အမှတ်တရ... အင်ဒရီယာ...

ကြိုးတကာမှာမမြင်ရတဲ့ ကြိုးတွေဟာ ပိုမို ထူထဲနေကြ...
အပင်တပင်ကို ပျိုးမိတဲ့ အခိုက်အတန့်ကျမှ
ရေလောင်းပေါင်းသင်ရတဲ့အကြောင်းကိုကောင်းကောင်း လေ့ကျက်မိ...
အတ္တနှင့် ထိတွေ့လိုက်မိသော အရာအားလုံး
မိုးဦးကျ ပန်းပွင့်များလိုလို
စိမ်းစိမ်း စိုစို လန်းလန်းဆန်းဆန်း
လန်းရင်း... လွင့်ရင်း... မနက်ခင်းကို ဆွဲဖွင့်လိုက်မိသော လက် အစုံမှာ
အပြာရောင် မှုန်နံ့သာအလွမ်း အစအနများဖြင့် ပေကျံစွန်းထင်းလျက်...

သူ့ ဆံစ ကောက်ကွေးလေးများအတွင်း
မနက်ခင်းနေကို ပန်းတပွင့်လို ကျနော် ချပ်ရပ်ပြီးသည့်အခါ...
ကျနော့် ဘ၀၏ နတ်သမီးမလေးအား ဗီးနပ်စ်-ဟု ကျနော် အမည်ပေးပါမည်...
သူပြုံးနေသည်ကို မြင်ရရုံနှင့် ကျနော့်ရင်ခုန်သံများ ပန်းရထားတစင်းဖြစ်ခဲ့ပြီ...

တမ်းတလွမ်းဆွတ်ခြင်းဆိုတာ ချစ်ခြင်းမေတ္တာ နောက်ကနေကောက်ကောက်ပါအောင် လိုက်လာခဲ့တဲ့အရာ...
အတူမဆုံနိုင်သေးသ၍ နေ့... နေ့... ည... ည...တမ်းတ လွမ်းဆွတ်နေကြရဦးမှာပေါ့...

သူ့ အပြုံးကလေးကြောင့်ပဲ... လောကကြီးတခုလုံး... ကျနော့်ကို မုန်းသွားသည့်တိုင်
ကျနော် ပျော်ရွှင်နေနိုင်ကြောင်း... သူ ကောင်းကောင်းသိပါတယ်...
ဟောသည့် မနက်ခင်းမှာ... လမင်းတစင်း ပွင့်ခဲ့မယ် ဆိုပါတော့... အဲဒါ... သူပေါ့...

အရိုးသားဆုံး... သူ့ကို ကျနော် ချစ်ခဲ့သည့် အကြောင်း...
ဟောင်းနွမ်း ဆွေးမြေ့နေသော စကားလုံး များစွာကို... ဖယ်ရှားပစ်ပြီး...
သစ်လွင် လန်းဆန်းနေသော ပန်းပွင့်ကလေးများဖြင့်သာ... အချစ် ကဗျာ တပုဒ်... ကျနော်... ယက်လုပ် ရွတ်ဆိုဖြစ်ပါပြီ...
ချစ်သူ... ကြား... သိ... ခံစား... နား... လည်... ပါ... လိမ့်... မည်... လား...

ကျနော့် နာရီများကို... သူ့ ရီမောသံများဖြင့်သာ... သံပတ်ပေးချင်ပါသည်...
မည်၍ မည်မျှ ချစ်ကြောင်းကို သူ့အားပြောပြရန်.. ခေတ်ကောင်းကောင်းတခုကို ကျနော် ထုဆစ်ရပါဦးမည်...
သူ့ ခြေရင်းမှာ... ကျနော် ချခင်းထားလိုက်ချင်သည့် အနာဂတ်သည်... ကျနော့် နှလုံးသားသာ ဖြစ်ပါသည်...
ထိုနေ့မှာ... တော်မလဲရ... လေမတိုက်ရ... တောင် မပြိုရ... ပန်းများ မငိုရ...
မည်သို့သော အကြောင်းနှင့်မျှ... ဆုနာမိများ... မထရ...
မီးတောင်များ... ထူးခြားသော အကြောင်း တစုံတရာ မရှိပဲ မပေါက်ကွဲရ...
ကမ္ဘာကြီးသည်... လေ... မတိုက်ရ... မိုး... မရွာရ... နေ... မပူရ...
ပင်လယ်များ... အော်ဟစ်ပြီး မငိုရ...
ရှိရှိသမျှသော ခြေသွားလမ်းကလေးများ.... ဖြောင့်တန်းနေရမည်...
ထို တဒင်္ဂမှာ... မည်သည့် အကြောင်းနှင့်မျှ... မကွေ့ကောက်ရ...
သူ့ကို... ကျနော် ချစ်သော နှလုံးသားနှင့်အမျှ... လမ်းကလေးများ အားလုံး ဖြောင့်တန်းကြပါစေ...
ရှိရှိသမျှသော မြစ်နဒီများ... သူနှင့် ကျနော့်အားဖြင့်... ရီမော ပျော်ရွှင်သွားနိုင်ကြပါစေ...
တောပန်းအရိုင်းလေးများ အမျိုးစုံ ပွင့်လန်းနေသော... ခြေသွားလမ်းကောက်ကောက်လေးတခုမှာ...
သူ့လက်ကို ဆွဲယူဆုပ်ကိုင်ကာ... ကျနော် လျှောက်ပါဦးမည်...
သူ့အပြုံးလေး တပွင့်အား... ကျနော့် ပခုံးထက်မှာ ပန်ဆင်ထားခွင့်... ပေးပါဦး... ဘုရားသခင်...

လမ်း-ဆိုသည်မှာ လျှောက်လှမ်းကြဖို့ပင် မဟုတ်လား....
ကျနော့် နှလုံးသားကတော့ သူ့လက်ဖျားလေးများကို ဆုပ်ကိုင်ထားချင်ပါသည်...
ကျနော်တို့ နှစ်ယောက် ရှေ့မှ လမ်းများကို လျှောက်လှမ်းဖို့ရာ... မည်သည့် အင်အားမျှ မလိုအပ်တော့ပါ...
ကျနော့် ရင်မှာ... သူ့ အပြုံးလေးများစွာကို... ချိတ်ဆွဲထားနှင့်ခဲ့ပြီးပြီ မဟုတ်လား...

ချစ်ခြင်းမေတ္တာနဲ့ ထိတွေ့သွားတဲ့အခါ... အကျည်းတန်ဆုံး အရာတွေတောင် အလှအပဆုံးဖြစ်သွားတယ်-ဆိုတဲ့ စကားကို ကြားဖူးထားသူပါ... ကျနော်မှာ့ ဖြည့်စွက် ပေးစရာ စကား တချို့ပဲ ရှိပါတယ်... ဝေးကွာခြင်းနဲ့သာ ချစ်ခြင်းမေတ္တာကို ပေး မထိပါနဲ့...

ငါ့ရဲ့ ချစ်ခြင်းကိုယုံကြည်ခြင်း... မယုံကြည်ခြင်း... တံဆိပ် တခုခု ကပ်ဖို့ရာ မင်းဘ၀အဘိဓ္ဓာန်နဲ့သာ တိုက်ဆိုင် ဖတ်ရှုပါ... အင်ဒရီယာ...

သူနဲ့ ကျနော်ကတော့ ကမ်းခြေတလျောက် လမ်းလျှောက်ထွက်ခဲ့ပြီ...
ဒုက္ခနဲ့သုခ အမည်ရသော ခရုခွံများကိုသာ ကျနော်တို့ နှစ်ယောက် လိုက်ကောက်ကြမလို့ပါ...
ကျနော်တို့ ပျော်ကြပါတယ် မေမေ... အခြားအရာတွေကို ကျနော်တို့ နှစ်ယောက် ပြုမူဆောင်ရွက်မှာ မဟုတ်ဘူး...
ကျနော့်ကို သူ့ချစ်ခြင်းမှာ လိပ်ပြာရောင်စုံပျံသန်းနေတဲ့ ပန်းချီကားတချပ် ကျနော်ရတယ် မေမေ...
သူ့ကို ကျနော့် ချစ်ခြင်းမှာ သီချင်းတပုဒ်... သူကတော့ ခပ် အုပ်အုပ်ကလေး ရီမောလို့...
သက်တံ တစင်းကို ကျနော်တို့ ချစ်ခြင်းနဲ့ပဲ ချော့သိပ်လိုက်တယ်...
သဲမြေမွမွပေါ်မှာ နှစ်ယောက်အတူ ခြေရာ မချရသေးတဲ့ သောင်ကမ်းကို
ကျနော်တို့ နှစ်ယောက်အတူ ထမ်းထားတယ် မေမေ...
သူ့လက်သူကြွယ်မှာ လက်စွပ်တကွင်း ကျနော်ကိုယ်တိုင် အပ်နှင်းပြီးတဲ့အခါ
အဲသည် သောင်ကမ်းမှာ ကျနော်တို့ ဟန်းနီးမွန်းထွက်မယ်...
ကြယ်တွေ စုံလက်... လထွက်ည... ပက်ပက်စက်စက် လှပနေမှာပေါ့... မေမေ...
အဲသည့်ညမှာ သူပြုံးနေမယ့်အကြောင်း... မေမေ့ကိုပဲ သတင်းကောင်းပါးလိုက်ပါရဲ့...

သွားကြမယ် အင်ဒရီယာ... အဲသည်မှာ နေသာတယ်... ငါ ကြိုက်တတ်တဲ့ ကမ်းခြေ... သဲသောင်တွေက ပြန့်စင်းဖြူလွလို့... ဘ၀ဆိုတာကို လွတ်လပ်ခြင်း ကွင်းပြင်မှာ စိတ်ကြိုက် ဖြန့်ခင်းလိုက်ကြမယ်.. .ကောင်းကင်ပြာကို မျက်နှာချင်းဆိုင်ဖို့သဲပြင်ပေါ် အတူ ကျောချရင်း ခဏလောက် အိပ်ကြပါစို့... အင်ဒရီယာ...

သွားကြမယ် အင်ဒရီယာ... အဲသည်မှာ လထွက်တယ်... မနက်ခင်းနေကို... လတစင်းနဲ့ အတူ... တွေ့... တွေ့... နေ... နေရတဲ့... နေရာ.. .နေရယ်... လရယ်... ဘယ်တော့မှ မဆုံဘူးလို့... ဘယ်သူ ပြောသလဲ... နင်ရယ်... ငါရယ်... အဲသည်နေရာမှာ အတူဆုံကြမယ်... အင်ဒရီယာ... တို့ နှစ်ယောက် မဆုံနိုင်ပါဘူးလို့... ဘယ်သူ ပြောဦးမလဲ...

သွားကြမယ် အင်ဒရီယာ... အဲသည်မှာ ပန်းတွေပွင့်တယ်... အပြာရောင် သစ်ခွတပွင့်ကို နင့်အတွက် ငါ ခူးဆွတ်မယ့် နေရာ... ငါ့ အချစ်တွေကို ပန်းလို နင် မပန်တတ်သည့်တိုင်... သစ်ခွအပြာလေး တပွင့်ကိုတော့ ငါ့အချစ်တွေကိုယ်စားနင့် လည်မှာ ဆွဲထားမယ် မဟုတ်လား... အင်ဒရီယာ...

ကန္တာရလို... ငါ တိတ်ဆိတ်မယ်... အရိပ်တွေလို... ငါ လွင့်မျောမယ်... ပင်လယ်လို... ငါ ကျယ်ပြောမယ်..
.နောက်ထပ် ပြောစရာ... ဆိုစရာ...ဘယ်လို အကြောင်းအရာတွေ ရှိနေပါသေးသလဲ... အင်ဒရီယာ...
နေ့ရက်တရက်ကို နင့် ဟက်ဟက် ပက်ပက် ရီမောသံလေးများနဲ့ ငါ စတင်ခဲ့ဖူးရာ...ဟောသည့် သောင်ခြေမှာ...
ငါ လက်နက်ချခဲ့တယ်... ငါ့အား အဆုံးအစမဲ့လုံးဝ အနိုင်ယူပါ့ ... အင်ဒရီယာ...

(ဘယ်အချိန်ခါမဆို... ထာဝစဉ် ပြုံးရွှင်... နေတတ်တဲ့... ကိုယ့်ချစ်သူ...)
အဲ့လိုမျိုး သီချင်းတွေ ရေးပြီး နင့်ကို ဆိုပြချင်တယ်.... အင်ဒရီယာ...
သို့သော်လည်း... ကိုယ်က ကဗျာတွေပဲ ရေးတတ်တော့... ချစ်သူ- နားဆင်လို့... ပြောခွင့်ကို မသာဘူး...
ငါ ချစ်တာ... သူသိမှာပါလေ-လို့... ကိုယ့်ကိုယ်ကို အားတင်းခဲ့မိသော နေ့ရက်များသည်လည်း... တခါတခါမှာ... နှင်းတွေ... မှုန်... လို့...
အင်ဒရီယာ-ရယ်... နင့်ကို ချစ်ရတာ... ငါ့မှာ စုံထောက် ဇာတ်ကား ကြည့်နေရသလိုပါပဲ... တရားခံက ဘယ်သူလဲ.. .နောက် ဘာတွေ ဖြစ်ဦးမှာလဲ.. .မျှော်လင့်ထားတာတွေနဲ့ တကယ့် အဖြစ် အပျက်တွေက လွဲနေဦးမှာလား... အင်ဒရီယာ...

