသေးတယ်…
ငါ့ဘ၀ ကြမ်းတယ်ဆိုတာ
သူတို့အတွက် ရယ်ပွဲဖွဲ့စရာပါလေ…
ဒါကို ငါသိနေတာပေါ့… အက်စ်တိုးရီးယားရဲ့…
သီချင်း တပုဒ်ကိုတောင် ငါ သတိရမိသွားသေးတယ်…
တံငါသည်တွေအတွက် ဖွဲ့တဲ့တေး…
သူတို့အတွက် ငါ ဆိုခဲ့ချင်သေးတယ်…

နှစ်ထောင့် တဆယ့်တစ်မှာ
နှစ် ၂၀၀ ပြည့်တော့မယ့် မြို့အိုလေးငဲ့…
မင်းရဲ့ ရင်ဘတ်ထဲမှာ
ငါ ရောက်ရှိနေပါပြီ…
မင့်အတွက်လည်း ငါတေးသီပါဦးမယ်… အက်စ်တိုးရီးယားရဲ့…
တရက်ရက်ပေါ့လေ… …

ATN

Nov 20, 2009

အက်စ်တိုးရီးယား (၂)













အက်စတိုးရီးယားငဲ့…
မင့်ရဲ့ ညနေစောင်းများကလည်း
အေးအေးစက်စက်နဲ့ မဲမှောင် ရီဝေလှချည့်…
ငါ့ဘ၀ထက်တောင် ပိန်းပိတ်နေသလိုပဲ
အဲသဟာကို
ငါ့စိတ်ထဲက အလိုလို မုန်းတယ်…

ဟိုး မြောက်ပိုင်း ရေခဲ ပြည်နယ်များက
အအေးဓါတ် ခါးခါးကြီးတွေကို
သယ်ဆောင်ယူလာနေတဲ့
မင့်ရဲ့ ဦးခေါင်းထက်က လေစီးကြောင်း
ငါတို့ အဖော် အပေါင်း မလုပ်ရင်
ကောင်းမယ် ထင်တယ်..
မင်း ဘယ့်နှယ် သဘောရသလဲ…

အဲသည်လေစီးကြောင်းပေါ့…
ငါ့ခေါင်းပေါ် နှင်းမိုးတွေ ရွာရွာချတာ…
အေးစက်ပါတယ်ဆိုမှ
ငါ့မှာ နောက်တခါ စိုစွတ်ရသေး…
ငါက ငါ့ဘ၀လေးမှာ
မိုးပြိုလို့ ပြေးနေရတဲ့ကောင်ပါ…
ဒါတောင်
မင့်ရဲ့တောင်ကုန်းလေးတွေပေါ်မှာ
အစွမ်းကုန် ငါ ပြုံးပြနေသေးတာ
သူ ကြည့်မရဘူးထင်တယ်…

ထားပါတော့လေ…
အက်စ်တိုးရီးယားငဲ့…
မင့်ရဲ့ လမ်းများပေါ်မှာ
ငါ လျှောက်လှမ်းလာတဲ့အခါ
မင်းက ငါ့ကို ထမ်း
ငါက ငါ့ဘ၀ကြီးကို ထမ်း
“သန်းနိုင်”ရဲ့ “လမ်းဆက်လျှောက်မယ်” သီချင်းကို ငါကဆို…
“ငါ့ကို မုန်းတာ ဘယ်သူတွေလဲ သိချင်စမ်း”
ရူးနှမ်းနေတဲ့ တိရိစ္ဆာန်တကောင်လိုလို…
မင်းကတော့ ငါ့ကို နားမလည်နိုင်သလို ကြည့်နေခဲ့…

သည်မှာ
အက်စ်တိုးရီးယားရဲ့…
ငါ့ကို နားမလည်တဲ့သူတွေအထဲမှာ
“အောင်သာငယ်”ကိုယ်တိုင်ပါ ပါတာပေါ့…
ကျန်သူတွေ နားမလည်တာ
ဘာဆန်းမလဲ…
ဒါကိုပဲ မောင်ရင် သိမှ
စိတ်ဖြေသာရာ ရမှာပါ…

