Dec 17, 2010

မဲကလ တမ်းချင်း

http://www.facebook.com/notes/aung-tha-nge/-/10150348561165274?notif_t=like

မဲကလ-ရေ...
အမှတ်တရဆိုတဲ့... စကားလုံးထဲမှာ...
ဒဏ်ရာတွေ စိမ့်ဝင်နေတယ်-ဆိုတာ...
မင်းနဲ့ ငါပဲ သိပါတယ်... စမ်းချောင်းလေးရဲ့...

ကရင်လိုတော့... မဲကလ-တဲ့...
ငါတို့ကတော့ မင်္ဂလာ-လို့ အမည်ပြောင်းပစ်လိုက်တယ်...
စမ်းချောင်းလေးရေ...

မင့်စီးဆင်းမှုထဲမှာ
တို့တတွေ မျောပါသွားခဲ့တာ
အနှစ် ၂၀...

တကယ်တော့လည်း
မျောပါသွားခဲ့တာ မဟုတ်ပါဘူး...
တို့တွေအားလုံး
စိတ်ရောကိုယ်ပါ စီးဆင်းခဲ့ကြတာပါ...

မင့်ကမ်းပါး နှစ်ဖက်ကို
စုံစုံမက်မက်
ငါတို့အားလုံး
ချစ်မက် မြတ်နိုးခဲ့ဖူးတာပေါ့....

သေ့ဘောဘိုးရဲ့
နေ့နဲ့ညတွေမှာ
မင်းဟာ... ဧကရာဇ်...
ဒါမှ မဟုတ်ရင်လည်း... ဘုရင်မ တပါးပါး ဖြစ်ပေလိမ့်...

ငါတို့အားလုံးဟာ
မင့်ကို တနေ့တခါတော့
ထွေးပွေ့ကြရလေတယ်... မဲကလ-ရေ...

ငါတို့ရဲ့ အညစ်အကြေးတွေ...
ငါတို့ရဲ့ ပြည်မအလွမ်းတွေ...
ငါတို့ရဲ့ တမ်းတချင်းတွေ...
မင်းက ဖြေဖျောက်သယ်ယူသွား....

မဲကလ-ရယ်...
မင့် ကမ်းပါးနံဘေးအနားမှာ...
လွမ်းဖျားခဲ့ဖူးတဲ့ ချစ်သူ နှစ်ဦး...
သူတို့ နှစ်ယောက်အကြားမှာ
အေကေသေနတ် နှစ်လက်က
စည်းချက်တွေ အတန်တန်တားလို့
သူတို့ နှလုံးသားလေးနှစ်စုံ...
ခြောက်ခြားနေခဲ့ပုံ...
ခုထက်ထိ...
ငါ ရင်ခုန်နေမိသေးတယ်... မဲကလ-ရဲ့...

မင်းကတော့ တည်တည်ငြိမ်ငြိမ် စီးဆင်းလို့...
ဒါကိုပဲ ငါတို့အားလုံး မြတ်နိုးခဲံ့ကြပုံ...

မယုံနိုင်စရာကောင်းနေတာက...
မင့် တည်ငြိမ်နေမှု...
အခုကို ငါတို့အားလုံး သတိရနေကြသေးတယ်...
မင့် ကမ်းပါး နံဘေးမှာ
ငါတို့တွေ တေးဆိုခဲ့ကြပုံ...

မိုးမခပင်တွေ...
တို့... သက်သေတည်...
စိမ်းယဉ်သော အေးမြကန်သာမြေ...
ရိုးမတောင်ခြေ...
နေရောင်မခတဲ့ တောင်တွေ...
ငြိမ်းအေးစေ...

မင့် ရေတိမ်ရာ... ရေနက်ရာတွေဟာ...
ငါတို့ အားလုံးအ တွက် သင်ခန်းစာတွေ ဖြစ်ခဲ့...

မင်းက ငါတို့ အားလုံးကို သွန်သင်လေတယ်...
တကယ်တော့ မင့် ရေတွေက ကြည်လင်ပါတယ်လေ...

ATN

1 comment:

★Craton said...

မဲကလ..မဲကလ...