ချစ်ခင်ကြင်နာ သနားမှုများဖြင့် ငါ့အား နမ်းပါ့...
ဟောသည့် လူသားပေါင်းတသန်းနေထိုင်နေတဲ့မြို့မှာ အထီးကျန်နေတဲ့ ငါ...
အင်ဒရီယာ-သာ မရှိခဲ့ရင် ဘာတွေ ဖြစ်လာမလဲ... မတွေးဝံ့ဘူး...
Cut it out! - လို့ ငါ့ကို မအော်ငေါက်သင့်ဘူးလေ... အင်ဒရီယာ...ငါက နင့် ချစ်သူပါ...
နင့် လွဲချော်သွားခဲ့ဖူးတဲ့ ဘ၀ အဖုအထစ်တွေကိုတောင်...ငါက အခုထိ ချစ်နေနိုင်သူပါ... အင်ဒရီယာ...
လာပါ...လက်ချင်း ဆုပ်ကိုင်ပါ...ငါ့အား အနိုင်ယူပါ... အင်ဒရီယာ...
နင့် ချို့ယွင်းချက်တွေ အားလုံးကို အဆုံးမဲ့ ငါချစ်နေမိပြီ... အင်ဒရီယာ...

လုပ်ချင်တာတွေကို လုပ်ပြီးသွားတဲ့..... ပျားရေဓါးသွားပေါ်မှာ
မလုပ်ချင်တာတွေကိုလည်း..... ဘယ်တော့မှ..... ငါ မလုပ်ဘူး... အင်ဒရီယာ...
လိမ်လိမ်မာမာ မိုက်မဲနေသူဟာ... ဟောသည့် ကမ္ဘာကြီးမှာ..... ငါတယောက်တည်း ရှိရဲ့...
ဓါးသွားထက်က ပျားရည်စက်ကို.... ငါ လျက်မယ် ထင်သလား...
ဒဏ်ရာရထားတဲ့ ခြင်္သေ့တကောင်လိုပဲ..... ငါ့အနာတွေကို.... ငါ့လျှာနဲ့ ငါလျက်မယ်... အင်ဒရီယာ...
ခုညတော့.... အပြာရောင် ဒိန်ခဲ တချပ်ကို ..... အမှုမဲ့အမှတ်မဲ့ ပါးပါးလှီးစား..
.ပြီးတော့မှ... ငါ သတိရမိသွားတာ နင်ပေ့ါ... အင်ဒရီယာ...

နင်သာ....ငါ့ရဲ့ အလှအပဆုံး အနက်ရှိုင်းဆုံး ဒဏ်ရာ..

အသံတွေထဲမှာ အချစ်တွေ ထည့်လိုက်ပါတယ် အင်ဒရီယာ... စကား မပြောဖြစ်တာတောင် အတော်ကြာနေပြီကော...
ငါ့ ဂစ်တာကြိုးတွေထဲကနေ နင်လည်း ခဏလောက်တော့ ထွက်သွားပေးရမယ် ထင်တယ်...
ဘာသီချင်း တီး တီး...နင့် အတွက်ချည့် ဖြစ်နေတော့တယ်...
တို့ နှစ်ယောက်ရဲ့ အချစ်-ဆိုတဲ့ သီချင်းကိုအတူတူ ဆိုချင်တယ် အင်ဒရီယာ...

အောက်တိုဘာကို ဒီဇင်ဘာလို့ ငါထင်နေတယ် အင်ဒရီယာ..
.အေးစက်တဲ့ ညတွေမှာငါဟာ ဘာလို့ ပူလောင်နေရတာလဲ အဖြေမရှိ...
နင့်ကို တီးပြချင်စိတ်ဖြစ်မိတဲ့ သီချင်းတပုဒ်ကို ငါ့မျက်ရည်တွေနဲ့ ယက်လုပ်ထားမိတယ် အင်ဒရီယာ...

ငါ့ ခွက်ထဲမှာ ၀ိုင်နီတွေ... နဂိုရ်အတိုင်း...
အရိုင်းဆန်တဲ့ တေးကို အာရုံပြုနေကြဆဲ...
သည်ညကို ၀ိုင်နီတခွက်လို... ငါ... သောက်ပစ်လိုက်ရမလား...
အကြားအာရုံတွေကိုပဲ အမြင်အာရုံတွေနဲ့ အစားထိုးလိုက်ရမလား...
ကမ္ဘာ့ထောင့်ကြားတွေမှာ ညကို မူးယစ်သူတွေနဲ့သာ ပြည့်နှက်နေရော့သလား... အင်ဒရီယာ...

ငါ့ရဲ့ညတွေကို တံခါး ပိတ်ထားလိုက်ပါ့မယ် အင်ဒရီယာ...

မင့် မျက်ဝန်းလေးတွေကို မြင်တော့ သမင်လေးတကောင်ကို တွေ့ရသလိုလို...
ငါ့နှလုံးသားကို သည့်ထက် ပိုပြီး မခုန်စေပါနဲ့တော့ အင်ဒရီယာ...
ချစ်ခြင်းမေတ္တာမှာ ကံကြမ္မာ မပါဘူး... ငါသိတယ်...
မတွေ့ ... မမြင်... မကြုံ... မဆုံဆည်းနိုင်သေးသည့်တိုင်
နင့်ကို ယုံတယ်... အချစ်ကို ယုံတယ်... ကံကို မယုံပါ... အင်ဒရီယာ...

ငါ့ရဲ့ညတွေကို တံခါး ပိတ်ထားလိုက်ပါ့မယ် အင်ဒရီယာ...

atn

ကျောခိုင်းထွက်ခဲ့သော နေ့ရက်များအား ကျနော် ကျောခိုင်းထွက်ချင်နေပြီ မေမေ...

by Augustine Nge on Thursday, October 27, 2011 at 8:54pm

အိမ်တအိမ်ကို ကျောခိုင်းခဲ့တယ်...
အကြောင်းပြချက် တခုကြောင့်တော့လည်း မဟုတ်ဘူး... လိုအပ်ချက် တခုကြောင့်ပဲ ဖြစ်မယ်..

အမေ့ကို နှုတ်ဆက်ခဲ့တယ်...
ခွဲခွာလိုခြင်းကြောင့်လည်း မဟုတ်ဘူး... အမေ့ကို မချစ်လို့လည်း မဟုတ်ဘူး...
လုပ်စရာ ရှိတာ တခုကို လုပ်ခဲ့ခြင်းမျှသာ ဖြစ်မယ်...
(သစ္စာဖောက်တဲ့ အလုပ်ကိုတော့
ဘယ်တော့မှ မလုပ်နဲ့... သား...)
ကျနော့် နားထဲမှာ ခုထက်ထိ
ဆူကျယ်အူလောင်နေမိဆဲပဲ မေမေ..

ဆယ်တန်းကတည်းက တီးလာတဲ့
ကျနော့် ဂစ်တာလေးကို
ဓနိမိုး ထရံကာ အိမ်ကလေးတလုံးရဲ့
အခန်းတံခါး ထောင့်ကြား ခပ်မှောင်မှောင်လေးမှာ
တိတ်တဆိတ်ထောင်ထားခဲ့တယ်...
သီချင်းစာအုပ်များကို
သူ့အနားက ကြမ်းပြင်မှာ စီထပ်ထားနေခဲ့တဲ့... ကျနော့်လက်ပေါ်
မျက်ရည်တစက် ကျခဲ့တယ်...
ဝမ်းနည်းတာကြောင့်လည်း မဟုတ်ဘူး... သံယောဇဉ်တခုကြောင့်ပဲဖြစ်မယ်...

ရှစ်တန်းကတည်းက စီးလာတဲ့ စက်ဘီးကလေးကို
ကျနော် ဖုန်သုတ်ပြီး အိမ်နံရံနားမှာ
ဒေါက်ချထားခဲ့တာ...
ပိုင်ရှင်မဲ့သွားစေဖို့ မဟုတ်တာတော့ သေချာတယ်...
မဖြစ်မနေ ခွဲခွာရခြင်းကြောင့်ပဲ ဖြစ်မယ်...

ကျနော့်ထက် ဆယ့်သုံးနှစ်ငယ်တဲ့
ကျနော် သိပ်ချစ်တဲ့ ညီမလေးကိုလည်း
လက်ပတ်နာရီဝယ်ပေးခွင့်...
ပွေ့ဖက် နှုတ်ဆက်ခွင့် မရခဲ့ဘူး...
စိမ်းကားရက်စက်တာတော့ မဟုတ်ဘူး...
အခွင့်အရေး မရှိခဲ့တာကြောင့်ပဲ ဖြစ်မယ်...

အဖေ့ကို ဖုန်းဆက်ခွင့်ရခဲ့တယ်...
(မင်းလမ်းကို မင်းရွေးတာ... ဘယ်သူမှ ရွေးပေးတာ မဟုတ်ဘူး...
ဘယ်တော့မှ နောက်ပြန်လှည့်မလာခဲ့နဲ့... )
အဖေက ဘာလို့ အမှန်တရားတွေချည့် ပြောနေရတာတဲ့လဲ...
ကျနော် ထပ် မစဉ်းစားပါဘူး... သူ့တသက်လုံး အဲလိုတွေချည့် ပြောနေတာပဲ မဟုတ်လား...

အဖိုးကို ကန်တော့ခဲ့တယ်...
(ငါလည်း လုပ်ခဲ့တယ်... မင်းအဖေလည်း လုပ်ခဲ့တယ်...
ခု ငါ့မြေးကလည်း လုပ်ပြန်ပြီ....
ငါ့မြစ်တွေကိုတော့ သည်အလုပ်ကို မလုပ်ပါစေနဲ့တော့...)
အဖိုးကလည်း ပြောပြန်ပြီ အမှန်တရားတွေ...
(ကျနော့်သားကိုလည်း သည်အလုပ် မလုပ်စေချင်ပါဘူး အဖိုးရယ်...)
စိတ်ထဲက ပြောမိတာပါ...
အဲသည်အချိန်တုန်းက ကျနော့်မှာ ရီးစားတကောင်တောင် မရှိသေးပါဘူး...

ကျနော်တို့ ညီအကို နှစ်ယောက်ရဲ့ မိုးကောင်းကင်ကြီးဖြစ်ခဲ့တဲ့ အဖွားကိုလည်း
ကန်တော့ခဲ့တယ်...
(နင်တို့တွေ လုပ်ကြပြန်ပြီ...
ဗမာပြည်မှာ မိခင်တွေ ဘယ်နှစ်ယောက်
နောက်ထပ် မျက်ရည်ကြရပြန်ဦးမလဲ...)
အဖွားကလည်း ပြောပြန်ပြီ အမှန်တရားတွေ...
(ဘုရားမှာပဲ ဆုတောင်းပေးပါ အဖွား... )
စိတ်ထဲကပဲ ပြောခဲ့တဲ့ စကားပါ...
အဖွားကို ပြန်တွေ့ရဦးမှာပါလို့ ကျနော် ထင်ခဲ့တယ်...
အထင်အမြင်တွေဆိုတာ အမှန်တရားနဲ့ ဝေးကွာလွန်းပါရဲ့လေ...

ကျနော့်ကိုယ် ကျနော် နောက်တနေ့မှာ ပြန်တွေ့တော့
ကျနော်ဟာ အတော့ကို နောက်ကျနေပြီ...
ကျနော့် အကုသိုလ်များက ခရီးပေါက်နေသလောက်...
ကျနော့် ကုသိုလ်များက ဖိနပ်ပေါက်နေ...

ရှိပါစေ...

ကျနော်ဟာ
ဘယ်အရာကိုမှ လိုချင် ယူဆောင်ထားသူမှ မဟုတ်တာ...
အဲသလို... ဂျစ်ကန်ကန် ကျနော် ပြောတယ်...

ဘယ်သူကမှလည်း တရားရုံး ဆုံးဖြတ်ချက်တွေ မကြေငြာပါဘူး...

တခုပဲ...
မင်းတို့ဟာ...
အရှုံးပေး စွန့်ခွာသွားသူတွေ မဟုတ်လား...

အဲသည့် တံဆိပ်ကပ်မှုကို
ဘယ်လိုလူမျိုးက လက်ပိုက် ကြည့်ရှုနေမှာလဲ...

ဘုရားသခင်...
ကမ္ဘာ လောကကြီး တခုလုံးမှာ
သင်ဟာ...
အမှားအယွင်းဆုံး သက်ရှိပါပဲ...
အကယ်၍သာ သင်ဟာ
သက်ရှိ ဖြစ်ခဲ့မယ် ဆိုရင်ပေါ့...