ရှုပ်ထွေးပွေလီနေတဲ့ သြကာသထဲမှာ
“အောင်သာငယ်”ဆိုသည့် ငတိသည်လည်း
ပွေလီရှုပ်ထွေးမှုတွေ အတိနဲ့ပဲ
ဘ၀လမ်းရှိရှိသမျှကို
နင်းလှမ်းနေဆဲဆိုတာ
မင်း သိလိုက်စမ်းပါ့…

ခုလည်း
ညဥ့်နက်နေပြီ…
သည်အခါ
မင့်မျက်နှာကို
ငါကောင်းကောင်း မမြင်ရတော့ဘူး…
ငါက အိမ်ပြန်ရဦးမယ့်သူပါ…
ငါ့အတွက်လည်း ဆုမွန်ကောင်းများ
သတိရတိုင်း တောင်းတောင်းထားပေးပါ့…
အက်စ်တိုးရီးယားရေ့…
နောက်နေ့မှပဲ ထပ်တွေ့ကြမယ်…
မင့်ကို ငါ ချစ်ပါတယ်… …

ATN

Nov 19, 2009

အက်စ်တိုးရီးယား (၁)














အက်စ်တိုးရီးယားရေ…
မြူတွေ ခိုး
မိုးတွေ စွေနေအောင် ရွာချတဲ့ တနေ့မှာ
ရွှေ့ပြောင်းတောင်ယာကြီး… ငါ…
မင့်ဆီကို ရောက်ချလာခဲ့…
တထောက်နားတယ်ပဲ ဆိုကြပါစို့…

အက်စ်တိုးရီးယား ငဲ့…
မင့်ရဲ့ ကိုလံဘီယာ မြစ်ကမ်းနံဘေးနားမှာ
အလွမ်းတေးများ ငါ မဆိုချင်ပါဘူး…
ချစ်ခြင်းနဲ့ ရူးသွပ်နေသူ တယောက်ရဲ့ နှလုံးသားဟာ
မေတ္တာတရားနဲ့ ခုန်လှုပ်နေရုံပါ…
(ဒါကြောင့်ပဲ)
ငါ အသည်းကွဲတယ်…
အချစ်သီချင်းတွေပဲ ငါ သီကျူးချင်…

ငါ… မအိုသေးပါဘူး…
သို့သော်လည်း…
လူ အိုအိုတွေ… အိမ် အိုအိုတွေ…
ကား အိုအိုတွေနဲ့… မြို့အိုအိုကလေးက…
ငါ့ သောက အိုအို ဟောင်းဟောင်းကြီးတွေကို
အလိုအလျောက် ကောင်းကောင်းမွန်မွန် အနွေးနွေး အထွေးထွေး…
ဆီးကြို ပွေ့ဖက်ပေးလိုက်တဲ့အခါ
အက်စ်တိုးရီးယားရေ့…
ငါဟာ ပြန်လည် ပျိုမြစ်
မင့်ကို ချစ်မိသွားပါပြီ…

မင့် ဆိပ်ကမ်းမှာ
မထစတမ်း ငိုက်မြည်းနေတဲ့ သင်္ဘော အိုအိုကြီးတွေက
ငါ့အတွက် ၀ိုင်နဲ့ ရောယှက်စရာ အမြည်းတွေ…
ရေခဲရေလို အေးမြ ပြစ်ခဲနေတဲ့ မြစ်ထဲမှာ
ငါ အသည်းကွဲခဲ့တာကို မသိတဲ့ ပင်လယ်ဖျံတွေ…
ခွေးတွေ ဟောင်သလို ဟောင်နေတဲ့
စီးလိုင်းယင်းဆိုတဲ့ အကောင်တွေက
“အောင်သာငယ်”ကို မသိဘူးကွယ့်…
အက်စ်တိုးရီးယားရဲ့…