ဘာဖြစ်ဖြစ်ပါ...
ကိုယ်တွေက ဘုရားအလောင်းလည်း မဟုတ်ဘူး...
မော်စီတုန်းလည်း မဟုတ်ဘူး...
ဒါပေမယ့် ဒါတွေကလည်း
ပေးချင်တဲ့ ဆင်ခြေဆင်လက်တွေလည်း မဟုတ်ဘူး...

ကိုယ်က လူပါ...
နွားမှ မဟုတ်တာ...
နွားဖားကြိုးတော့
ဘယ် အထိုးခံချင်ပါ့မလဲ...

ကိုယ်အိမ်က ထွက်ခဲ့ရတဲ့ အကြောင်းကို
ကိုယ့်လောက် ဘယ်သူက ကောင်းကောင်း သိမှာလဲ...

အိမ် အကြောင်း...
နောက်ထပ် မပြောကြကြေးလေ....

atn

ကစဥ့်ကလျား ပြန့်ကျဲနေသော မေပဲလ်ရွက်များ

by Augustine Nge on Sunday, November 6, 2011 at 1:33am

သည်နေ့မနက်ကတော့ နေသာနေသည်။ သို့သော်လည်း ဆောင်းဦးပေါက်၏ မြောက်ပြန်လေက အေးစက်လွန်းနေသော ဓါးသွားပမာ စူးစူးရှရှ... ။ ဓါးနှင့် ထိုးအခွဲခံလိုက်ရသလို လေအဝှေ့မှာ တိုးရှဲလွင့်ကျဲသွားသော မေပဲလ်ရွက်များမှာ မျက်စေ့တဆုံး...။ အရောင်ပြောင်းပြီးစ အရွက်များမှာ ညိုစိမ်းနီဝါ... ။ လောက မာယာကို အဖျားအနားလေး တစုံမျှ တွေ့ထိလိုက်မိသလိုမျိုး လေထဲမှာ ဝေ့၀ဲပြေးသွားသော မေပဲလ်ရွက်များ.... ။

လောကကို တစုံတရာမျှ တုန့်ပြန်မပြောဆိုနိုင်သော အကြည့်မျိုးနှင့်... လေအဝှေ့မှာ လွင့်စင် ကျိုးကျဲသွားနေသော မေပဲလ်ရွက်များကို သူကြည့်နေမိသည်။ သူသည်ပင် သက်ရှိ မေပဲလ်ရွက် တရွက်လေလား... ။

သူ စီးနင်းရမည့် ဘတ်စ်ကား လာနေပါပြီ... ။ ရှစ်ဆယ့်တစ် ဒေါ်လာပေးရသော တလတာ ဘတ်စ်ကားစီးနင်းခွင့် လက်မှတ်ကို လက်ထဲမှာ အသင့် ကိုင်ဆောင်ထားလိုက်သည်...။ (သူ့ရှေ့မှာ ထိုးရပ်လာသော ဘတ်စ်ကားကို နိဗ္ဗာန်ယာဉ်အလား ပျော်ရွှင်စွာ သူ တက်ရောက် စီးနင်းလိုက်မည်ဟု မထင်ကြပါနှင့်...။)

အဆင်းအတက်များသော မှတ်တိုင်ဖြစ်သည်နှင့် အညီ လူ ဆယ့်လေး-ငါးယောက်လောက် ဆင်းပြီးမှ ဘတ်စ်ကားပေါ်သို့ သူ တက်ခွင့်ရသည်...။ ကောင်းသော မနက်ခင်းပါ-ဆိုသော သူ့ ၀တ်ကျေတမ်းကျေ နှုတ်ဆက်စကားကို တလတာ ဘတ်စ်ကားစီးခွင့် လက်မှတ်ကို ထောင်ပြရင်း ဘတ်စ်ကား ဒရိုင်ဘာကို သူ ပြောလိုက်သည်။ အပြန်အလှန်အားဖြင့် ဘတ်စ်ကား ဒရိုင်ဘာကလည်း - ကျေးဇူးပါ... ခင်ဗျားလည်း ထို့အတူ ရှိပါစေ-ဟု ပြန်ပြောသည်... ။

ထိုနေ့မှာ လောကကြီးသည် ၀တ်ကျေတမ်းကျေအားဖြင့် အပြန်အလှန် လှပနေသည်ဟု သူ မဲ့ပြုံး ပြုံးမိလေသည်။

နီးရာ ခုံတခုမှာ ၀င်ထိုင်ရင်း... သူ့ အိုင်ဖုန်းကို ဆွဲထုတ်ယူလိုက်သည်...။

Slide to unlock... ဟူသော ပြေးလွှားနေသော စကားစုလေးတစုကို သူ မြင်လိုက်သည်... ။

---------------------------------------------------------------------------------

အိမ်-ဟူသော စကားလုံးကို တွေ့တိုင်း သူ့ ရင်မှာ မုန်တိုင်းထန်သည်... ။

အိမ်တအိမ်မှာ သူနေခဲ့ဖူးသည်။ ထိုအိမ်မှာ သူပျော်ခဲ့ဖူးသည်။ သို့သော်လည်း ထို အိမ်မှာ သူ ကြာမြင့်စွာ မနေခဲ့ရပါ။ ထိုအိမ်သည်... အမေ့အိမ် မဟုတ်ပါ။ အဖွား၏ အိမ်ဖြစ်သည်။ အဖိုး၏ အိမ်ဖြစ်သည်။ အဖိုးနှင့် အဖွား၏ အိမ်မှာ သူ ပျော်ရွှင်ခဲ့ဖူးပါသည်။

ထို့နောက် နောက်ထပ် အိမ် တအိမ်မှာ သူနေခဲ့ရသည်။ ထိုအိမ်သည် အမေ့အိမ်လား... အဖေ့အိမ်လား... မည်သူ့အိမ်လဲ... သူ မစဉ်းစားရဲပါ...။ ထိုအိမ်ကို အမေ ပိုင်သည်လား...။ အဖေ ပိုင်သည်လား...။ မည်သူ ပိုင်သည်ဖြစ်စေ... နုနယ်သော ကလေးတယောက်၏ ဦးနှောက်ကို အဆိပ်တက်စေခဲ့သော ထိုအိမ်မှာ မည်သည့်အခါကမျှ သူ မပျော်ရွှင်ခဲ့ဖူးပါ။

-------------------------------------------------------------------------------

သေနတ် တလက်ကို သူ တကယ် ကိုင်တွယ် ပစ်ခတ်ခွင့်ရချိန်မှာ သေခြင်းတရား အကြောင်းကို ကောင်းကောင်း သိခဲ့လေသည်...။ သေခြင်းတရားသည် မိမိတို့ အနီး အနားမှာ အချိန်မရွေး... ။ သေချင်တိုင်း သေ၍ မရ...။ မသေချင်လည်း သေမည်။ သေချင်သော်လည်း မသေ။

သေခြင်းတရားသည်... ချစ်ခြင်းမေတ္တာလို ဆန်းကျယ်လေသည်...။

သေမှာ ကြောက်သူများ မသေကြသေး...။ သေမှာ မကြောက်သူများ တယောက်ပြီးတယောက် သေနေရလေသည်။

-------------------------------------------------------------------------------

ဘတ်စ်ကားပေါ်မှ သူဆင်းလိုက်ချိ်န်မှာ အိုင်ဖုန်းကို သူဖွင့်ကြည့်လိုက်မိတော့ ည ၈ နာရီ ၃၄ မိနစ် ရှိနေပြီ... ။

သူ မနက်က အလုပ်သွားချိန်မှာ ဝေ့၀ဲ လွင့် ပျံသွားနေသောမေပဲလ်ရွက်များသည်လည်း အော်ရီဂွန်၏ ဆောင်းဦး မိုးရေစက်များကြားမှာ ကတ္တရာလမ်းနှင့် အနမ်းများချွေနေကြပုံပင်... ။ အနက်ရောင် ကတ္တရာလမ်းပေါ်မှာ ပြားချပ်နေသော မေပဲလ်ရွက်များကို သူကပဲ သနားနေမိသေးတော့သည်... ။

--------------------------------------------------------------------------------

သို့သော်လည်း မေပဲလ်ရွက်တွေ တနှစ်တခါ အရောင်ပြောင်းကြတာကို သူက သတိရမိသွားသေးသည်။

-------------------------------------------------------------------------------

သူသည် မေပဲလ်တရွက် မဟုတ်တာ သေချာသည်။
သူသည် ကစဥ့်ကလျား မည်သည့် အခါအမျှ ပြန့်ကျဲနေမည် မဟုတ်။

သို့သော်လည်း... သူသည်... ........... ......................

atn

အပင်တပင်ကိုပျိုးမိတဲ့အခိုက်မှ ရေလောင်းပေါင်းသင်ရတဲ့ အကြောင်းကို လေ့ကျက်မိ...

atn

၂၃ နှစ်တာ မှန်ကူကွက်များ...

၂၃ နှစ်တာ မှန်ကူကွက်များ...

သည်နေ့ အလုပ်နားရက်ဆိုတော့ မနက်စောစောမထပဲ အားရပါးရအိပ်လိုက်ဦးမည်-ဟု အားခဲထားသမျှ ဧည့်ခန်းထဲမှ နှိုးစက်သံကြောင့် သူ နိုးသွားသည်။ မနေ့ညက နှိုးစက်ကို ပိတ်ထားဖို့ မေ့သွားသည်ပဲ။ နှိုးစက်ကို သွားပိတ်ဖို့ အိပ်ယာထဲမှ လူးလဲထလိုက်ရင်း ညက မပိတ်ပဲ ထားခဲ့သော မျက်နှာစာအုပ် စာမျက်နှာကို အိပ်ချင်မူးတူး မျက်လုံးများက ရောက်သွားသေးသည်။ ဧည့်ခန်းထဲ သူရောက်သည်အထိ နှိုးစက်ကြီးက အော်နေဆဲ။ နှိုးစက်ကို ပိတ်ပြီး မျက်နှာသစ်ဖို့ ရေချိုးခန်းဆီ လှည့်အလာမှာ... ဂွဒ်မောနင်း ပါပါး..-ဆိုသော သားကြီး၏ နှုတ်ဆက်သံကို ကြားလိုက်ရသည်။ ကျောင်းသွားဖို့ ကျောပိုးအိတ်လွယ်ကာ သူ့အခန်းမှ ထွက်လာသော သားကြီးသည်ပင် ၁၄ နှစ်သား ၉ တန်းကျောင်းသားကြီး ဖြစ်နေပြီ။ အချိန်တွေသည် ဘယ်လို ကုန်သွားလေသည်လဲ။ ရေချိုးခန်းထဲမှာ သွားတိုက်နေရင်းက သူ့ စိတ်အတွေးများ အတိတ်သို့ ပြန်ပြေးလွှားနေတော့သည်။

-----------------------------------------------------------------------------------

- သပိတ်... သပိတ်... မှောက်... မှောက်... -
- စစ်အစိုးရ... အလို မရှိ... -
- ဒီမိုကရေစီ ရရှိရေး... တို့ အရေး... တို့ အရေး... -
- အရေးတော်ပုံ... အောင်ရမည်... -

လွန်ခဲ့သော ၂၃ နှစ်က အသံများ သူ့နားထဲမှာ ဆူညံလာကြပြန်သည်။

- သြော်... ၂၃ နှစ်တောင် ရှိခဲ့ပါပေါ့လား... - သည်လိုတွေးရင် သူ့ရင်ထဲမှာ လေးလေးပင်ပင်ကြီး တခုကို ထမ်းပိုးထားရသလို ခံစားနေမိသည်။

ဘ၀၏ အချို့ အချိုးအကွေ့များက ညင်သာသည်။ တချို့ အချိုးအကွေ့များကတော့ တံတောင်ဆစ်ချိုး ကွေ့ချိုးကြီးများဖြစ်သည်။ ထိုကွေ့ချိုးကြီးများမှာ လူကိုယ်တိုင် လွင့်စင်ကျသွားနိုင်သည်။

၁၉၈၈ ခုနှစ် သြဂုတ်လ (၈) ရက် ကွေ့ချိုးကြီးထဲမှာ လူပေါင်းမြောက်များစွာ ဘ၀ပေါင်းမြောက်များစွာ လွင့်စင်ကျသွားကြဖူးသည်။ သည့်နောက် ၁၉၈၈ ခုနှစ် စက်တင်ဘာလ (၁၈) ရက် ကွေ့ချိုးကြီးထဲမှာ နောက်ထပ် ဘ၀ပေါင်းများစွာ လူပေါင်းများစွာ လွင့်စင်သွားခဲ့ကြပြန်သည် မဟုတ်လား။

ထိုကွေ့ချိုးကြီးမှာ သူလည်း လွင့်စင်သွားခဲ့သည်။ လွင့်စင်သွားခဲ့ကြောင်း သူ သတိထားမိသည့် အချိန်မှာ အခြားသော ထောင်ချီနေသည့် လူငယ်များနှင့် အတူ သူသည်လည်း ထိုင်းမြန်မာနယ်စပ် တနေရာမှာ ရောက်ရှိနေခဲ့ပြီ။

----------------------------------------------------------------------------------

တကယ်တော့ သူတို့ အားလုံးမှာ ရွေးချယ်စရာ သိပ်များများစားစား မရှိ။ စစ်အုပ်စုက ဖွင့်ထားသော လမ်း ၃ လမ်းသာ ရှိသည်။ ထို လမ်း ၃ သွယ်ကို သူတို့ အားလုံး ကိုယ့်ယုံကြည်မှုအလိုက် ရွေးချယ်လိုက်ကြရခြင်းသာ ဖြစ်သည်။

တလမ်းက ဥပဒေဘောင်အတွင်းမှာ ရွေးကောက်ပွဲလမ်း။ ထိုလမ်းကို လူ့ဘောင်သစ်ဒီမိုကရက်တစ်ပါတီ-အမည်ဖြင့် ၈၈ မျိုးဆက်များထဲမှ မိုးသီးဇွန်ဦးဆောင်ကာ လိုက်ခဲ့ကြသည်။ တနည်း ရွေးချယ်ခဲ့ကြရသည်။

နောက်တလမ်းမှာ မြေအောက်အဖွဲ့အစည်းအဖြစ် လျှို့ဝှက် ဆန့်ကျင်ကြရသည့် လမ်း။ ထိုလမ်းကို ဗကသ-အမည်ဖြင့် မင်းကိုနိုင် ဦးဆောင်ကာ ၈၈ မျိုးဆက်များက လျှောက်လှမ်းခဲ့ကြသည်။

နောက်ဆုံးတလမ်းကတော့... လက်နက်ကိုင် တော်လှန်ရေးလမ်း။ သည်လမ်းကတော့ ကြမ်းတမ်းသလို ရှုပ်ထွေးပွေလီ အန္တရာယ်လည်း များလှသည်။ သို့သော်လည်း သည်လမ်းကို ရွေးချယ်ခဲ့သည့် သူအပါအ၀င် ၈၈ မျိုးဆက်ဝင်များအဖို့ရာ ခေါင်းဆောင်မှု ပြဿနာကို ကြုံတွေ့ခဲ့ကြရသည်။ ထိုစဉ်က ရှိနေသည့် ဗကသ ခေါင်းဆောင်များထဲမှာ... လက်နက်ကိုင် တော်လှန်ရေးလမ်းပေါ် ရောက်လာသည့် မောင်မောင်ကျော်၊ ၀င်းမိုး၊ အောင်နိုင်... သူတို့က High Profile အဖြစ်ဆုံး...။ သို့သော်လည်း တကယ်တမ်း မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ခေါ်) မကဒတ ကို ဖွဲ့စည်းဖြစ်တော့ သူတို့ မပါဝင်လာတော့။ သည်အခါ လက်နက်ကိုင် တော်လှန်ရေး လမ်းကြောင်းကို ရွေးချယ်ခဲ့သည့် ၈၈ မျိုးဆက်များအတွက် ခေါင်းဆောင်မှုပြဿနာ ရှိလာသည်။

မကဒတ၏ ပထမအကြီမ်ညီလာခံမှာ ထွန်းအောင်ကျော်က ဥက္ကဋ္ဌ ဖြစ်လာသည်။ ရကသ ဥက္ကဋ္ဌအဖြစ် တာဝန်ယူခဲ့ဖူးသော သန်းဝင်းက အထွေထွေ အတွင်းရေးမှူးဖြစ်လာသည်။

လက်နက်ကိုင်တော်လှန်ရေးတရပ်ဆိုသည်မှာ လွယ်ကူသော ကိစ္စ မဟုတ်။ သူကတော့ လက်နက်ကိုင်တော်လှန်ရေးကိ်ု ဆင်နွှဲနေသော နိုင်ငံရေးအသိုင်းအ၀ိုင်းမှ ပေါက်ဖွားလာသူပီပီ ဤကိစ္စကို သိနေသည်။ ထိုစဉ်က သူ့ အသက်မှာ ၂၄ နှစ် သာ ရှိသေးသည်။ သို့သော်လည်း လီနင်-၏ ရေသောက်မြစ် ၃ သွယ်လို ကိစ္စမျိုးကိုလည်း နားလည်နေသေးသည်။ သည့်အတွက် သူကိုယ်တိုင် မကဒတ အဖွဲ့ဝင် ဖြစ်နေသည့်တိုင် မကဒတ၏ လက်နက်ကိုင်တော်လှန်ရေးအဖွဲ့အစည်းတခုအဖြစ် နေ့ချင်းကြီးလာသည့် ဖြစ်ရပ်ကို သူ လက်မခံနိုင်သေး။

မကဒတမှာ... နိုင်ငံရေးအရ အတွေးအခေါ် တခု ရှိနေပြီလား.... မကဒတမှာ... လက်နက်ကိုင် တော်လှန်ရေး လုပ်ဖို့ ကိုယ်ပိုင် လွတ်မြောက်နယ်မြေတခု ရှိနေပြီလား... မကဒတက ဆင်နွှဲမည့် လက်နက်ကိုင်တော်လှန်ရေးအတွက်... အင်အား ရေသောက်မြစ်တွေ ရှိနေပြီလား... သည်လို သူ့ဘာသာ မေးခဲ့သည့်တိုင်... ထိုစဉ်က သူက သာမန် ရဲဘော်တဦးမျှသာ-ဆိုတော့ကာ... သူ့အမေးများကို သူ့ဘာသာပဲ ဖြေခဲ့ရဖူးသည်။

နောက်တော့ ၁၉၈၉ ခုနှစ် စက်တင်ဘာလမှာ မကဒတ သေ့ဘောဘိုးစခန်း၏ တပ်ရင်း ၂ ရင်း အနက် တပ်ရင်း ၂၀၄ ၏ တပ်ရင်းမှူးအဖြစ် သူ တာဝန်ပေးအပ်ခံရသည်။ တပ်ရင်း ၂၀၄ ၏ ပထမဆုံး တပ်ရင်းမှူးမှာ ဦးမျိုးချစ်ဖြစ်သည်။ ဒုတိယမြောက် တပ်ရင်းမှူးမှာ ယခု လက်ရှိ မကဒတ ဗဟိုကော်မတီဝင် ဆလိုင်းယောအောင် ဖြစ်သည်။ သူက တတိယမြောက် တပ်ရင်းမှူးဖြစ်သည်။

သူ တပ်ရင်းမှူးအဖြစ် တာဝန်ယူရသည့် အချိန်မှာ မဟာမိတ် ကေအဲန်ယူ တပ်မဟာ(၆)နယ်မြေ ဒူးပလာယာခရိုင်ရှိ ဖလူးခံစစ်စခန်းကို ရန်သူက အပြင်းအထန် ထိုးစစ်ဆင်နေချိန်ဖြစ်သည်။ သူ့မှာလည်း ထိုအချိန်က ကော့ကရိတ်-နှင့်-၀င်းရေးမြို့နယ်အတွင်း ကေဒဲန်ဒီအို တပ်ရင်းတပ်ခွဲများနှင့် တွဲဖက်ပြီး လှုပ်ရှားစစ်ကို မိမိတပ်ဖွဲ့များအတွက် အတွေ့အကြုံယူနေရချိန်ဖြစ်သလို... ဖလူးခံတပ်စခန်းလို ခံစစ်သေအတွက်လည်း အင်အားများကို ထုတ်နှုတ်ထားရချိန်လည်း ဖြစ်သည်။ ထိုစဉ်က သူ့ ကွပ်ကဲမှုအောက်မှာ တပ်ရင်းဖွဲ့စည်းပုံထက် ကျော်လွန်သော လူအင်အား ရှိနေသည်။ တိုက်ခိုက်ရေး အင်အားကလည်း ရှိနေသည်။ မရှိသည်က - သေနတ်...သာ။ သေနတ် မရှိမှတော့ သည်လူတွေက တော်လှန်ရေးသမားတွေ မဟုတ်တော့။

သည်တော့ တပ်ရင်းမှူး တယောက်အနေဖြင့် သေနတ် အရှာ ထွက်ရတော့သည်။ မီးကျိုး မောင်းပျက်-ဟု ဆိုလျင် သေနတ်ကိုင်ဖူးသူများ သိလိမ့်မည်။ သူ့မှာတော့ မီးကျိုးကျိုး မောင်းပျက်ပျက်... ပစ်လို့ တချက် ထွက်ရင် ပြီးရော သေနတ်များကိုလည်း ၀ယ်ခဲ့ရဖူးသည်။ လျှို့လျှို့ဝှက်ဝှက် ၀ယ်ရသဖြင့် မောင်းတင်လို့ရရင် ပစ်လို့ရတာပဲ-ဆိုကာ မောင်းတင်ကြည့်ပြီး ပစ်မရသော သေနတ်များကိုလည်း ၀ယ်ခဲ့ဖူးသေးသည်။

နောက်ဆုံး Home-Made Rocket Launcher တွေပါ သူ ၀ယ်သည်.... တရုပ်လုပ် ၆၂ မမ ဒုံးပစ် လောင်ချာများက ဈေးကောင်းသည်... ပစ်ကောင်းသည်... ထိချက်ကောင်းသည်... သည်တော့ ၆၂ မမ လောင်ချာ အနည်းဆုံး ၂ လက်လောက်တော့ ရှိမှ ဖြစ်မည်... ပထမဆုံး ထွက်ခဲ့သော စစ်ကြောင်းအတွက် သူ စဉ်းစားရသည်... စစ်ကြောင်း တကြောင်းလုံးမှာ ၆၀ မမ မော်တာ တလက် ရှိသည်။ မော်တာအသီး အလုံး ၃၀ ကျော် ရှိသည်။ အာရ်ပီဂျီ-၅ တလက် ရှိသည်။ ဒုံးကျည် (၇) လုံး ရှိသည်။ အဲမ်-ဖော်တိ တလက် ရှိသည်။ အသီး - ၃၀ - လောက်ရှိသည်။ ခုတော့ ၆၂ မမ ၂ လက် ရပြီ။ အသီးကတော့ အဖူး(တပ်မဟာ-၆ မှူး) ဆီမှာ တောင်းရမည်။ စက်လတ် တလက်တော့ မရှိမဖြစ် လိုအပ်သော်လည်း မ၀ယ်နိုင်တော့။ ထိုစဉ်က အေကေ စက်လတ် တလက်က ဘတ် တသောင်းခွဲလောက် ဈေးပေါက်သည်။ ၁၆ စက်လတ်တလက်က ၂သောင်းခွဲလောက်ရှိသည်။ သေနတ်များကို ကိုင်ကြည့် ပစ်စမ်းရုံကလွဲလို့ ဈေးပင် မဆစ်ရဲ။

---------------------------------------------------------------------------------

နောက်တော့ ၁၉၈၉ ဒီဇင်ဘာ လကုန်ခါနီး ၂၉ ရက်မှာ ဖလူး ခံစစ်စခန်းကြီး အကြောင်းကြောင်းကြောင့် ရန်သူ့လက်သို့ကျသွားသည်။ သည်စဉ်က သူ့မှာ ရှိရှိသမျှသော အကောင်းဆုံး ရဲဘော်များ၊ အတွေ့အကြုံရှိပြီး ရဲဘော်များနဲ့ လူသစ်များကို အသေအချာ တွဲပြီး ဖလူး ခံစစ်စခန်းအတွက် အားဖြည့်ရန် ၆၅ ယောက်ကို ထုတ်နှုတ်ထားခဲ့သည်။ ပထမအသုတ် တပ်စုနှင့် သူကိုယ်တိုင် စုရပ်မှ စတင် ထွက်ခွာစဉ်မှာပင် မနက် အစောကြီး ၉ နာရီမှာ က/န ၀င်လာသည်။ စခန်းကို ပြန်လှည့်ရန်နှင့် တပ်ရုတ်ဆုတ်ခွာမှုအားလုံးကို ၂၄ နာရီအတွင်း အပြီး စီစဉ်ရန်။ သူကိုယ်တိုင် ၁၉၈၉ ဇွန်လမှာ တလလုံးနီးပါး တပ်စု တစုနှင့်အတူ ရန်သူကို ရင်ဆိုင်တိုက်ခိုက်ခဲ့ဖူးသော သည်ခံတပ်စခန်းကြီး ကျသွားပြီဆိုသော သတင်းကို သူ မယုံနိုင်။ တော့နော်- ဟု သူတို့ ခေါ်သော တပ်မဟာ(၆) စက်ကြီး (ဆသရ-ဗဟို) ကို သူလှမ်းခေါ်သည်။ (ဟုတ်တယ်- ဖလူး ကျသွားပြီ၊ ၂၄ နာရီအတွင်း စခန်းကို ဆုတ်ပါ...) ဟူသော အမိန့်ကိုသာရသည်။ ထိုအဖြစ်အပျက်သည် သူတို့ စခန်းအတွက် အချိုးအကွေ့ကြီးဖြစ်သည်။