အဲဒါကိုပဲ ငါက ရယ်ပွဲဖွဲ့နေခဲ့သေးတယ်…
ငါ့ အမည်ကို မသိတဲ့ ပင်လယ်ဖျံ တကောင်ကို
“အောင်သာငယ်”လို့ ငါ အမည် ပေးခဲ့တယ်…
အဲသည်အကောင်ကလည်း
ငါ့ကို ပြုံးပြနေပုံပါပဲ…
ဒါမယ့်
ငါအသည်းကွဲခဲ့တာ … ဒင်း… မသိဘူးလေ…
အဲဒီ အကောင်…
“အောင်သာငယ်” အတုပါ…
“အောင်သာငယ်” အစစ်ကိုတော့…
မင်း အခု ချစ်မှာလား…
အက်စ်တိုးရီးယားရဲ့…

ချစ်ချစ် မချစ်ချစ်
ငါကတော့ မင့်ကို ရင်ဘတ်ထဲ ပစ်ထည့်ခဲ့မိပြီ…
အက်စ်တိုးရီးယားရဲ့…

ခုညတော့ အလင်းတွေမဲ့ ခဲ့ပြီ...
မနက်ဖန်မှ… မင်းနဲ့ငါ …
နောက်ထပ်တခါ တွေ့ကြသေးတာပေါ့လေ…

ATN

Nov 13, 2009

စွန်းထင်းမှု (၃၂)

အနာဂတ်

ဘာတွေကို
သယ်ဆောင်လာဦးမယ်ဆိုတာ မသိနိုင်ပြန်ဘူး...
အတိတ်မှန်ကို ကြည့်မိတဲ့ အခါမတော့
ငါ့ ခန္ဓာကိုယ်မှာ
ဒဏ်ရာတွေချည့်...


ATN

Nov 11, 2009

စွန်းထင်းမှု (၃၁)

ကောင်းမှု ကုသိုလ်

သေရွာကို
ငါ ယူသွားနိုင်တာဆိုလို့
သည်တခုပဲ ရှိရဲ့…


ATN

Nov 8, 2009

စွန်းထင်းမှု (၃၀)

သံယောဇဉ်

ကိုယ့်ကိုယ်ကို
တင်းတင်းကျပ်ကျပ်
အမှတ်တမဲ့ ချည်နှောင်ခဲ့မိသော
ပူလောင်နေသည့် ကြိုးများ...


ATN

Nov 7, 2009

စွန်းထင်းမှု (၂၉)

ပေကျံမှု

အမဲပေါ်ကို အဖြူတစက်
စွန်းကွက်သွားတာမျိုး...
ဒါမှမဟုတ်...
အဖြူပေါ်ကို အမဲတစ
ပြုတ်ကျလာတာမျိုး...


ATN

Nov 4, 2009

ပင်လယ်ကို ရှာမတွေ့ခဲ့သူ တယောက်အကြောင်း















သည်မှာ… …
ကြည့်ကြကွယ့်…
ဆယ့်နှစ်ကြိုး ထုံထားအောင် တီထွင်ပြီးခဲ့တဲ့ ဗျပ်စောင်းကို
တကယ့်အမျိုး စုံသွားအောင် စီရင်တီးခဲ့တဲ့ ဇာတ်ကြောင်းနဲ့
ဓါတ်ကောင်းခဲ့တဲ့ မှော်ဆရာပေါ့…

တနေ့သားတော့…
ဘ၀ညရဲ့ ပြိုပျက်နေတဲ့ လမ်းများ အစုစုမှာ
အလှအပနဲ့ မှိုတက်နေတဲ့ နှုတ်ခမ်းပါး အတု တခုကို
မရမကတဲ့ အလိုရမက်တွေနဲ့ နမ်းသွားမိတာ
သူ…ပေါ့…

တကယ်တော့…
သူဟာလေ အချိန်အခါဆိုတာ မသိလို့
လူတကာတွေ ကျိန်စာကိုသာ မိသွားတာလည်း
ဖြစ်ချင်ဖြစ်နိုင်ပါတယ်…

ဒါမှ မဟုတ်…
မိုင်သောင်းချီဝေးတဲ့ အဆန်အဝေးက ခရီးကို
စတိုင်ဘောင်းဘီလေးနဲ့ အကြံကလေး ရအပြီး
အိုင်… ကောင်းပြီ… ဟေး… ဟဲ့…လို့… မာန်ကလေး ထပြီး
အနိုင် သောင်းချီပေးကွယ့်လို့ ဟန်ရေးပြပြီး
သူ… ထွက်ခဲ့တာကိုး…