ရှေ့တန်းသို့ ချီနေသည့် သူ့ စစ်ကြောင်းတခုလုံး နောက်တန်းစခန်းသို့ ခြေဦးပြန်လှည့်လာသည့် လမ်းမှာ အားလုံး တိတ်ဆိတ်။ မည်သည့် အသံတခုမျှ မထွက်။ နှလုံးသားတွေ ကွဲအက်နေသည်လား...။

အခြေချရာ စခန်းသို့ ပြန်ရောက်တော့ အနီးဆုံး အလုံခြုံဆုံး မွတ်ဆလင် စခန်း တခု ရှိရာ မောကဲရွာသို့ ဆုတ်ဖို့ ပြင်ရသည်။ မီးရှို့စရာ ရှိသည်များကို မီးရှို့၊ ဖျက်ဆီးစရာ ရှိသည်များကို ဖျက်ဆီး၊ မြေမြှုပ်ပစ်သင့်သည်များကို မြေမြှုပ် အတော့ကို အလုပ်ရှုပ်သွားကြသည်။ သို့သော်လည်း ကိုယ်တိုင် လက်ဖြင့် တည်ဆောက်လာခဲ့သော ဘားတိုက်များကို မီးရှို့ပစ်ကြဖို့ကိုတော့ သူတို့ အားလုံး မရှို့ပစ်ကြရဲ။ စခန်းမှာ ရှိရှိသမျှ လူအားလုံး မောကဲရွာသို့ ဆုတ်ခွာသွားပြီးပြီ။ သူနှုင့် သူ့ စစ်ကြောင်းမှ တပ်စု တစု သာ ကျန်နေခဲ့သော သေ့ဘောဘိုးစခန်းသည် တိတ်ဆိတ် ငြိမ်သက်လျက်.... ပထမဆုံး အကြိမ်အဖြစ် သူ့ စိတ်ထဲမှာ အားငယ်စိတ်များ ၀င်လာသည်။ ဖလူးပြီးတော့ ကျောက်ခက်၊ ကျောက်ခက်ပြီးတော့ သေ့ဘောဘိုး၊ သေ့ဘောဘိုြးုပီးတော့ ဝေါ်လေ၊ ဝေါ်လေပြီးရင်... ငါတို့ ဘယ်ကို ဆုတ်ရဦးမလဲ...။

---------------------------------------------------------------------------------

ဖလူး ကျလဲ ဘာဖြစ်မှာလဲ... ဘာမှမဖြစ်ပါဘူး...။ strategic post တခု ကျသွားသည့်အခါ နောက်ဆက်တွဲ ဘာတွေဖြစ်မည်လဲကို တပ်မှူးတိုင်း သိပါသည်။ ဖလူး ခံစစ်စခန်းဖြင့် ထိန်းသိမ်းထားနိုင်သော ထောက်ပံ့ရေးလမ်းကြောင်းအားလုံး ဆုံးရှုံးသွားသည်၊ လုံခြုံရေးအားလုံး ဆုံးရှုံးသွားသည်။ ရန်သူက တံခါးမရှိ ဓါးမရှိ ၀င်ထွက်နိုင်ပြီ ဆိုမှတော့ ဘာမှ မဖြစ်ပါဘူး မျက်စေ့မှိတ်ပြောလို့က မရတော့ပြီ။ အခြေအနေက ကိုယ့် အင်အားဖြင့် overtake ကလည်း ပြန်မလုပ်နိုင်တော့ အရာအားလုံးက mobile ဖြစ်ကုန်တော့သည်။ အရင်က သူတို့ အခြေခံစခန်းလေးက ခုအခါမှာ ကျီးနှင့် ခြောက်ခြောက်။ ကိုယ့်တပ်ကိုပါ body နှင့် မထားနိုင်တော့။ ပျောက်ကျား တပ်စိပ်တွေ အဖြစ် ခွဲထုတ်ရသည်။ ဆွဲဆန့်ရသည်။ ထိုအခါ... မဟာမိတ် ကေအဲန်ယူ တပ်စိတ်များနှင့် တွဲရသည့်အတွက် ကိုယ့် အင်အားတွေက ဟိုတကွက် သည်တကွက်.... မကဒတမှာ ကိုယ်ပိုင် လွတ်မြောက်နယ်မြေ မရှိသေးတာကို သူ အတော် စိတ်တိုသည်။ ခုလောဆယ်တော့ ရှိစေပေါ့လေ။

---------------------------------------------------------------------------------

သည်လိုနှင့် သည် ကွေ့ချိုးကြီးတခုမှာပဲ သူုကိုယ်တိုင် လွင့်စင်ထွက်သွားသည်။ တရက်သားမှာ မောင်လွမ်းဏီ-ဆိုသော ကဗျာဆရာနှင့် သူတွေ့လိုက်ချိန်မှာ နောက်ထပ် ကွေ့ချိုးကြီး တခုကို သူ တွေ့လိုက်ခြင်းဖြစ်သည်။ လူတိုင်းက ချစ်သော၊ လူတိုင်းနှင့် အလွမ်းတည့်သော မောင်လွမ်းဏီ။ သူနှင့် အလွမ်း မတည့်စရာ ဘာရှိမည်နည်း။ ကဗျာတွေကို ချစ်သော သူ့အတွက် သူရေးထားသော မဖြစ်ညစ်ကျယ် ကဗျာလေးတွေကို တခုပ်တရ ဖတ်ရှု ပြုပြင်ပေးသူ... သူ့ ကဗျာ လက်ဦးဆရာမှာ မောင်လွမ်းဏီဖြစ်လေသည်။ သူ့ကိုလည်း ညီအရင်းတယောက်လိုချစ်သော မောင်လွမ်းဏီ။ တခါတခါလည်း သူနှင့် မောင်လွမ်းဏီ အကြီးအကျယ် ရန်ဖြစ်ကြသည်။ မင်းဟာ... ဦးလှရွှေ သား မဟုတ်ဘူးဟု ပြောသော မောင်လွမ်းဏီ စကား အပေါ် သူအနာပေါ် ဒုတ်ကျဘူးသည်။ ကျနော်က ဘယ်သူ့ သားမှ မဟုတ်ဘူး ကိုလွမ်းဏီ-ဟု သူ အကျယ်ကြီး ပြန်အော်ဖူးသည်။ ဘာပဲဖြစ်ဖြစ် ကိုလွမ်းဏီသည် မကဒတမှာ တာဝန်ကျေပွန်နေနေဆဲ...။ ကျနော်ကသာ အဝေးမှာ။ သို့သော်လည်း ကိုလွမ်းဏီနှင့် ကျနော့် နှလုံးသားများ နီးနေသည်ကို ကိုလွမ်းဏီ သိပါသည်။

----------------------------------------------------------------------------------

ရာသီများ ပြောင်းသလို အချိန်ကာလများ အခြေအနများ ပြောင်းခဲ့ပြီ။
သို့သော်လည်း ကျနော်တို့ စိတ်များ ယုံကြည်ချက်များ မပြောင်းလဲသေးပါ။

လက်နက်ကိုင် တိုက်ပွဲဖြင့်သာ အဆုံးသပ်တိုက်ပွဲကို ရယူနိုင်မည်ဟု ယုံကြည်ခဲ့သဖြင့်သာ လက်နက်ကိုင် တော်လှန်ရေးလမ်းကြောင်းပေါ်ကို ကျနော်တို့ လျှောက်လှမ်းခဲ့ခြင်း ဖြစ်ပါသည်။

၂၃ နှစ်တာ ခရီးမှာ မကဒတ၏ အလံတော်သည် ယနေ့ထက်ထိ အမြင့်မားဆုံး လူးလွန့်လျက်...

တနေ့နေ့မှာ ရန်ုကုန်မြို့တော် ခမ်းမရှေ့မှ အလံတိုင်မှာ ကျနော်တို့ မကဒတ အလံကို လွှင့်ထူပါမည်...

(အောင်သာငယ်)

on Wednesday, October 12, 2011 at 6:56am

ဖြည့်ဆည်းစရာမလိုသော ကွက်လပ်များဖြင့် ခမ်းခြောက်နေသော လေဟာနယ်များ...

တနေ့တာ အလုပ် ပြီးသွားချိန်မှာ ကြမ်းပြင်ပေါ် ပစ်ချလိုက်သော အ၀တ်တစလို သူ ပုံကျသွားသည်။ သူ့ရင်သည် ဖုတ်လှိုက် ဖုတ်လှိုက် ဖြစ်သွားသည်။ အလိုလိုကို သူ မောဟိုက်နေသည်။ အလုပ်ပြီးသွားလို့ စိတ်ကိုလျှော့ချမိတာကြောင့်လည်း ဖြစ်နိုင်သည်။ လဲပြိုကျမလိုဖြစ်နေသော ခန္ဓာကိုယ်ပေါ်သို့ သူ့ ရိန်းကုတ်ကြီးကို စွတ်လိုက်ရင်း "ငါလည်း ခု တော့ တကယ့်ကို ပို့လန်းဒါး-ကြီး ဖြစ်နေပါ့လား" ဟု တွေးလိုက်မိသေးသည်။ ပို့လန်းသား မှန်လျှင် ကျောပိုးအိတ် တလုံး၊ ရိန်းကုတ်တထည်၊ ခေါက်ထီးတချောင်း၊ ရေဘူးတဘူး၊ ဘတ်စ်ပါ့စ်တခု၊ ဦးထုပ်တလုံး ရှိကိုရှိရမည် မဟုတ်လား။ ရိန်းကုတ်ကို ဇစ်တပ်ပြီးနောက် ကျောပိုးအိတ်ကို စစ်သားတယောက် လွယ်သလို သူလွယ်လိုက်သည်။ လွယ်ရင်းက သေနတ်တလက် ကျောပိုးအိတ်တလုံးနှင့် သူ့ အတိတ်က အရိပ်အချိန်တခုကို သတိရမိသွားသေးသည်။ ဘတ်စကားဂိတ်သို့ လှမ်းနေသော သူ့ခြေလှမ်းတခုနှင့်တခုအကြားမှာ သေနတ်သံတွေကို သူကြားနေရသည်။ လက်နက်ကြီး ကွဲသံတွေ။ သူငယ်ချင်း ယောဟန်အောင်၏ ကဗျာ... - ဗုံးသီးကွဲမြောက်၊ မောင်းပြန်ပေါက်ထွက်၊ အတွဲဆက်တွေ... ဆူပွက် အော်ဟစ်၊ ပစ် ပစ် ပစ်ကြ... ဖေါက်ပြန်သူတွေ- တို့ပစ်ရမယ်... - သူ့ သွေးကြောတွေ တင်းကနဲ ဖြစ်သွားသည်။ သူ့ ကျောပိုးအိတ်ထဲမှာ ပါလာသည့် ၀ိုင်အနီပုလင်းကြီး နှလုံးကို အာရ်ပီဂျီ-ဆဲဗင်း ဒုံးကျည် နှစ်လုံးလို လက်ပြန် ယောင်ရမ်း လှမ်းဆုပ်လိုက်မိသေးသည်။

----------------------------------------------------------------------------------

ဘတ်စကားဂိတ်သို့ သူရောက်တော့ မည်သူမျှ မရှိသေး။ ကားဂိတ်က ခုံတန်း ၂ ခုအနက် ညာဖက် ခုံတန်း အစွန်းမှာ သူ ထိုင်ချလိုက်သည်။ ဘောင်းဘီအိတ်ထဲမှ အိုင်ဖုန်းကို ထုတ်ကာ Bus Stop ID No. ကို TriMet Message ထဲ ရိုက်ထည့်လိုက်တော့ ၁၉ မိနစ် စောင့်ရမည်-ဟု ပေါ်လာသည်။ နောက်တော့ မိန်းမ တယောက် ရောက်လာပြီး တဖက် ခုံတန်းမှာ သွားထိုင်သည်။ စီးကရက် အနံ့ကို ဆိုးဆိုးရွားရွားရလာသဖြင့် သူ လှည့်ကြည့်မိတော့ ထို မိန်းမ လက်ထဲက စီးကရက်ကို မြင်သည်။ "ဟင်း... စီးကရက်အနံ့ရလို့ ကြည့်လိုက်ရင် မိန်းမတွေချည့်... " သူ့ ဘာသာ စိတ်ထဲက ပြောလိုက်မိသေးသည်။ သူကိုယ်တိုင်လည်း ဆေးလိပ်သောက်သူ တယောက် ဖြစ်ခဲ့ဖူးသည်။ သို့သော်လည်း လွန်ခဲ့သည့် ၁၂ နှစ်က သူ ဆေးလိပ် ဖြတ်ခဲ့သည်။ တရက်တည်းနှင့် ဖြတ်ခဲ့ခြင်းဖြစ်သည်။ ဆေးလိပ်ဖြတ်ပြီ-ဟု သူဆုံးဖြတ်လိုက်သည့် အချိန်မှာ သောက်လက်စ စီးကရက်ဘူး၊ အသစ်ချပ်ချွတ် နောက်တဘူးနှင့် ဇစ်ပိုမီးခြစ်-ကိုပါ အမှိုက်ပုံးထဲ သူ လွှင့်ပစ်ခဲ့သည်။ ယနေ့ထက်ထိ လုံးဝကို သူပြန်မသောက်တော့။ ဖြတ်စရာ ရှိလျင် သူက အပြတ်ဖြတ်တတ်သူပေပဲလား။ သူ့ဘာသာသူလည်း သေချာ ရေရာ မသိပါ။ သေချာတာကတော့ ဆေးလိပ်ကို တရက်တည်းနှင့် ဖြတ်ခဲ့တာတော့သေချာသည်။ နောက်ထပ် ဘယ်အရာတွေကို သူ အပြတ်ဖြတ်ရဦးမည်နည်း။ သူမသိသေးပါ။

----------------------------------------------------------------------------------

ဘတ်စ်ကို စောင့်နေဆဲ လမ်းထောင့်ချိုးအကွေ့မှ မည်းကနဲ တစုံတခုက ရုတ်တရက် ပေါ်လာတော့ သူ လန့်ဖြတ်သွားသည်။ ပြိုင်စက်ဘီးတစီးနှင့် လူတယောက်။ စက်ဘီးပေါ်မှ ဆင်းပြီး စက်ဘီးကို ကားဂိတ် နံရံမှာ ထောင်ကာ ခုံတန်းမှာ ထိုင်တော့မှ သေချာကြည့်မိသည်။ လူငယ် တယောက်၊ သူ့သားကြီးထက် ကြီးလှမှ ၃-၄-၅ နှစ်ပေါ့။ နေပါဦး... မျက်နှာကိုကြည့်ရတာ ဆံပင် တိုပေမယ့် မိန်းကလေးလိုပဲ။ သူ နောက်ထပ် တခါ သေချာ ပြန်ကြည့်တော့ လူငယ်က သူ့ကို ပြန်ကြည့်သည်။ သူ မျက်နှာ လွှဲလိုက်သည်။ မိန်းမချောချောတဲ့ ယောက်ျားလေးလား... ။ စပ်စုချင်စိတ်တွေက သူ့ရင်ထဲ တဖွားဖွားပေါ်နေသည်။ တကယ်ဆို- ဒါက သူ့ အလုပ်မှ မဟုတ်တာ။ ဘာကြောင့် ကျား-လား ... မ-လား... ငါက သိချင်နေရတာတဲ့လဲ။ သူ့ဘာသာသူ မေးရင်း မသိမသာ လူငယ်ကို လှမ်းကြည့်လိုက်မိသည်။ ခန္ဓာကိုယ် အဆက်အပေါက်ကတော့ ယောကျာ်းလေး မဟုတ်တာ သေချာသည်။ အင်း... ခက်တော့တာပဲ။ Are you boy or girl - ဟု သွားမေးလို့ကတော့ ပါးရိုက်ခံရမှာ သေချာသည်။ တခုခုပေါ့ကွာ... မင်းအလုပ် မဟုတ်ဘူး... ကားစောင့်မှာသာ စောင့်နေ... အရစ်တွေ မရှည်ချင်နေနဲ့... - ဟု သူ့ကိုယ်သူ အသံတိတ် ဆဲလိုက်သည်။ ဆဲနေရင်းကကို... "အင်း... သေချာပါတယ်... အဲဒါ ကောင်မလေးပါကွာ... " - ဟု စိတ်ထဲက ပြောဖြစ်အောင် ပြောလိုက်မိသေးသည်။ တကယ်တော့ သူလည်း မသေချာပါ။ မိန်းမချောချောတဲ့ ယောက်ျားလေး တယောက် ဖြစ်နိုင်သလို... ယောက်ျားလေးဆန်သော မိန်းကလေး တယောက်လည်း ဖြစ်နိုင်ပါသည်။

---------------------------------------------------------------------------------

သည့်နောက်တော့ ဘာတွေ ဘယ်လိုဖြစ်သည် သူမမှတ်မိတော့။ မီးနီ မီးပြာတွေ သူ့ မြင်ကွင်းမှာ လက်လက် ထသွားတော့မှ သူ့ အသိစိတ်က သူ့ ဆီ ပြန်ဝင်လာသည်။ သူ သတိပြန်လည်လာခြင်းလား။ မဟုတ်ပါ။ သူက သတိလစ်မသွားပါ။ တကယ်တော့ သူ့ အကြည့်က မီးပွိုင့် အလည်ခေါင်ကို ရောက်နေသည်။ သို့သော်လည်း ဘာကိုမျှ မြင်ပုံမပေါ်။ မီးနီ မီးပြာများဖြင့် ဆေးရုံကားတစီး... ရဲကားတစီး သူ့မြင်ကွင်းထဲ ရောက်လာတော့မှသာ သူက အသိစိတ်ဆီ ပြန်ရောက်သွားခြင်းဖြစ်သည်။ သည် အရေးပေါ်ကားများ မလာမီ သူက ဘယ်ဆီ ရောက်နေသည်လဲ။ ဘယ်ကိုမျှ မရောက်ပါ။ ဘတ်စ်စတော့ပ်မှာ ထိုင်နေခြင်းပါ။ သို့သော်လည်း သူ့ အကြည့်များ၏ လားရာမှာ မီးပွိုင့် အလည်ခေါင်တည့်တည့်သာ ဖြစ်သည်။ တမင်တကာလည်း သူ မကြည့်ပါ။ သူ့အကြည့်များကလည်း ရည်ရွယ်ချက် မရှိပါ။ ကြည့်စရာ မရှိသော မီးပွိုင့်အလည်တည့်တည့်ကို သူကြည့်နေမိသည်ကလည်း ရည်ရွယ်ချက် ရှိရှိ မဟုတ်ပါ။ သေချာသည်ကတော့ သူက စိတ်နှင့် လူ မကပ်ခြင်းသာ ဖြစ်မည်။ သို့ မဟုတ် သူ့ အသိစိတ်နှင့်သူ ခေတ္တခဏ အဆက် အသွယ် ပြတ်သွားခြင်းလည်း ဖြစ်နိုင်သည်။ သို့မဟုတ် မသိစိတ်က အသိစိတ်ကို အနိုင်ယူသွားတာလည်း ဖြစ်နိုင်သည်။

ခုတော့ အရာအားလုံး ရှုပ်ထွေး နေကြလေပြီ။

---------------------------------------------------------------------------------

ကျနော့်ကို ၀ိုင်အနီ တခွက်လောက်တိုက်ပါ...
ဗန်ပိုင်းယားတွေ သွေးသောက်သလိုမျိုး...
ကျနော့် ခြောက်သွေ့မှုတွေကို ကျနော် သောက်မယ်...

သူ့ ကဗျာ တပုဒ် အတွက် အစပျိုးထားသော ၀ါကျ တခုကို...
သူသည် သူ့ဘာသာ အလိုလို... ခြောက်ခြားနေလေသည်...။

ထိုနေ့က လမထွက်ပါ...
ထိုညမှာ နေမပွင့်ပါ...
ကမ္ဘာကြီးသည်
၂၃ နှင့် နှစ်ပိုင်းတပိုင်းဒီဂရီစောင်းကာ
လည်မြဲ လည်နေပါ၏၊

atn

on Sunday, October 9, 2011 at 11:42pm

ဟိုးအမြင့်ဆုံးနံရံတွေပေါ်မှာ လွတ်လပ်မှုကို ကျနော် ယူခဲ့တယ် မေမေ...

ကျနော်ဟာ လူဆိုး မဟုတ်သလို...
ကျနော်ဟာ လူကောင်းလည်း မဟုတ်ပါဘူး မေမေ...

အများအကျိုး ဆောင်ခဲ့ဖူးသလို
အတ္တကိုလည်း အစွမ်းကုန် ကြီးထွားစေခဲ့ဖူးပါတယ်....

ငယ်ငယ်တုန်းက လိမ္မာခဲ့သလောက်....
အသက်ကြီးလာလေလေ တစောက်ကန်း မိုက်ကန်းနေဆဲပါ...

တခြား လူတွေကို ကျနော် လိမ်ရင် လိမ်မယ်...
ကျနော့်ကိုယ် ကျနော် ဘယ်အခါမှ မလိမ်ဘူး...

လူမြင်ကွင်းမှာ သူရဲကောင်းကြီး ဘယ်တုန်းကမှ
ကျနော် မလုပ်ခဲ့ဖူးဘူး...

ကျနော့် ကို အထင်ကြီး အမြင်ကြီးအောင်
စကားလုံးကြီးကြီးတွေ ကျနော့် နှဖူး ရင်ဘတ်မှာ
ဘယ်တုန်းကမှ ကပ်မထားခဲ့ဖူးဘူး...

ကျနော့်ကို အထင် အမြင်သေးမှာကိုလည်း
နည်းနည်းလေးမှကို စိတ်မ၀င်စားဘူး...

ကျနော့်အောက်စီဂျင်ကို ကျနော် ရှူနေရတာပါမေမေ...
သူတပါး အထင် အမြင်တွေ ကျနော်က ဘာလို့ ရှူသွင်း သယ်ဆောင်နေရမလဲ...

လူတွေဆိုတာ ခေါင်းနဲ့ပန်းလို...
အားလုံး နှစ်ခြမ်းရှိကြတာပါပဲ...

လူအများစုက အမှောင်ခြမ်းကို
ဖုံးလွှမ်းထားတတ်ကြတာပဲ မဟုတ်လား... မေမေ...

ကျနော့်မှာတော့ ဘာကိုမှ ဖုံးလွှမ်းလိုစိတ်မရှိဘူး....
ကျနော့် အဖြူအမည်း နှစ်ခြမ်းလုံးကို တံခါးဖွင့်ထားတယ်...

ကြီးကြီးကျယ်ကျယ် စာတွေ ကဗျာတွေ ကျနော် မရေးဘူး...
ကျနော့် နှလုံးသားနဲ့ ခံစားရတာတွေပဲ ကျနော် ရေးတယ်...

ကျနော့် စာတွေ ကဗျာတွေကြောင့်
ကျနော့်ကို အထင်ကြီးခြင်း သေးခြင်းတွေကိုလည်း ကျနော်က သယ်ဆောင်မထားဘူး...

ကျနော်ဟာ ထောင်ဖောက်ပြေးခဲ့သူတဦးပါ... မေမေ...
လူတကာကို ချုပ်နှောင်တဲ့ အထင်ကြီးခံလိုခြင်း အထင်သေး မခံလိုခြင်း အကျဉ်းထောင်ကို
အောင်မြင်စွာ ကျနော် ဖောက်ခဲ့ပြီ မေမေ...

ယောနသန်ဇင်ယော်လို ဟိုးအမြင့်ဆုံးနံရံတွေပေါ်မှာ
ကျနော် ပျံသန်းရပ်နားနေပြီမေမေ...

atn

ဧရာဝတီမြစ်ကို ကျနော် ချစ်တယ်... မဟင်္သာ....

အက်စ်တိုးရီးယားနဲ့ ကိုလံဘီယာမြစ်ကိုတောင်
ကျနော် ချစ်ခဲ့ပါတယ်... မဟင်္သာ...

မန္တလေးတောင်နဲ့ ဧရာဝတီမြစ်ကိ်ု
ကျနော် မချစ်ပါဘူးလို့...
ဘယ်လို အရူးကမှ ပြောလို့ မရပါဘူး ....

မြစ်မင်း-ဧရာ ခွေကာဝိုင်းလို့
စစ်ကိုင်း အောင်ခြာမြေ...
ရေလှိုင်းလေးတွေ နေရောင်ဖျူးတော့
ရွှေရောင်လူးကာနေ...
ငွေတောင်ဦးမှာ ရှုမျှော်ခင်းနဲ့ မြစ်တွင်း သံသာပေ...

ဧရာဝတီကို
ဖွဲ့ဆို တေးသွားများ...
ကျနော်တို့ နှလုံးသွေးတွေကြားမှာ
လူးလားခေါက်တုန့်...

ကျနော့် ပုံချထားတဲ့ နေ့ရက်တခုမှာ
ဧရာဝတီက ဇာတ်လိုက်ကြီး...

ဧရာဝတီ...
ဧရာဝတီ...

ဧရာဝတီ...
ဧရာဝတီ...

တည်ြငိမ်တဲ့ သူ့ရဲ့ ရေအလျဉ်
ရင်ကျက်တဲ့ရေပြင်...

ကျနော် ရင်နာနေမိပေါ့ မဟင်္သာ...

ကျနော့ အကိုကြီး ခင်ဝမ်းကို...
ကျနော် လွမ်းပါတယ်...

ဧရာဝတီရယ်...
အောင်သာငယ်....
ဘာပြောရမယ် မသိတော့ဘူး....

နံရံကို လက်သီးနဲ့ ထိုးမိတော့မယ်...

တကယ်တမ်းမှာတော့...
ငါဟာ
လေထုကို တိုးခွဲ ဖြတ်ထွက်သွားနေတဲ့
သေနတ်ကျည်ဆန်တတောင့်ပါ...