နောက်တော့လည်း…
တကယ့် အဝေးကလမ်း အထိ မိုင်ရာတွေ ထောင်ချီ အရှိမှာ
ဘယ့်ပြေးရမှန်း မသိ ထိုင်ကာလေ ငေါင်နေမိတာ
သူ… တယောက်ထဲပါပဲ… …

အမြစ်တွေ ၀င်တွယ် ခိုလာ အသိ နှောင်းမှာ
အချစ် ရေပြင်ကျယ်ဆိုတာ ရှိကြောင်းဟာ
အပြစ်တွေ မစင်ကြယ်သလိုသာ ရှိကောင်းတာ
သူ… သိခဲ့ပါရဲ့…

ခုတော့လည်း…
အချစ် ပင်လယ်ကို ရှာမတွေ့တဲ့ နှလုံးနဲ့
အပြစ် ရင်ဝယ်... အငို... လာဟေ့… ကွယ့်… အဆုံး...
အလစ် ၀င်တွယ်ခို... ငါ မမေ့တဲ့ အမုန်းနဲ့...
နှလုံး ကြေကွဲ ငိုက်ချထားရတဲ့ ဦးခေါင်းရဲ့
အရှုံးတွေပဲ ပိုက်ပြသွားရဖူးတဲ့ အကြောင်း
သူ… ဘယ်အခါမှ…
ကောင်းကောင်း မပြောပြလေတော့ဘူး… …

ATN

Nov 1, 2009

တစုံတယောက်ချန်ခဲ့တဲ့ သီချင်းများ
















ရှင်းပြတ်ခြင်းနဲ့ 
ဖြတ်သန်းမှုတွေကို ဖြတ်သန်းရင်း
ဖြတ်သန်းရင်းတွေကိုပဲ ဖြတ်သန်းနေရင်း
တင်းတင်းကျစ်ကျစ် ဆုပ်ညှစ်ထားတဲ့
တရားနဲ့ အားတွေကို တိုက်စားခံနေရ
နောက်ကျောကလာတဲ့ မြားကလည်းမိုးလို။

တော်လှန်ဘ၀ပုံရိပ်များ
ပေးဝေရင်းနှီး သွေးမျက်ရည်များ
ရေးကြီးသုတ်ပျာ ဆေးရေကြည်များ
ဥတုသုံးပါးခံ အသည်းနှလုံးများ
ကျောက်ဖြစ်ရုပ်ကြွင်း နှုတ်ဆက်ခြင်းများ
မာနယ်ပလောသွား တောလားများ
ပြန်ဆည်မရတဲ့ သံလွင်အိပ်မက်များ
သောင်ရင်းထဲက မိုးမခရဲစွမ်းများ
ခြောက်ခြားဖွယ်ရာ မြစ်ဆုံတစ္ဆေညများ
ကျွန်းပင်ရင်းက ကဗျာကာချင်းများ
ဖိနပ်မဲ့ ခုခံစစ်ကြောင်း တနံတလျားတွေလေ
အချစ်ဆုံးသူတွေကိုမှ လှည့်စားနိုင်ရက်ခဲ့တယ်။

ဒေါနတောင်ထိပ်က မိတ်ဆွေဟောင်းတယောက်က
လွန်ခဲ့တဲ့ နှစ်နှစ်ဆယ်ဝန်းကျင်က ကဗျာတပုဒ် ရွတ်ပြတယ်။

“စက်လှေသံတွေ လုံးလားထွေးလား
သင်တိုင်းဖုံးထားတဲ့သေနတ်များ
နေခြည်ငတ်မွတ်နှင်းထုများ
လူတွေအားလုံး လိုလိုက
သောင်ရင်းကို ကျားတကောင်လိုမွေးထား
ဒီမှာလေ မွေးဖွားနေတဲ့ ခလေးတဦးဦး
”ပေါ်ဦးသက်” ၀င်စားလေမလား ။

“မာနယ်ပလော”လို့ အမည်ရပါတယ်။


မောင်လွမ်းဏီ

၂၆-၁၀-၀၉
(ကျောင်းသားတပ်မတော် ၂၁ နှစ်သားသို့ )