ငါ့ကို ပစ်ဖေါက်လိုက်ပြီဆိုတော့
ငါက နောက်ပြန်လှည့်လို့ မရတော့ဘူးလေ...
ရှေ့ဆက်တိုးဖို့သာ ငါ့ ပြက္ခဒိန်...

ငါ့ မေးခွန်း တချို့က...

ကျည်ဆံတတောင့်အဖြစ်
ငါက ဘယ်သေနတ်ပြောင်းရင်းထဲ...
ဘာအကြောင်းကြောင့်
မောင်းသွင်း ခံထားခဲ့ရတာတဲ့လဲ...

အဲသည့် သေနတ်ကို
ဘယ်သူက...
ဘာအကြောင်းကြောင့်
မောင်းတင်ပစ်ဖေါက်လိုက်ရတာတဲ့လဲ....

ငါက ဘယ်ပစ်မှတ်ကို
ဘာကြောင့် သွားရောက် ထိမှန်ရမှာတဲ့လဲ...

atn

သတိရတယ် မာရီယာ...

ညှာတာသောအားဖြင့်
အပြင်းစား သုခ တချို့ ငါ့အားပေးပါ့...
ဘ၀အား ရင်ခုန်ချင်နေသော ငါ့နာရီလက်တန်တွေ
သွက်သွက်လည်အောင် မြန်နေပြီ... မာရီယာ....

ကိုယ့်ဘာသာကိုယ် ပေးထားတဲ့ ဘွဲ့တံဆိပ်တွေကို
အရူးဗိုလ်ချုပ်တွေလို
သူတို့ ရင်ဘတ်မှာ
အလကားမတ်တင်း ချိတ်ဆွဲထားတာမျိုး မဟုတ်ဘူး...

ငါ့... အသက်တာ တခုလုံးမှာ...
ချိတ်ဆွဲလို့ရတာတွေ အားလုံး...
ငါ့ ဘ၀ကြီးတခုလုံးနဲ့ လဲလှယ် ချပ်ရပ်ပြီး...
ငါ့ရင်ဘတ်မှာ
ချိတ်ဆွဲခဲ့ပါတယ်... မာရီယာ...

လူသားချင်း စာနာမှု...
ကုသိုလ်ကောင်းမှု...
ကိုယ်ချင်းစာမှု...
အများအကျိုးဆောင်မှု...
ကိုယ်ကျိုးစွန့်လွှတ်မှု...

ထွက်မြောက်ရာလမ်းဟာ
ငါ့ရင်ဘတ်ပေါ်မှာတော့ မဟုတ်တော့ဘူး...
ဒါကိုလည်း ...
ငါ ကောင်းကောင်း သိတာပေါ့... မာရီယာ...

ဘုရားသခင်လည်း ငါ မဟုတ်တော့...
နေရာတကာ... ဖြစ်စေ-လို့ ငါ ရွတ်ဖတ်လို့ မရဘူးလေ...

နေ့စဉ်ရက်ဆက် မဟုတ်လည်း...
ကျိုကြား ကျိုကြား ဖြစ်စေဦး...
နင့်ကို သတိရနေဦးမယ်... မာရီယာ...

မလွတ်မြောက်နိုင်သေးသရွေ့...
နင်နဲ့ ငါဟာ...
အတူတူပါပဲ... မာရီယာ...

ခုရက်တွေထဲ
နင့်ကို... ငါ...
လေးထောင့်ဆန်ဆန်
သတိရမိနေပြန်ပေါ့... မာရီယာ...

atn

စခီဇိုဖရီးနီးယား-၂

စိတ်-ပါဆိုမှကွယ်...
ဆိတ်-လိုပေါ့...
ဆိတ်က မနားတမ်း ၀ါးသလို
စိတ်-ကလည်း မနားတမ်းသွားတယ်...
ဗီဇာ မဆောင်ဘူး...
ဇီဇာ မကြောင်ဘူး...

နေ့မဆိုင်း ညမဆိုင်း
စက္ကန့်တိုင်းမှာ...
ဗမာပြည်ကို အလည်ပြန်ချင်လည်း ပြန်တယ်...
ပြန်တိုင်းလည်း (နေ့ခင်း အိပ်မက်) ထဲမှာ...
ကဲ... မခက်ပါလား... ကွယ်တို့...
စိတ်-ဟာ အဲသလို...

သွားရင်းလာရင်း ခလုပ်တိုက်...
ရီးစားဦးကို သတိရလိုက်မိတာကလည်း... စိတ်...
သုံးရင်း ဖြုန်းရင်း ပိုက်ဆံပြတ်တော့
နောက်ဆုံးဖြတ်ခဲ့တဲ့ ရီးစားကို သတိရမိသွားတာကလည်း... စိတ်...
ကားမောင်းရင်း မီးပွိုင့်နီသွားတဲ့အခါ
ကားလေးတစင်းကို ၀ယ်ရင် ဘရိတ်ပါပါစေ-လို့
နော်လီဇာ သီချင်းကို ဆိုဆိုပြတတ်တဲ့ ရီးစားကို
သတိရမိသွားတတ်တာကလည်း... စိတ်....

ကွန်ပြူတာ မှတ်ဥာဏ်... တပ်ဆင်...
ဘိုင်နရီစစ်စတမ်... ကျင့်သုံး...
အသွား-အပြန်... ခရီးလွန်...
အွန်-အော့ဖ်... ခလုပ်များ... ဖွင့်-ပိတ်...
အဲသည်လို... စိတ်... တွေ...

စတြာတိုစဖီးယား...
ဘလော်ဂိုစဖီးယား...
စခီဇိုဖရီးနီးယား...

အသံတွေ ကျယ်လောင်စွာ ကြားနေတယ်...
ငါ့ကို စကား မပြောကြပါနဲ့တော့...
ပါရာနွား-တွေ ငါ့ကို ကိုက်နေတယ်...
ဖိုဘီးယား-တွေ ငါ့ကို ကိုက်နေတယ်...

း((

atn

စခီဇိုဖရီးနီးယား-ကို ဖတ်ချင်ရင်တော့ သည်မှာပါ...

မီရှဲလာ၊ နာတာလျာ၊ မာရီယာ နဲ့ ငါ...

နင့် ဆံပင် ကောက်ကွေးလေးတွေကို ကြည့်လို့ရှုလို့ အကောင်းဆုံးဖြစ်အောင်
ဆင်ယင်ထုံးဖွဲ့လိုက်ပါဦး မီရှဲလာ...
တော်နေကြာ အလုပ် ပြုတ်တော့မလို မျက်နှာမျိုးနဲ့
နင် မဲ့တဲ့တဲ့ ဖြစ်နေတာမျိုး ငါ မမြင်ချင်ပါဘူး...
ပြီးတော့ နင် ပန်နေနေကျ ပန်းအ၀ါရောင်ကြီးကိုလည်း ပန်မလာပါနဲ့တော့...
ခုတလော ငါ ခေါင်းနောက်နေလို့ပါ...

ကောင်းသော နေ့လည်ခင်းပါ နာတာလျာ...
ခုတလောမှာ နင့်ကို ငါ နှုတ်မဆက်ဖြစ်တာ ကြာပြီ...
ငါကလည်း သိပ် အလုပ်မအားသူပါ...
နင်ကလည်း သိပ် အလုပ်များသူပါ...
ငါကလည်း သိပ် မပြုံးတတ်သူပါ...
နင်ကလည်း တချိန်လုံး ပြုံးနေသူပါ...
နင့် မျက်နှာဖြူဖွေးဖွေးလေးဟာ ချစ်ဖို့ သိပ်ကောင်းတယ်...
ကျေးဇူးပြုပြီး ထပ်မပြုံးပါနဲ့တော့ သူငယ်ချင်းလေး... နာတာလျာ...

နေ့လည်စာ စားရင်း ချက်ချင်း နင့်ကို သတိရလာတယ် မာရီယာ...
နောက်ဆုံး ညစာ စားပြီးကတည်းက စိတ်ကောက်ထားကြတယ် နင်နဲ့ ငါ...
ဒါမယ့် ငယ်ဘ၀က စေ့စပ်ပြေငြိမ်းရေး ဂိမ်းကလေးများ...
ငါးပြေမလား... သက်သက်လား...
ပြီးခဲ့တာတွေ ထားလိုက်ပါတော့ မာရီယာ...
တကယ်မှာက တို့ နှစ်ယောက်ဟာ မောင်နှမတွေပဲ မဟုတ်လား...
အမြင်ကပ်မှု အမှတ်တံဆိပ်များကို
နင့် နံရံတွေပေါ်မှာ ငါ မချိတ်ဆွဲတော့ပါဘူး... မာရီယာ...
ငါ့ကို ခွင့်လွှတ်ပါ...

ဘာမှလည်း မဟုတ်ပါ...
စိတ်ညစ်စရာတွေ လာရင်...
နင့်ဂစ်တာသံ တိုးတိုးလေးနဲ့
နင့်သီချင်းအေးအေးလေးတွေကို တမ်းတနေမိရော မီရှဲလာ...

ဘာမှလည်း မဟုတ်ပါ...
စိတ်ညစ်စရာတွေ လာရင်...
နင့် ပျာယီးပျာယာအားလုံးနဲ့
နင့် အပြုံးလေးတွေကို တမ်းတနေမိရော နာတာလျာ...

ဘာမှလည်း မဟုတ်ပါ...
စိတ်ညစ်စရာတွေ လာရင်...
နင့် စာ ကဗျာတွေနဲ့
နင့်ရဲ့ ဂျစ်တီးဂျစ်ကန်
အငြင်းသန်တတ်တာလေးတွေကို တမ်းတနေမိရော မာရီယာ...

atn

Blog Day 2011 အမှတ်တရ

ကျနော် ဘလော့စရေးတော့ ၂၀၀၇ ခုနှစ် ဒီဇင်ဘာလ ၆ ရက်ပါ... ခု ဆို ၄ နှစ်နီးပါး ရှိပြီပေါ့...

ကိုယ့်ကိုယ်ကို ဘလော်ဂါတယောက်ပါ-လို့ ပြောနိုင်အောင်ကလည်း blogspot.com မှာ အကျွမ်းတ၀င် ဖြစ်နေခဲ့ပြီး post တွေ ရာကျော်အောင် ရေးပြီးမှသာ... ပြောရဲခဲ့တာပါ...

သို့သော်လည်း... မြန်မာ ဘလော့ဂါတွေ အကြောင်းကို ကျနော်က သိပ်မသိသူပါ... ဘာလို့ဆို.... ယေဘုယျ မြန်မာဘလော်ဂါတွေလို ကျနော်က ဘလော့-ဆိုတာကြီးကို တွေ့ဆုံ ဖက်တွယ် ချစ်ခင် ရင်းနှီး သံယောဇဉ်ကြီးခဲ့ရတာမျိုး မဟုတ်လို့ပါ...

တကယ်ဆို ၃ နှစ်ကျော် ဘလော့ဂင်းခဲ့ အပြီးမှာ... ကျနော် ဘာတွေရခဲ့လဲ-လို့... ကိုယ့်ဘာသာ ပြန်မေးခဲ့ဖူးပါတယ်...

ကျနော့် ဘလော့ကို ဘာဆုလဲမသိပေးမယ့် စာရင်းထဲထည့်တာ ကြုံဖူးပါတယ်... ကျနော် သွားပြောခဲ့တယ်... အဲသည်စာရင်းထဲက ကျနော့်ကို ဖယ်ပေးပါ-လို့...

ကျနော် ဘလော့ရေးတာ... ကျနော့်အတွက် ကျနော်ရေးတာပါ... (အင်း... အငြင်းအခုန်တွေ ဖြစ်မှာ စိုးလို့... ကျနော် ရေးခဲ့ဖူးသမျှ ဘလော့နဲ့ ပတ်သက်တဲ့ လင့်တွေကို နောက်ပိုင်းမှာ စာရင်း လုပ်ထားပေးပါ့မယ်...)

တခါတခါ စိတ်ကောင်းဝင်တဲ့အခါ... အကြည်ဓါတ်ကလေးတွေ ရွာတဲ့ ပို့စ်တွေ ကျနော် ရေးတယ်...

တခါတခါ အညှီဓါတ်တွေ ကျနော့် လက်ပေါ် နံဟောင်တဲ့အခါ... ဆဲစာတွေလည်း ကျနော်ရေးတယ်... (ခုတော့ ခင်ဗျားတို့တွေ မမြင်ရပါဘူး... ကျနော်က blogspot.com မှာ draft ပြန်လုပ်ထားလို့ပါ...း)

------------------------------------------------------------------------------------
ကျန်တဲ့... ဘလော်ဂါတွေတော့ ဘာလို့ ဘလော့ရေးကြလဲ.... မသိပါဘူး... ကျနော်ကတော့ ခံစားရလို့ ရေးပါတယ်... ရေးတိုင်းလည်း စိတ်ထဲရှိတာ ရေးပါတယ်... ကျနော့် ရေးတဲ့ စာတွေကြောင့်... ကျနော့်ကို... လူ အထင်ကြီးခြင်း သေးခြင်းကို စိတ်ထဲမှာကို မရှိတာပါ...
ကျနော့်ကို ဘလော့က စာတွေဖတ်ပြီး ချစ်တဲ့သူတယောက်က ကျနော် စိတ်နောက်နေတဲ့အခါ တကယ်ကြီး အနားမှာ လာအားပေးပါ့မလား... (နိုးဝေးလေ... ကျနော် သိတာပေါ့....း)

ခု ရေးနေတာကလည်း တကယ်တော့ ကျနော် ရေးချင်လို့ ရေးနေတာ မဟုတ်ဘူး... ကိုအောင့်ကြောင့်ပါ...

ကျနော့် ဘလော့မှာ ကျနော် စာတွေ မရေးတာ အတော်ကြာနေပါပြီ... ခုက ကိုအောင့်ကြောင့် ကြိုးစားရေးလိုက်တာပါ...
--------------------------------------------------------------------------------
ဘလော့နဲ့ ပတ်သက်သမျှ ကျနော် ရေးထားဖူးတာလေးတွေကို အောက်မှာ စာရင်းတို့ထားလိုက်ပါတယ်...
ဖတ်ချင်လည်း ဖတ်... မဖတ်ချင်လည်း ရပ်...

(၂) နှစ်ပြည့် အကြို မှတ်တမ်း


ဘလော့တထောင်၊ ဆောင်သင့်သည်များနဲ့ ရပ်တန့်သွားသောစာမျက်နှာများ


အဖြူရောင်တခုအတွက် ကျနော် ပြန်လာခဲ့တယ်

ရင်ထဲရှိတဲ့ မှတ်တမ်း

ပျောက်ဆုံးသွားသော ဥယာဉ်မှူးသို့

အနုပညာသမားများအကြောင်း တစေ့တစောင်း

တက်ဂ်လို့ရေးတဲ့စာ-၈ (သို့မဟုတ်) ကျနော်တွေ့ဖူးချင်သူများ

တက်ဂ်လို့ရေးတဲ့စာ-၅

တက်ဂ်လို့ရေးတဲ့စာ-၄

တက်ဂ်လို့ရေးတဲ့စာ-၁


ကံအကောင်းဆုံးလူတယောက်ရဲ့ဖွင့်ဟ ၀န်ခံချက်

ဘယ်သူ့ကိုမှ မတွေ့ချင်တော့ဘူး

ပြန်စီကြည့်မိသောခြေရာများ

အပြုံးကိုဆောင်ပြီး နှလုံးသားကို အလှဆင်ကြပါ


ကမ္ဘာထဲက ဘလော့။ ဘလော့ထဲက ကျနော်တို.

ဘ၀ဆိုတာ တိုတိုလေး ချိုအောင်နေကြ

အပြုံးကိုဆောင်ပြီး နှလုံးသားကို အလှဆင်ကြပါ

ကမ္ဘာထဲက ဘလော့။ ဘလော့ထဲက ကျနော်တို.

atn

သတိရတယ်... အင်ဒရီယာ...

မေ့လျော့ခြင်းနဲ့ပဲ သတိရနေမှုကို လှလှပပကြီးကို ထုဆစ်ခဲ့တယ်... အင်ဒရီယာ...
တို့ နှစ်ယောက်ကြားက အထီးကျန်နေမှုကို သိပ် မကျယ်လောင်နေစေနဲ့...
နေသာတဲ့ နေ့တွေမှာ ကျီးတွေ အာသလိုမျိုး... ဆူညံယောက်ယက်ခပ်နေအောင် လွမ်းခဲ့တယ်...
ဝေဒနာဆိုတဲ့ လက်ဆွဲခြင်းကို ညာဖက်လက်မှာ လေးလေးပင်ပင် ဒယဥ့်တိုက် ဆွဲလို့... တမ်းတခြင်းဈေးတန်းထဲ... ခေါင်းပေါက်အောင် ဒေါင်းတောက်ခဲ့ပါတယ်... အင်ဒရီယာ...
နင် ဘယ်မှာလဲ... နင် ဘယ်မှာလဲ... ဘိုဘိုဟန်-သီချင်းကို... ဟစ်...
ဈေး မဆစ်တော့ဘူး... အင်ဒရီယာ... ရရာ ဈေးနဲ့သာ ၀ယ်ပါရစေ...
ပျော်ရွှင်မှုများကိုသာ... ငါ့အား ရောင်းပါ့...
အဲသလို ပြဇာတ်ဆန်ဆန် စကားတွေ ပြောမယ်... အင်ဒရီယာ...
ပင်လယ်ရဲ့ အဆုံးကို... ရူးရူးနှမ်းနှမ်းနဲ့... မိုက်မိုက်ကန်းကန်း လိုက်ရှာနေမိတဲ့ မြစ်ဟာ... ငါပေါ့ ... အင်ဒရီယာ...
ဒေ၀ါလီ ခံတော့မယ့် သစ်ခွတွေကိုမှ...
ကြွေးဟောင်းဆပ်နေရတဲ့ အထီးကျန်ဥယာဉ်ကြီးထဲမှာ ... လှလှပပကြီးကို ပျိုးမိတာ.... ငါ့မိုက်မဲမှုပါလို့....
လူမိုက်ကြီး တချို့... တီးတိုး အတင်းအဖျင်း... သတင်းစာရှင်းလင်းပွဲ .... လုပ်ကြလေဦးမလား...
ဘယ်လိုပဲ ဖြစ်ဖြစ်... ဖိနပ်စီးမထားတဲ့ အချစ်ဟာ
လက်ဝှေ့ကြိုးဝိုင်းထဲမှာ.... နင့် ရီးစားဟောင်းတွေနဲ့ ရန်ဖြစ်တယ်... အင်ဒရီယာ..
မနေ့ညက သောက်ခဲ့မိတဲ့ ၀ိုင်တွေဟာ.... အဆိပ်တွေလို မချိုဘူးလို့...
ရွှေတိဂုံဘုရားရဲ့ အင်္ဂါထောင့်တိုင်းမှာ.... မူးမူးရူးရူးနဲ့.... ရေရွတ် ရေးထိုးမယ်...
အကုသိုလ်တွေ အထပ်ထပ် တိုးလည်း.... ငါက မမှုတော့...
ပြီးတော့.... ငါ့ အခန်းနံရံတွေမှာ..... ရန်သူစာရင်းကို... အကြွေးစာရင်းတွေလိုမျိုး.... ကပ်ထားမယ်... အင်ဒရီယာ..
အမှတ်တရတွေကို ... အမှုမဲ့ အမှတ်မဲ့လိုလို .... မှတ်မှတ်ရရ တမင်တကာ ရည်ရွယ်ချက်ရှိရှိ
အစီအစဉ်တကျ မေ့လျော့နေရတာကိုကလည်း.....
အမေ့ အိမ်ပေါ်ကနေ..... အမြင်ကပ်ကပ်နဲ့..... အဖေက ကန်ချလို့..... ခေါင်းနဲ့ ဆင်းရသလိုမျိုး....
ကိုးယိုးကားယားနိုင်တယ်... အင်ဒရီယာ..
အ၀တ်တထည် ကိုယ်တခုနဲ့ လမ်းမပေါ်မှာ.... ကဗျာဆန်ဆန် မျက်နှာငယ်နေလိုက်ရပုံများ... အင်ဒရီယာရယ်...
လုပ်ချင်တာတွေကို လုပ်ပြီးသွားတဲ့..... ပျားရေဓါးသွားပေါ်မှာ
မလုပ်ချင်တာတွေကိုလည်း..... ဘယ်တော့မှ..... ငါ မလုပ်ဘူး... အင်ဒရီယာ...
လိမ်လိမ်မာမာ မိုက်မဲနေသူဟာ... ဟောသည့် ကမ္ဘာကြီးမှာ..... ငါတယောက်တည်း ရှိရဲ့...
ဓါးသွားထက်က ပျားရည်စက်ကို.... ငါ လျက်မယ် ထင်သလား...
ဒဏ်ရာရထားတဲ့ ခြင်္သေ့တကောင်လိုပဲ..... ငါ့အနာတွေကို.... ငါ့လျှာနဲ့ ငါလျက်မယ်... အင်ဒရီယာ...
ခုညတော့.... အပြာရောင် ဒိန်ခဲ တချပ်ကို ..... အမှုမဲ့အမှတ်မဲ့ ပါးပါးလှီးစား...
ပြီးတော့မှ... ငါ သတိရမိသွားတာ နင်ပေ့ါ... အင်ဒရီယာ...
နင်သာ....
ငါ့ရဲ့ အလှအပဆုံး အနက်ရှိုင်းဆုံး ဒဏ်ရာ..
အင်ဒရီယာ...

atn

ပြဇာတ်

ဇာတ်ညွှန်း လွဲ... သရုပ်ဆောင် ညံ့... ဒါရိုက်တာ အရူး...
မြေပုံကျပျောက်... ဘယ်ဘူတာ ဆိုက်မလဲ... အမေးအမြန်း မထူနဲ့... သံလိုက်အိမ်မြောင်တခု ဆောင်ထားမှ...
လမ်းဆုံးရင်း ရွာတွေ့... (သေရွာ)... သေပြီ-ဆရာပဲ...
ကိုယ့်မြင်းနဲ့... ကိုစိုင်းနဲ့... (လက်တွေလည်း လေထဲကို မြှောက်လို့)...
ရွာရိုး ကိုးပေါက်ပဲ ရှိသေး... ဆယ်ပေါက်ပြည့်အောင်... အင်း... ...
ကိုယ့်လှေနဲ့.... ကိုယ် ထိုး... (ကိုယ့်မျက်နှာကို ကိုယ့်လက်သီးနဲ့ ...) ....
ခရီး မဆုံးခင် လှည့်ပြန်လား... ပြန်ရဲ့...
မှတ်တိုင် မရောက်ခင် ဆင်းလို ဆင်းလား... ဆင်းရဲ့...
(မသာ) ရထား စီးပြီး ဘူတာပျောက်သလား... ပျောက်ရဲ့...
ကြယ်ကြည့်ပြီး ရွက်လွှင့်မိတဲ့ပင်လယ်... ကြယ်တွေထက်ကို ကျယ်နေပါပေါ့...
မှတ်ပြီလား... ဟင်... ... ပင်လယ်ကို ရှာမယ်ဆို... ခုတော့ ဘာတတ်နိုင်သေးလဲ... (အန္ဓ... ... )...
ရေဒီယိုထဲက... ခဏခဏ လာလာနေတဲ့ ရော့ခ်သီချင်းလို...
ဘ၀က ဘေ့စ်သံတွေ တဒုန်းဒုန်းနဲ့...
အုံးအုံးကြွက်ကြွက်ကြီးကို... တက်တက်စင်တွေ လွဲလို့...
လေကလေး ဘာလေး ချွန်လိုက်ပါဦးလား... (ကိုယ်တော်... ...)
မချွန်တတ်ရင်လည်း ခဲတံတွေ ဘာတွေ... ချွန်... (သားတော်... ... )
ရွပ်ရွပ်ချွံချွံ ဆုံးရှုံး လွဲမှားမှုများကို... တရားပြဖို့တော့...
ဘယ်သောအခါမှ မကြိုးစားလေနဲ့... (ခမည်းတော်... ...)
ဘုရားကျောင်းကို မျက်စောင်း ချွန်ချွန်နဲ့ အချက် နှစ်ဆယ်လောက် ထိုးပစ်ခဲ့တယ်...
သောက်မြင်ကပ်မှုပါ... တခြား ဘာအကြောင်းမှ မရှိပါ ... (အာမင်... )
သည်နေ့ကတော့ သမိုင်းတင်မယ့်နေ့...
(အရှေ့ကနေ နေထွက်တယ် ဂျီးဒေါ်ရေ့... ဘယ်လိုလုပ်ကြမလဲ... ကျုပ်တို့ ကမ္ဘာကြီးမှာ... )
ကျူးကျော်ရပ်ကွက်ဈေးထဲမှာ နားစွန် နားဖျား ကြားမိတာလေးပါ...
ကျုပ်လည်း ဘုရားမှာ ဂုဏ်တော် ကိုးပါးကို ပုတီး စိတ်ဦးမှ ဖြစ်မှာပါ...
(လူတကာ ကြားအောင် ကျယ်လောင်စွာ ပြောရင်း...
လက်ထဲမှ အပြာစာအုပ်ကို ခပ်အုပ်အုပ်ကလေး ဖွက်ကာ...
တပ်ထောင်တာ ဗိုလ်ထုရှေ့မှာ ဗိုလ်ရှုသဘင်ခံသော မျက်နှာဖြင့်...
ခေါင်းကိုမော့လျက်... လူအများ ရှေ့မှ... ၀င့်ကြွားစွာ...
တလှမ်းချင်း ထွက်ခွာသွားရင်း
ကိုယ့် ပုဆိုးစ ကိုယ်နင်းကာ ချော်လဲစေ...)
ဤတွင်...
တခန်းရပ်ပြဇာတ် ပွဲပျက်၏... ...

atn